როგორ შევარჩიოთ საბავშვო ეტლი

ეტლი კალიასკა

არსებობს რაიმე რაც თქვენი შვილის უსაფრთხოებაზე უფრო მნიშვნელოვანია? საბავშვო ეტლი ერთ-ერთი ყველაზე მნიშვნელოვანი შენაძენი უნდა იყოს თქვენთვის. მაღაზიაშივე რომ მოსინჯოთ ის, მაინც ვერ იტყვით დანამდვილებით, რამდენად კარგად მოხმარებადი იქნება იგი უკვე რეალურ ცხოვრებაში. მომხმარებელთა კვლევები კი თქვენსა და თქვენი ბავშვის უსაფრთხოებაზე ზრუნვისათვის შეისყიდის და ტესტავს ათობით საბავშვო ეტლს.

არ არსებობს კონკრეტულად ერთი ტიპის საბავშვო ეტლი, რომელიც ყველასათვის საუკეთესო იქნება. საუკეთესო ის ეტლია, რომლის მახასიათებლები ერგება როგორც თქვენს ბავშვსა და ცხოვრების სტილს, ასევე წარმოდგენილია თქვენი ბიუჯეტისათვის შესაფერისი ფასითაც. თანხობრივად, შესაძლოა 100 დოლარზე ნაკლებიც გაიღოთ, ან 1,000 დოლარზე მეტიც. სტილი, მსუბუქი წონის მქონე მასალები და დამატებითი მახასიათებლებია ის დეტალები რაც ფასს ზრდის, მაგრამ ჩვენმა ტესტირებებმა დაადგინა რომ არ მოგიწევთ ძალიან დიდი თანხის დახარჯვა კარგი, უსაფრთხო საბავშვო ეტლის საყიდლად.

ლაბორატორიულად შემოწმებული ეტლი თქვენი პატარასთვის

მომხმარებელთა კვლევების შემმოწმებლები ათობით ეტლს აფასებენ როგორც ლაბორატორიაში, ისე მის გარეთ და ადგენენ რამდენად იოლი, მარტივად მანევრირებადი და რა თქმა უნდა უსაფრთხოა ისინი. დამტესტავები იყენებენ თითოეულ ეტლს ისე, როგორც მშობელი გამოიიყენებდა, ტვირთავენ ისეთი წონით, რაც ბავშვის სიმულაციას მოახდენს: ჩვენ ვარეგულირებთ ღვედებს, საზურგეს, ბორბლის ბუხრუჭებს და თითოეულ მოდელს ისე ვკეცავთ და ვხსნით, როგორც ამას მანქანაში მისი მოთავსებისას გავაკეთებდით. ასევე გადაგვაქვს დაკეცილ მდგომარეობაში, რათა შევაფასოთ რამდენად იოლია მისი ამ ფორმით მოხმარებაც.

სეირნობის დროა. ჩვენ კონკრეტული სიმძიმით დატვირთულ ეტლს „ვასეირნებთ“ სხვადასხვა ტიპის ზედაპირებზე, ზემოთ და ქვემოთ ბორცვებზე, შემდეგ ისეთ დაბრკოლებებზე, როგორიცაა ბალახი, ნაფოტები და ხის ფესვები. და საბოლოოდ ჩვენ თითოეული ეტლის უსაფრთხოებას ვაფასებთ არამხოლოდ სტანდარტული უსაფრთხოების ტესტების შედეგებით, ასევე ჩვენ მიერ შექმნილი სტაბილურობისა და მტვრევადობის ტესტებითაც.

თქვენ ათობით ერთეულ ეტლს იხილავთ ეტლების ჩვენს რეიტინგებში . აღნიშნული ეტლები ოცზე მეტი ბრენდის ნაწარმია, მათ შორისაა: Britax, Bugaboo, Chicco, Graco, Maclaren, Mountain Buggy, Peg Perego, Stokke, Uppababy, და ბევრი სხვა.

ახალშობილობიდან 6 თვის ასაკამდე

დაგჭირდებათ ისეთი ეტლი, რომლის სავარძელიც თითქმის 180 გრადუსიან, ბრტყელ პოზიციაშია, გამოდგება როგორც მანქანის ჩვილის სავარძელი, ან ასრულებს ორივე ფუნქციას. არის სხვა არჩევანიც? აარჩიეთ ისეთი მანქანის სავარძლის დამჭერი, რომელიც უზრუნველყოფს ღვედით დამაგრებული თქვენი შვილის უსაფრთხოებას იქამდე, სანამ მას კისრის და თავის კონტროლი იმ დონემდე განუვითარდება რომ შეძლოს დამოუკიდებლად დაჯდომა. ჩვენ გაჩვენებთ მახასიათებლების და სპეციფიკავიების სექციას ეტლების ჩვენს რეიტინგში, რომელშიც მოცემულია ის მოდელები, რომლებიც ახალშობილებისა და 6 თვემდე ასაკის ჩვილებისთვის ზედგამოჭრილია. ეტლი, რომელსაც თან მოჰყვება მანქანის სავარძელი, ან რომელიც თავსებადია იმ სავარძელთან, რომელიც უკვე გაქვთ, ცხოვრებას ნამდვილად გაგიმარტივებთ.

უნივერსალური სამგზავრო სისტემა

ეს სისტემა შედგება ჩვილის მანქანის სავარძლის, მანქანის სავარძლის ბაზისა და ეტლისაგან. უკვე როცა თქვენი შვილი გამართულად ჯდომას ისწავლის, შეძლებთ ეტლის ისე გამოყენებას რომ არ მოგიწიოთ მისი სავარძელში ჩამაგრების გარეშე. ზოგიერთი სამგზავრო სისტემა კი ხასიათდება აბსოლუტურად 180 გრადუსიანი სწორი პოზიციით, რაც იმას ნიშნავს რომ მისი გამოყენება უფრო პატარა ჩვილებისთვისაც შესაძლებელია. სამგზავრო სისტემა კარგი საშუალებაა, იმ მიზეზითაც რომ ეტლის გამოყენებას ბავშვის გაზრდის შემდეგაც შეძლებთ, რაც გამორიცხულია ავტომობილის სავარძლის დამჭერის ჩარჩოს შემთხვევაში.

