დენის ელემენტის შეძენის გზამკვლევი

ელემენტი

 

როგორ შევეძინოთ დენის ელემენტი?

თქვენს პულტებს სჭირდება ეს პროდუქტი. ასევე მას მოიხმარს სათამაშოები, ელექტროფარნები, კედლის საათები, რძის ქაფწარმომქმნელები – ბევრი კვამლის დეტექტორიც კი. ელემენტები ინსპირაციის წყაროც კი ხდება. და მიუხედავად იმ ფაქტისა რომ ჩვენი გაჯეტები უფრო და უფრო მოდერნიზებული ხდება, მათი დამუხტვა თუ ელემენტების შეცვლა ჯერ კიდევ საჭიროებას წარმოადგენს.

თუმცა, ყველა ელემენტის პერფორმანსი არაა ისეთი, როგორც ამას მწარმოებლები გვპირდებიან – თუნდაც ცნობილი ბრენდები რომ ავიღოთ. გამოიყენეთ ეს სტატია სახელმძღვანელოდ და შეიტყვეთ ბაზარზე არსებული ელემენტების ტიპების შესახებ და გაიგეთ თუ რომელი ერგება საუკეთესოდ თქვენს მოთხოვნებს.

ელემენტები ტიპების მიხედვით

AA ელემენტების ფასებსა და წარმადობას საკმაოდ ფართო დიაპაზონში ვხვდებით. ჩვენ გადავწყვიტეთ გამოგვეცადა ერთჯერადი AA ტიპის ელემენტები, რადგან ისინი ყველაზე ხშირად ყიდვადი პროდუქტია ისეთი საოჯახო ნივთებისათვის, როგორიცაა კალკულატორები, პორტატული საათები, ავტოფარეხის კარების გამღებები და თქვენი უსადენო მაუსიც კი. იმის გასარკკვევად, გჭირდებათ თუ არა ამ გაჯეტების სრულყოფილად მუშაობისათვის ბევრი თანხის გაღება, ჩვენ ბოლოს გამოვცადეთ 15 განსხვავებული ბრენდის ქვეშ წარმოებული ელემენტები – როგორც ტუტოვანი, ასევე ლითიუმის ხაზიდან.

ჩვენი ტესტირებები ისეა დაგეგმილი რომ მოხდეს ელემენტის ტიპიური მოხმარების იმიტაცია, სათამაშოებსა და ფანრებში. სათამაშოების შემთხვევაში, ჩვენ მოვახდინეთ დღის მანძილზე თამაშის ერთსაათიანი იმიტაცია. ფანრების შემთხვევაში კი – ჩვენ ვტესტავდით ელემენტს 4 წუთის მანძილზე ყოველ 8 საათში ერთხელ და შემდეგ ვტოვებდით ხელუხლებლად 16 საათის მანძილზე. ჩვენ თითოეული ეს ტესტირება იქამდე ვიმეორეთ, სანამ ელემენტები მთლიანად განიმუხტა.

ტესტის სრული შედეგები თითოეული მოდელის ელემენტისთვის ხელმისაწვდომია ხელმომწერებისათვის. მაგრამ ჩვენმა ტესტირებებმა ასევე ბევრი რამ აჩვენა იმის შესახებ თუ როგორ მუშაობს განსხვავებული ელემენტის ტექნოლოგიები და ეს ინფორმაცია ქვემოთაა მოცემული.

პირველ რიგში, გიამბობთ ვარგისიანობის ვადის შესახებ: ტუტოვანი ელემენტების შენახვა შესაძლებელია ხუთიდან ათ წლამდე; ლითიუმის ელემენტების შემთხვევაში კი ეს ვადა ათიდან თხუთმეტ წლამდეა. და განსხვავებით ძველი ნახშირი-თუთია ელემენტებისაგან, თანამედროვე ელემენტებს არანაირად არ აუმჯობესებს გაყინვა.

ლითიუმი

ზოგადად, უმაღლეს ხარისხის მაჩვენებელთან ერთად, ლითიუმის ელემენტები, მაღალი ფასებითაც გამოირჩევა. ლითიუმის მაღალი სტაბილურობის, დაბალი „თვით-განმუხტვადობისა“ ან მუხტის დაკარგვის თვისებების გამო, გამოიყენეთ ისინი ენერგიის მაღალი მოხმარების მოწყობილობებისათვის, ან ისეთი მოწყობილობებისათვის რომლებიც რთულად მიღწევადია ან ნაკლებად ხშირად მოხმარბადი. ტუტოვან მოდელებთან შედარებით, ლითიუმის ელემენტები ნაკლებადაა მიდრეკილი დამჟანგველი სითხის გამოშვებისაკენ, რაც უფრო ძველდება.