ჩვილის მანქანის სავარძლის დამჭერი

მსუბუქწონიან ჩარჩოს არ მოჰყვება დასაჯდომი ნაწილი, ასე რომ მისი გამოყენება ჩვილის ავტომობილის სავარძლის კომბინაციაში მოგიწევთ. თქვენ უბრალოდ უნდა ამოიღოთ ავტომობილის სავარძელი და სანაცვლოდ, დაამონტაჟოთ იგი ჩარჩოზე. და თუ თქვენ ხშირად გიწევთ ავტომობილით ბავშვის თან წაყვანა, ეს ნამდვილად კარგი არჩევანია. ზოგი მწარმოებელი კი კონკრეტული ავტომობილის ბრენდისათვის შეთავსებად ჩარჩოებს აწარმოებენ. უნივერსალური ჩარჩოები კი, მეორეს მხრივ, თავსებადია მრავალი ბრენდის

საბაზისო საბავშვო ეტლები: 6 თვიდან 3 წლის და მეტი ასაკისთვის

მას შემდეგ, რაც თქვენი შვილი ჯდომას ისწავლის, მისი სოციალიზაციის საკითხი უფრო წამოიწევს წინ, მაგალითად სხვა ბავშვებთან გასართობად წაყვანა. ავტომობილით გადაადგილდებით თუ საზოგადოებრივ ტრანსპორტს მოიხმართ, გადაგაწყვეტინებთ რა ტიპის ეტლი აირჩიოთ.

საზოგადოებრივი ტრანსპორტი

თუ მეტწილად მეტროზე, ავტობუსებზე და ტაქსებზე ხართ დამოკიდებული, მაშინ თქვენ დაგჭირდებათ მსუბუქი წონის მქონე, კომპაქტური ეტლი, რომელიც მტკიცე კორპუსით გამოირჩევა და დაკეცვითაც იოლად და სწრაფად იკეცება. ავტომობილის სავარძლის ჩასადგმელი ჩარჩო ასევე უნდა გადგებოდეთ იმ დრომდე როცა ბავშვი 1 წლის ასაკს მიაღწევს, თქვენ ასევე შეგიძლიათ განიხილოთ მსუბუქი წონის მქონე სამგზავრო სისტემა და ე.წ. „ქოლგა“ ეტლი. ჩვენს რეიტინგებში ასევე აღვნიშნეთ, თუ რამდენს იწონის თითოეული შემოწმებული ეტლი. არ აქვს მნიშვნელობა, ავტომობილით გადაადგილდებით თუ იყენებთ ტაქსის მომსახურებას, აუცილებლად დარწმუნდი რომ ეტლი იოლად მოთავსებადია მანქანის უკანა სავარძელში.

თუ თქვენ ცხოვრობთ გარეუბანში ან სოფლად, დიდია ალბათობა იმისა რომ ხშირად მოგიწევთ ავტომობილით მოგზაურობა, აუცილებლად დაგჭირდებათ სამგზავრო სისტემა ან თქვენს ავტომობილთან თავსებადი ინდივიდუალური ეტლი. ზოგიერთი მშობელი ყიდულობს ერთ-ერთს ამ ეტლთაგან, პლუს მსუბუქწონიან ეტლს მაგალითად სამოგზაუროდ, ან ზოოპარკში ვიზიტისთვის.

ტესტ დრაივი

არ აქვს მნიშვნელობა, ჩვილის თუ ახალფეხადგმული თქვენი პატარასთვის ეძებთ ეტლს, აუცილებლად დარწმუნდით ეტლის გამართულობაში და გადაწყვეტილების მიღებამდე დატესტეთ ის მაღაზიაშივე. თან წაიღეთ საზომი ზონარი, ყოველი შემთხვევისთვის. აქ კი წარმოგიდგენთ კიდევ რას გირჩევენ ჩვენი ექსპერტები:

  1. გამოიკვლიეთ ჩარჩო. ის მყარი უნდა იყოს და არავითარ შემთხვევაში – თხელი და სუსტი.
  2. შეამოწმეთ მუხრუჭები ან შემაკავშირებელი ბლოკირების მექანიზმები არის თუ არა მარტივად მოსახმარი და რადენად მოსახერხებელი და კომფორტულია სახელურებიც. ხომ არ ეჯახებით ფეხებით ბორბლებს, სიარულისას?
  3. აწიეთ და გადაიტანეთ ეტლი, ორივე შემთხვევაში, როცა ღიაა და როცა დაკეცილია.
  4. შეამოწმეთ მანევრირებადობა მასზე წონის დატვირთვით, მაგალითად დადეთ მძიმე ხელჩანთა ეტლის სავარძელზე და შემდეგ დააწექით.
  5. დაარეგულირეთ საზურგე. იოლად შეძელით? ღვედები მარტივად დამაგრებადი და გახსნადია?
  6. გაშალეთ ეტლი, ერთი ხელით და შემდეგ ორივეთი. ახლა იგივენაირად დაკეცეთ ეტლი.
  7. ყურადღება მიაქციეთ სათავსო სივრცეს. თუ ბევრ რაიმეს ატარებთ, დარწმუნდით რომ საკმარისი სივრცე გაქვთ საამისოდ.
  8. მოსინჯეთ რამდენად თავსდება ეტლი დაკეცილ მდგომარეობაში თქვენს მანქანაში, და თუ ამას ვერ შეძლებთ, გაზომეთ მაინც.
  9. შეამოწმეთ გარანტია და უკან დაბრუნების წესები.
  10. შეამოწმეთ სერთიფიცირება. ყველა ეტლი, რომელიც აშშ-ში იყიდება აუცილებლად უნდა იყოს თანხმობაში სავალდებულო ფედერალურ უსაფრთხოების სტანდარტთან, მაგრამ დამატებით რომ დარწმუნდეთ პროდუქტის უსაფრთხოებაში, ასევე დააკვირდით აქვს თუ არა მას JPMA სერთიფიცირებულის სტიკერი. ეს ნიშნავს რომ აღნიშნულმა ასოციაციამ ოფიციალურად მიანიჭა ეტლის ამ მოდელს სერთიფიკატი იმის დასტურად რომ არის უსაფრთხო და აკმაყოფილებს ყველა სავალდებულო მოთხოვნას.

ერთადგილიანი ეტლები

ეს ეტლები ერთი მგზავრისთვისაა გათვლილი. მოცემული კატეგორია მოიცავს მსუბუქწონიან 11 ფუნტიან ეტლებს, ტრადიციულ ან სამგზავრო სისტემებს, რომლებიც 20 ფუნტზე ნაკლებს იწონის და ასევე „ზე მძლავრ“ ეტლებს, რომლებიც 35 ფუნტს და მეტს იწონის.

ტრადიციული ეტლი

ეს უნივერსალური ეტლი ჭკვიანური და გრძელვადიანი ინვესტიციაა. ბევრი მათგანი თავისუფლად მოძრაობს ტროტუარზე, მოკირწყლულ ქუჩებზე, პარკებშიც კი. ზოგიერთ მათგანს აქვს სრულად დახრილი სავარძლები რაც უზრუნველყოფს თქვენი ჩვილის უსაფრთხოებას და ასევე მარტივად თავსდება ავტომობილშიც, თუმცა ძალიან მცირე შემთხვევაში გვხვდება ისეთები, რომლებიც ორივე პარამეტრით გამოსადეგია.

დადებითი მხარეები: მტკიცე, საიმედო, კარგი მანევრირებადობა და მოხმარების სიიოლე. გამოარჩიეთ ის მახასიათებელი, რომელიც კონკრეტულად თქვენთვისაა მნიშვნელოვანი, რადგან ისინი მოდელების მიხედვით განსხვავებულია.

უარყოფითი მხარეები: ხშირად უფრო მძიმეა, ვიდრე „ქოლგა“ ეტლები, ეს შესაძლოა პორტატულობისა და საზოგადოებრივი ტრანსპორტის პირობებში მოხმარებისათვის სირთულეს წარმოადგენდეს. ზოგიერთი 6 თვეზე ნაკლები ასაკის ჩვილებისთვის არ გამოდგება; ჩვენ გეტყვით თუ რომელი ტესტირებული ეტლი ვერ იქნება ამ მხარდაჭერით ჩვენს რეიტინგებში მახასიათებლების და სპეციფიკაციების სექციაში.

ერთადგილიანი ეტლის შეძენა შეგიძლიათ ამაზონზე.

სამგზავრო სისტემა

აღნიშნული მოდელი შედგება ჩვილის ავტომობილის სადგარის, თქვენი ავტომობილისთვის საჭირო ბაზის და თვით ეტლისაგან.

დადებითი მხარეები: საშუალებას გაძლევთ მძინარე ბავშვი შეწუხების გარეშე გადაიყვანოთ მანქანიდან ეტლში. ზოგიერთს გააჩნია ეტლის სავარძელი, რომელიც თითქმის 180 გრადუსით გადაიხრება და იძლევა სწორ ზედაპირს, რაც ნიშნავს იმას რომ მისი გამოყენება შესაძლებელია 6 თვის და უფრო პატარა ასაკის ჩვილისთვისაც. როდესაც თქვენი შვილი უკვე დამოუკიდებლად მოახერხებს დაჯდომას, საზურგის რეგულირება თავისუფლად შეიძლება კომფორტულ პოზიციაზე. ბევრი სამგზავრო სისტემა გამოსადეგი საშუალებაა, რადგან ეტლი მას შემდეგაც შეიძლება გამოიყენოთ როგორც ჩვილის ავტომობილის სავარძელი, რასაც ვერ ვიტყვით ავტომობილის სავარძლის კონტეინერის ჩარჩოზე.

უარყოფითი მხარეები: შეიძლება იყოს ვეებერთელა და მოუხერხებელი.

სამგზავრო სისტემების ეტლები შეგიძლიათ შეიძინოთ ამაზონზე.

„ქოლგა“ ეტლი

მსუბუქწონიანი ეტლები, რომლებიც კომპაქტურად იკეცება და გადასატანადაც იოლია, ცნობილია „ქოლგა“ ეტლების სახელით, ეს თვისება კი მათ იდეალურ საშუალებას ხდის სამოგზაუროდ ან მოკლე ტურებისთვის ქალაქის გარშემო. ბევრი ტესტირებული მოდელი ასევე წარმოდგენილია მრუდხაზიანი სახელურებითაც.

დადებითი მხარეები: მსუბუქი, მოსახერხებელი, ძირითადად მარტივად დაკეცვადი.

უარყოფითი მხარეები: ჩვენ მიერ დატესტილ მოდელთაგან ბევრი არ შეესაბამება 6 თვის და უფრო პატარა ასაკის ჩვილებს, რომელთაც დამოუკიდებლად ამართული ჯდომა არ შეუძლიათ, ეს კი იმიტომაა რომ სავარძელს არ აქს შესაბამისი დახრა და ეტლიც ვერ მოთავსდება ახალშობილის ავტომობილის სავარძელში. უფრო დიდი ჩვილები და ახალფეხადგმული ბავშვები კი შესაძლოა თავს შეზღუდულად გრძნობდნენ მასში, განსაკუთრებით თუ ზამთარია და ბევრი ტანსაცმელი აცვიათ. ზოგიერთი „ქოლგა“ ეტლი ასევე არ გმაოირჩევა მოსახერხებლობით პატარა პლასტმასის ბორბლებისა გამო, რაც ზღუდავს მანევრირებადობას.

შეიძინეთ მსუბუქი წონის ეტლები ამაზონზე.

კომბინირებული ეტლი

ასევე ცნობილია როგორც მოდულური ეტლი. ეტლის ეს სახეობა საშუალებას მოგცემთ ბავშვის ასაკის მატებასთან ერთად მოახდინოთ სხვადასხვა ეტლის ადაპტაცია მის ძირითად კონსტრუქციასთან.

დადებითი მხარეები: მას გამოიყენებთ თქვენი ჩვილის ცხოვრების პირველი დღეებიდან, თუ აირჩევთ ეტლს, რომელიც თავსდება ჩვილის მანქანის სავარძელში, აქვს ღრმა სივრცე ბავშვისათვის და ასევე რევერსიული სავარძელი, მაგრამ მახასიათებლები შეიძლება განსხვავდებოდეს.

უარყოფითი მხარეები: შეიძლება ღირდეს ძვირი. აუცილებლად დაგჭირდებათ ავტომობილის სავარძლის ყიდვა სადგარით და შესაძლოა ეტლის ადაპტერისაც. ბევრი მათგანი უძლებს 40 ფუნტამდე წონას, მაგრამ შესაძლოა თქვენს ბავშვს საერთოდაც აღარ დაჭირდეს ეტლი, როცა ამ წონას მიაღწევს. მნიშვნელოვანი აქსესუარები, როგორიცაა წვიმის საწინააღმდეგო ხუფი, ზოგჯერ დამატებითაც მოყვება.

ავტომობილის სავარძელი/ეტლი

ავტომობილის სავარძელი, რომელიც ეტლის ჩარჩოსთან სრულადაა ინტეგრირებული. ეტლის ჩარჩო იკეცება სავარძლის ქვეშ, რაც მარტივად დამონტაჟებადს ხდის მას.

დადებითი მხარეები: ერთით ნაკლები პროდუქტის ყიდვა მოგიწევთ, რადგან თქვენი ავტომობილის სავარძელი ამავდროულად ეტლიცაა.

უარყოფითი მხარეები: შეიძლება ხელით სატარებლად, ბავშვის გარეშეც კი საკმაოდ მძიმე იყოს.

ავტომობილის სავარძლის კონსტრუქციის ეტლი

ეს მსუბუქწონიანი ჩარჩო არ მოიცავს სავარძელს, შესაბამისად თქვენ მასში შეგიძლიათ ჩვილის შესაბამისი ავტომობილის სავარძელი დააინტეგრიროთ. ამ პროდუქტს ასევე იცნობენ ეტლის ჩარჩოს სახელითაც და ბევრი მათგანი ადაპტირებადია ბევრი მოდელისა და ბრენდის ჩვილის ავტომობილის სავარძელთან.

დადებითი მხარეები: კომპაქტური, მსუბუქი წონის და იაფფასიანი. როდესაც თქვენი ბავშვის მანქანიდან ეტლში გადაყვანას გადაწყვეტთ, მეტწილად შესაძლოა გააღვიძოთ იგი. კონსტრუქციის ისეთი ჩარჩო, კი რომელშიც შესაძლებელია ჩვილის სავარძლის ინტეგრირება უმარტივესი მოსახმარია.

უარყოფითი მხარეები: როცა ეტლი თქვენი შვილისთვის უკვე პატარაა, დაახლოებით მაშინ როცა ბავშვი უკვე 1 წლისაა – ჩარჩო უკვე ვეღარ გამოიყენება ეტლად. უმრავლესობა უნივერსალური ავტომობილის სავარძლის კონსტრუქციებისა, რომელსაც ერგება რიგი ბრენდებისა, უბრალოდ არ ჩაიდგმება ავტომობილში, აუცილებლად უნდა განამტკიცოთ მისი სიმყარე დამატებით ღვედით უზრუნველყოფით.

ავტომობილის სავარძლის კონსტრუქციის ეტლის შეძენას შეძლებთ ამაზონზე.

კომპაქტური ეტლი

მისი კონვერტირება შეიძლება სამგზავრო სისტემად ან ბავშვის ეტლად, თუ მას დაუმატებთ ჩვილის ავტომობილის სავარძელს და ასევე გადააკეთებთ მას ორადგილიან ეტლადაც, სურვილის შემთხვევაში. ზოგიერთი მათგანი სრულ თავისუფლებას გაძლევთ მდგომარე პლატფორმაც დაამატოთ ან მოხსნადი სავარძელიც ჩაამატოთ მესამე ბავშვისათვის.

დადებითი მხარეები: მოქნნილობა. თქვენ შესაძლოა სკამს მიმართულება მისცეთ როგორც თქვენსკენ, ასევე საპირისპირო მხარეს, რომ უყუროს გარემოს. მგზავრის დამატება გსურთ? კონფიგურაციათა რიცხვი განსხვავებულია ეტლის მოდელის მიხედვით. დარწმუნდით რომ ეტლში თავსდება ჩვილის ორი ავტომობილის სავარძელი, თუ ტყუპები გყავთ, და იმაში რომ ისინი საპირისპიროდ მიმართულადაც შეიძლება განთავსდეს, რათა უკვე ახალფეხადგმულობის ასაკში თქვენმა ტყუპებმა ერთმანეთის დანახვაც შეძლონ.

უარყოფითი მხარეები: შეიძლება იყოს მძიმე და ძვირიანი.

სპორტული ეტლი

ის ძირითადად შეგხვდებათ ჰაერით დატუმბული სამი დიდი ბორბლით, პირველი წამყვანი თვალი კი შეიძლება დატოვოთ მოხვევის ფუნქციით, და ასევე დაბლოკოთ სწორ პოზიციაში, თუ სწრაფ სიარულს აპირებთ.

დადებითი მხარეები: ჰაერით დატუმბული ბორბლები კომფორტულია სატარებლად და არც დიდ ძალას საჭიროებს ეტლის დასაძრავად. შესაძლოა ასევე ბევრად უფრო დიდხანსაც გაძლოს ვიდრე ტრადიციულმა ეტლებმა, რადგან მათ უფრო მეტი სიმძიმის გაძლებაც შეუძლიათ.

უარყოფითი მხარეები: დიდია და ზოგჯერ მძიმე, შესაძლოა ვერ მოთავსდეს თქვენი ავტომობილის სალონში, ასე რომ რამდენჯერმე დაფიქრდით სანამ მას თქვენ ერთადერთ ეტლად აირჩევდეთ. ასევე დროდადრო მოგიწევთ საბურავის წნევის შემოწმება და ჰაერის ჩატუმბვაც შესაბამისად. თუ ველოდიპედის სტილის წინა თვალი აქვს, დარწმუნდით იმაში რომ ის სწორედაა დამონტაჟებული და იცით მისი მოხმარება – ველოსიპედების მაღაზიაშიც შეუძლიათ ამაზე კონსულტაციის გაწევა. უმრავლესობა სპორტული ეტლებისა არ არის შესაბამისი 6 თვის და ნაკლები ასაკის ჩვილებისათვის და მომხმარებელთა კვლევების ექსპერტებიც გირჩევენ 1 წლამდე არ უყიდოთ თქვენს ბავშვს ეს ეტლი. შენიშნეთ ისიც რომ ჩვენ ამ ეტლებს სირბილის რეჟიმში არ ვტესტავთ, ამ ეტაპზე.

შეიძინეთ სპორტული ეტლი ამაზონზე

ორმაგი და კონვერტირებადი ეტლები

თუ ორი 4 წლადე ასაკის პატარა გყავთ, მაშინ ორმაგი ეტლი ძალიან დიდ დახმარებას გაგიწევთ ყოველდღიურ ცხოვრებაში. და როგორც ზემოთ აღწერილი ავტომობილის სავარძელში ინტეგრირებადი ეტლი, ორმაგი ავტომობილის სავარძლის ეტლებიც ასევე განიხილება ახალშობილი ჩვილებისათვის კარგ ვარიანტად. ასევე იფიქრეთ მულტიფუნქციურ კონვერტირებად ეტლზეც. ის შეიძლება გარდაქმნათ ინდივიდუალური ეტლიდან ორმაგ ეტლად და არამარტო.

ორმაგი გვერდიგვერდ ეტლი

ორი სავარძელი მოთავსებულია ერთ კორპუსში, ან ზოგიერთ შემთხვევაში ორი ეტლი ერთმანეთთანაა გაერთიანებული. გვერდიგვერდ ოფცია ყველაზე მარტივად მანევრირებადია იგივე სიმაღლისა და წონის ბავშვებთან.

დადებითი მხარეები: თუ ჩვილ ტყუპებთან ერთად შოპინგობთ, მაშინ მოძებნეთ გევრდიგვერდ ეტლი, რომელშიც სავარძლები თითქმის 180 გრადუსით იხრება და შენიშნეთ რომ ზოგიერთი მოდელი იმის საშუალებასაც კი გაძლევთ რომ ჩვილის ავტომობილის სავარძლები გვერდიგვერდაც მოათავსოთ.

უარყოფითი მხარეები: თუ ბავშვები განსხვავებული წონისაა, შეიძლება ამან გადაწონოს ეტლი ცალ მხარეს. ზოგიერთი ვერ ირგებს ავტომობილის სავარძელს, მაშინ როცა ზოგ მოდელს ეს პრობლემა სულაც არ აღენიშნება. მეტი ინფორმაციისთვის იხილეთ ჩვენი მახასიათებლებისა და სპეციფიკაციების განყოფილება ეტლების რეიტინგებში. 

შეიძინეთ ორმაგი ეტლები ამაზონზე.

ტანდემური ორმაგი ეტლი

ზოგ შემთხვევაში შეიძლება ისეთი ეტლი შეარჩიოთ, რომელშიც თქვენი ბავშვები ერთი მეორის მიმართ სახით არიან, ზოგ შემთხვევაში კი სავარძლები ისეა განლაგებული, როგორც სტადიონზე. ეს მოდელი კი ამ უკანასკნელის მაგალითია.

დადებითი მხარეები: ტანდემები სტანდარტულ გასასვლელებსა და ლიფტებში ბევრად უკეთ მოსახმარია, ვიდრე გვერდიგვერდ მოდელები. დაკეცილი ტანდემი ბევრად უფრო მცირე ზომას იკავებს ვიდრე საშუალო ზომის სტანდარტული დაკეცილი ეტლი. ზოგიერთი ტანდემი თავსებადია ავტომობილის სავარძელთან ერთი ან ორივე ეტლის სავარძლისათვის.

უარყოფითი მხარეები: რთულია მოხვევა და ასევე ძნელია ამობურცულ ზედაპირზე გადაადგილება. ტანდემები გრძელი და ხშირად საკმაოდ მძიმე ეტლებია, ასე რომ სუსტ ადამიანს შესაძლოა გაუჭირდეს მისით მანევრირება. ზოგიერთ მოდელს კი ძალიან მცირე სივრცე აქვს უკანა ნაწილში მჯდომი ბავშვისათვის.

შეიძინეთ ტანდემ ეტლები ამაზონზე

კომპაქტური ეტლი

მისი კონვერტირება შესაძლებელია სამგზავრო სისტემად ან უბრალო ეტლად თუ დაამატებთ ჩვიილის ავტომობილის სავარძელს, და ასევე შეძლებთ ინდივიდუალურიდან ორმაგ ეტლად გადაკეთებას. ზოგიერთი მათგანი საშალებას გაძლევთ მას დაუმატოთ მდგომარე პლატფორმაც ან მესამე, უფროსი ბავშვისთვის დამატებითი სავარძელიც დააინტეგრიროთ.

დადებითი მხარეები: მოქნილობა. შესაძლოა თქვენი ბავშვი ისეთ პოზიციაში მოათავსოთ, რომ მან შეძლოს პირდაპირ დაუბრკოლებლად ყურება. თუ მგზავრის დამატება გსურთ, რიგი კონფიგურაციებისა თქვენს ხელთაა. დარწმუნდით რომ ეტლი ითავსებს ჩვილების ორ ავტომობილის სავარძელს, იმ შემთხვევაში თუ ტყუპების მშობლები ხართ და ისიც, შეიძლება თუ არა სავარძლების ურთიერთმიმართულ მხარეს მონაცვლება, ახალფეხადგმულმა თქვენმა შვილებმა რომ შეძლონ ერთმანეთისკენ ყურება.

უარყოფით მხარეები: შეიძლება იყოს მძიმე და ძვირიანიც.

ეტლების დამატებები და აქსესუარები

ზოგიერთი ფუნქციონალი თქვენი ბავშვის ეტლში ყოფნას უსაფრთხოს და უფრო კომფორტულს გახდის, როცა სხვა საშუალებები, როგორიცაა სავაჭრო ეტლები უფრო მეტად დაკავებული მშობლებისთვისაა სახარბიელო. მახასიათებლები მოიცავს წინ ან უკანმიმართულ სავარძლებს, სახელურებს რომლებიც რეგულირდება სიმაღლის მიხედვით და პანელებს, რომლებშიც ჭიქების, მანქანის გასაღების და ტელეფონის მოთავსებაც კი შეიძლება.

ყველაზე მსუბუქი ეტლის ყიდვის შემთხვევაშიც, შესაძლოა კვლავ დაგჭირდეთ ისეთი აქსესუარები, როგორიცაა პარასოლი, წვიმის ხუფი, მწერებისგან დამცავი ბადე და სასმლის დამჭერი. აქსესუარები მრავალი ფორმისაა და მათ საკმაოდ შეუძლია გააძვიროს ეტლის ფასიც. მაგრამ, ცოტა მეტი თანხის გაღება ნამდვილად ღირს ისეთი დამატებითი საშუალებებისთვის, როგორიც ჩვილის ბოთლები, მორგებადი სახელურები და სპცეიალური სამაგრია თქვენი ტელეფონისთვის.

შეიძინეთ ეტლის აქსესუარები ამაზონზე

რაც უნდა იცოდეთ ეტლის აქსესუარებზე

ხუთმაგი დამჭერი სისტემა

ხუთმაგი ღვედი ყველაზე უსაფრთხო ფუნქციაა, რაც ეტლს შეიძლება ჰქონდეს და იგი სტანდარტულად მოყვება ეტლთა უმრავლესობას. ის იცავს თქვენს პატარას მხრების, წელის და ფეხების მხრიდან და არ აძლევს იმის საშუალებას რომ გადმოსრიალდეს ან გადმოვარდეს სავარძლიდან, ან სხვა შემთხვევაში, ამოძვრეს მაშინ, როდესაც მას არ უყურებთ. კარგად შეამოწმეთ რამდენად მჭიდროდ იკეტება ბალთები და მარტივია თქვენთვის მისი ოპერირება და რთული მისი გახსნა – პატარა ხელებისთვის. ღვედები უნდა დარეგულირდეს შესაბამის ზომაზე და დაცულად დაფიქსირდეს.

ფოტო: JOOVY

დასაკეცი მექანიზმები

როცა თქვენი ბავშვის ცალი მკლავით დაჭერას ცდილობთ, ისეთი ეტლი, რომელიც ხელის ერთი მოძრაობით დაიკეცება, ნამდვილად შვებაა. საუკეთესო ეტლები წამებში იკეცება კომპაქტურ პოზიციებამდე, მაგრამ ყველა მათგანი არ არის ცალი ხელით ოპერირებადი. ბევრ ეტლს ორივე ხელი სჭირდება მარტივად გასახსნელად და დასაკეცად.

ფოტო: UPPABABY

ჩარდახი

ეს დეტალი ბავშვის პირდაპირი მზის სხივებისა და არასახარბიელო ამინდისგან დაცვის აუცილებელი საშუალებაა. ეს ქუდები განსხვავდება ზომებსა და დაფარვის ფართობებში, მწირიდან ღრმა ვერსიებამდე, რომელიც ფარის მსგავსად იცავს ეტლს თითქმის ყველა მხრიდან. რევერსული (ან 180 გრადუსიანი სამგზავრო) ჩარდახები იცავს ბავშვებს წინიდან ან უკნიდან. ვენტილაცია უჯრედული პანელების გავლით ან მატერია რომელიც გამოყენებულია ჩარდახის დასამზადებლად, ასევე მნიშვნელოვანია ბავშვის კომფორტისათვის და იმისთვის რომ ძალიანაც არ დაიხუთოს. ზოგ ჩარდახს აქვს გამჭვირვალე პლასტიკური მასალის ან ბადისებრი ფანჯარა ზემოთ, რომლის საშუალებითაც თქვენ მუდამ თვალს ადევნებთ თქვენს პატარას. თქვენ ასევე შეგიძლიათ იყიდოთ ცალკეული წვიმის ან ქარის დამცავი „ქუდები“ უმრავლესობა ეტლებისათვის, თუ ის კომპლექტაციაში არ მოყვა. ზოგიერთი მწარმოებელი ასევე სთავაზობს მწერებისგან დასაცავ ბადეს ან პარაზოლს, რომელიც ზედ ემაგრება ეტლსაც.

ფოტო: JOOVY

ბორბლები და ამორტიზატორები

ზოგადად, უფრო დიდი ბორბლები ეტლს უკეთ მანევრირებადს ხდის და აიოლებს მის გადაადგილებას ამობურვულ, უხეშ ან არასწორ ზედაპირზე. ეს კი თამამად გაფიქრებინებთ რომ, როგორ რაიონშიც არ უნდა ცხოვრობდეთ, ამ ეტლს ყველგან გამოიყენებთ. ჰაერით გავსებული ბორბლები მართალია ეტლით რბილად გადაადგილებას უზრუნველყოფს, თუმცა მას ყურადღების მიქცევა მაინც სჭირდება. ზოგიერთი მწარმოებელი გთავაზობთ ქაფით შევსებულ საბურავებს, რომელიც კიდევ უფრო აუმჯობესებს ეტლის გადაადგილებას. მაგრამ ზედმეტად რბილი გადაადგილება შესაძლოა მიმართულებების კონტროლის ფასად დაგიჯდეთ. თუ ეძებთ მანევრებისა და გადაადგილების სიმარტივეს, ეცადეთ თავიდან აირიდოთ ეტლები პატარა პლასტიკური ბორბლებით. ბევრი ეტლი სპეციფიური ამორტიზატორითაც გამოდის (მაგალითად რეზინის პადები) მომხვევ მექანიზმთან.

მოცულობა

ტევადი, მარტივად ხელმისაწვდომიმ სათავსო განყოფილება ეტლის ქვემოთა ნაწილში “მივლინებებს“ ძალიან ამარტივებს. ზოგიერთ მოდელს აქვს დასაკეცი ნახევრადგამყოფი; სხვა შემთხვევებში კი ვხვდებით ელვა შესაკრავიან ნაწილს, რომელშიც კიდევ უფრო დაცულად მოვათავსებთ გასაღებებს ან საფულეს. დარწმუნდით რომ სათავსო მაშინაც ხელმისაწვდომია, როცა საზურგე გადაწეულია ან როცა ჩვილის მანქანის სავარძელი ჩამაგრებულია თავის ადგილას მანქანაში. ეს განყოფილება უნდა იყოს მტკიცე მასალისგან დამზადებული და უნდა გაუძლოს თქვენი ტვირთის წონას ისე რომ თან მიწაზე არ გაახახუნოს იგი. ბევრ ეტლს გააჩნია ჭიქის დამჭერი, ერთი თქვენთვის და ერთიც თქვენი ბავშვისთის. მართალია მითითებულია, რომ ეს მახასიათებელი ცხელი და ცივი სასმელებისთვის ორივესთვის მოსახერხებელია, მაგრამ გირჩევთ, ცხელი სასმელებისთვის ის არასოდეს გამოიყენოთ. არც სახელურზე ჩამოკიდოთ რაიმე ჩანთა, რადგანაც არსებობს იმის საშიშროება რომ ეტლი არათანაბრად დამძიმდეს და გადაყირავდეს. 

ფოტო: UPPABABY

მუხრუჭები

კარგი მუხრუჭები უსაფრთხოებისათვის პირველი აუცილებლობაა. ეტლების უმრავლესობას პარკირების მუხრუჭები აქვს, რომლებიც ტერფით შეიძლება გააქტიურდეს. ზოგიერთს კი ერთი შეხების ან მიბმული მუხრუჭები აქვს, რომლებიც ფეხის ერთჯერადი მიდებით აქტიურდება ეტლის ჩარჩოს უკანა ბრჯენზე, მაშინ როცა სხვა მოდელებს ეს პედალი თითოეული უკანა ბორბლის ზემოთ აქვთ მოთავსებული. ერთჯერადი შეხების ტიპის მუხრუჭი უფრო მარტივი მოსახმარია ღია ტიპის ფეხსაცმელებით. ზოგი ახალი მოდელი კი გამოდის ინდივიდუალური ხელით მართვადი ბერკეტით რომელიც ააქტიურებს ორივე უკანა ბორბლის მუხრუჭებს.

დამცავი საფარი

ზოგიერთ ეტლს აქვს დამცავი საფარი, რომლებიც კონკრეტული მატერიისგან მზადდება, რომელიც თქვენი პატარას ფეხების სითბოს შენარჩუნებისთვისაც გამოდგება. ზოგიერთი ასეთი საფარი შეიძლება ორმაგი ფენითაც იყოს წარმოდგენილი, რაც საზურგის გადაწევის შემთხვევაშიც სრულებით მიწვდება თქვენს პატარას. უმრავლესობა ამ საფარებისა ცალკე იყიდება. ისინი კარგი საშუალებაა, თუ ცივ კლიმატში ცხოვრობთ. იმ შემთხვევაში, როდესაც უნივერსალურ საფარს ყიდულობთ, რომელიც კონკრეტულად თქვენი ეტლის მოდელისთვის არ დამზადებულა, დარწმუნდით რომ ის არ გადაფარავს ღვედებს.

ფოტო: MACLAREN

სახელურები

ეტლის სახელურები ხშირად სქელი მასალითაა გარსშემორტყმული. მორგებადი სახელურები შეიძლება უფრო დაგრძელდეს ან შეიცვალოს კუთხე, განსხვავებული სიმაღლის ადამიანების მიერ მისი კომფორტული გამოყენებისთვის. ცოტა რაოდენობის მოდელებს ასევე აქვს შეცვლადი ან რევერსირებადი სახელურები, რომლებიც ბლოკავენ ეტლს ერთ პოზიციაში ან უცვლიან მიმართულებას სავარძელს საპირისპიროთი. „ქოლგა“ ეტლებსაც ძირითადად აქვს ორი ცალკეული სახელური, ვიდრე ერთიანი და მთლიანი, რაც მათ მანევრირებას უფრო ართულებს.

გარსშემომცველი მასალა

ეტლის მასალებისა და დიზაინის იმდენად დიდი არჩევანია ბაზარზე, რომ ვფიქრობთ, თქვენი გემოვნებისა დამაკმაყოფილებელი მოდელის შერჩევა არანაირ პრობლემას არ უნდა წარმოადგენდეს. ზოგიერთი პოპულარული მწარმოებელი კი მომხმარებელს სთავაზობს „ფენებიან“ სავარძლის მასალას; რომელიც სუნთქვადი ბადითაა დაფარული და ყველაზე ცხელ ამინდშიც კი მაქსიმალურ კომფორტს უზრუნველყოფს, თქვენ შეგიძლიათ ელვა შესაკრავით დაამატოთ ფენები, ამინდის ცვლილების შესაბამისად. ჭკვიანური გადაწყვეტილება იქნება, თუ ისეთ მასალას შეიძენთ რომელიც იხსნება და იწმინდება. აუცილებლად გადახედეთ ეტლის მოცილებადი საფარის ინსტრუქციას: ზოგიერთ შემთხვევაში იგი უნდა გარეცხოთ გაწურვის და დაჭმუჭვნის გარეშე.

ბრენდები მომხმარებლის კვლევების რეიტინგებში

ეტლების ჩვენს რეიტინგებში 20-ზე მეტი ბრენდია წარმოდგენილი. აქ კი მოკლედ მიმოვიხილავთ ზოგიერთ მათგანს. როდესაც მოდელები გამოხმობილია ბაზრიდან, ჩვენ მათ ასევე ვიღებთ რეიტინგებიდან და ვტესტავთ კიდევ უფრო მეტ ეტლს და ამ ჩამონათვალს სხვა ბრენდებსაც ვამატებთ.

Baby Jogger 

პირველი სამთვალა სპორტული მოდელის შემქმნელი ეს კომპანია დღესაც ქმნის ამ ტიპის ეტლს და ყველა სხვა ტიპის ეტლებსაც (ინდივიდუალურს და ორმაგს) საშუალო ფასის დიაპაზონში; ის ასევე ყოველდღიური მოხმარების ეტლებსაც აწარმოებს. ხელმისაწვდომია სპეციალიზებულ მაღაზიებში, ჩვილ ბავშვთა პროდუქტების სუპერმარკეტებში და ონლაინ.

Baby Trend

Baby Trend ქმნის საბავშვო ეტლების დიდ ასორტიმენტს, რომელიც იყიდება როგორც ონლაინ, ისე მაღაზიებში, როგორიცაა Amazon, Buy Buy Baby, Target, და Walmart. მათი ეტლები ძირითადად 200 დოლარზე ნაკლები ღირს.

 Britax 

Britax წარმოადგენს ბრიტანულ ბავშვის მოვლის პროდუქტების მწარმოებელს, რომელიც ამერიკის ბაზარზე 20 წელზე მეტია რაც ოპერირებს. კომპანიამ შეიძინა BOB ეტლების მწარმოებელი კომპანია 2011 წელს. Britax ეტლები ხელისაწვდომია როგორც დამოუკიდებელ ასევე მასობრივ საცალო მოვაჭრეებთან და ისეთ ვებსაიტებზე, როგორიცაა Amazon.

Bugaboo 

პოპულარული ეტლის მწარმოებელი, რომლის სათავო ოფისი ამსტერდამშია, Bugabo აწარმოებს ეტლებს და ავტომობილის სავარძლებს, რომლებიც იყიდება Buy Buy Baby, სპეციალიზებულ და სხვა მაღაზიებში და ონლაინ   – Amazon და Nordstrom-ზე, მაგალითად.

Chicco 

წარმოითქმის როგორც “ქი-კო“, ეს იტალიური ბრენდი დაფუძNდა 1958 წელს და სპეციალიზებულია საბავშვო ტანსაცმლისა და აღჭურვილობის წარმოებაში, მათ შორის ეტლების, მაღალი სკამებისა და ავტომობილის სავარძლებისაც. ხელმისაწვდომია ონლაინ და Buy Buy Baby, Target, და Walmart-ში.

Graco 

Graco აწარმოებს სრულ ხაზს საბავშვო პროდუქტებისას, დაწყებული მათი მოვლის საშუალებებით და დასრულებლი ეტლებით და საბავშვო სავარძლებით. ფართოდაა ხელმისაწვდომი მაღაზიებში და ონლაინ.

Maclaren 

Maclaren ცნობილია მისი მსუბუქი წონის ეტლებით. ისინი იყიდება ონლაინ ისეთ საიტებზე, როგორიცაა Amazon და Buy Buy Baby, და Walmart, მაგალითად.             

Mamas and Papas 

ეს ბრიტანული კომპანია აწარმოებს ეტლებს, რომლებიც სპეციალიზებულ მაღაზიებსა და ონლაინ სივრცეში იყიდება, მათ შორის Amazon-ზეც.

Mountain Buggy 

„ცხოვრება ლიმიტების გარეშე“ ეს არის კომპანიის დევიზი და ეს ყველაფერი დაიწყო მამის სურვილით თავის პატარასთან ერთად დაელაშქრა ახალი ზელანდიის მთიანი ბილიკები. შედეგად კი მივიღეთ „ყველგანმავალი“, მათი შეთავაზებები ასევე მოიცავს მაღალ სკამებსა და ავტომობილის სავარძლებსაც. შეგიძლიათ შეიძნოთ ონლაინ და შემდეგ სავაჭრო ცენტრებში: Amazon, Bed Bath & Beyond, და Buy Buy Baby.