რა განაპირობებს ხარისხიან ძილს

თქვენი ძილის პოზიციის შესაბამისი საუკეთესო ბალიში

სწორი ბალიშის არჩევა რომ შეძლოთ, უნდა დააკვირდეთ თქვენი ძილის პოზიციას

ბალიშს საკმაოდ მარტივი დანიშნულება აქვს – უზრუნველყოს თავისა და კეფის სწორი განლაგება ძილის დროს. თუმცა, საყიდლებზე ბალიშის შერჩევის პროცესი, სრულებითაც არაა ასეთივე სწორხაზოვანი. მაღაზიის თაროები და კატალოგები სავსეა ალტერნატივებით: ბუმბულის, ღრუბლოვანი, ლატექსის, პოლიესტერის ბალიშებით. ამ დაბნეულობას კიდევ უფრო აძლიერებს ბალიშების კიდევ სხვა ტიპის კატეგორიზება – რბილ, საშუალო და მაგარ ბალიშებად, რომლებიც ბრენდიდან ბრენდამდე განსხვავდება. ფასი კი მაინცდამაინც არ გამოდის პროდუქტის ხარისხის კარგი მაჩვენებელი.

ავსტრალიის ჯეიმს კუკის უნივერსიტეტის ფიზიოთერაპიის ასოცირებული პროფესორის სიუზენ გორდონის თანახმად, იმისთვის რომ გავიგოთ რომელი პოზიციაა კომფორტული ბალიშზე კისრისათვის, დაახლოებით 10-დან 15 წუთამდე დროა საჭირო, ხოლო ერთი კვირის მანძილზე ბალიშზე ძილის შედეგად, საბოლოოდ დარწმუნდებით იგი სათქვენოა თუ არა.

ზოგი კი მაინც „ცდა-შეცდომის“ გზას არჩევს: „ჩემი ბალიში ძალიან რბილი/მაგარი/ბრტყელია, ასე რომ შემდეგ ჯერზე უფრო მაგარ/რბილ/სავსე ბალიშს ვიყიდი“. ბევრს უბრალოდ ბევრ ბალიშზე ერთად სძინავს, ეს კი იმიტომაა ცუდი რომ თქვენი თავი უფრო დიდ სიმაღლეზე იქნება ძილის დროს და კისრის ბუნერბრივ მოყვანილობაზე უხეშად იმოქმედებს.

მომხმარებელთა კვლევები გირჩევთ ბალიშის არჩევის დროს უფრო მეთოდიკური მიდგომა გამოიყენოთ.

ბალიში შეუსაბამეთ ძილის თქვენებურ პოზიციას

როგორც უკვე აღვნიშნეთ, ადამიანებს გვახასიათებს ძილის დომინანტური პოზიცია: გვერდზე, ზურგზე, მუცელზე ან მათი კომბინაცია და რებეკა რობინსი, ნიუ იორკის მედიცინის სკოლის უმცროსი დოქტორანტი და “Sleep for Success!” – ძილი წარმატებისთვის წიგნის თანაავტორი რომ ამ პოზიციის გამორკვევას გვირჩევს. ბევრი ბალიშზე უკვე შეხვდებით იარლიყს შესაბამისი ინფორმაციით, თუ ძილის რომელი პოზიციის მოყვარულთათვისაა იგი განკუთვნილი, თუმცა რაღათქმაუნდა ბრენდიდან ბრენდამდე განსხვავება მაინც იქნება სახეზე. ჩვენი რჩევებით კი შოპინგის პროცესს უფრო გაიმარტივებთ. საბოლოოდ, გადახედეთ ბალიშის უკან დაბრუნების პოლიტიკას, შესაბამისად სახლი გამოუსადეგარი ბალიშებით არ გადაგევსებათ.

ადამიანთა თითქმის 70 პროცენტი გვერდზე ძილს ამჯობინებს. მაგარი, ან ზედმეტად მაგარი ბალიში კისრის მრუდის და თავის სწორი განლაგების შენარჩუნებისათვის საუკეთესო საშუალებაა 2015 წლის მანიპულაციური და ფიზიოლოგიური თერაპევტიის ჟურნალის კვლევის თანახმად კი გამოვლინდა ბალიშის ყველაზე კომფორტული სიმაღლე – 10 სანტიმეტრი. ტრადიციული ან კონტურული ღრუბლის ან ლატექსის ბალიშები კი თავის სწორი კუთხით განლაგებას უზრუნველყოფს და დროთა განმავლობაში ისე სწრაფად არ „დაჯდება“, პოლიესტერთან შედარებით.

თუ თქვენი საყვარელი პოზიცია ზურგზე წოლაა, მაშინ ისეთი ბალიში დაგჭირდებათ რომელიც კისრის ბუნებრივ მრუდს არ დაგირღვევთ და არ გექნებათ შეგრძნება თითქოს თავი დაკიდებულად გიდევთ. უნდა დაიწყოთ საშუალოდ რბილი, საშუალოდ მაგარი მოდელებით, რომელიც ლატექსით ან ღრუბლითაა შევსებული.

ზურგზე ძილი ხშირად ხვრინვასთან ან უფრო სერიოზულ ძილთან აპნეასთან ასოცირდება, რომლის დროსაც ადამიანი მომენტალურად წყვეტს სუნთქვას. გრავიტაციის ძალით ენა ბლოკავს სასუნთქ გზებს და წარმოქმნის ხმაურს, ამის თავიდან ასაცილებლად კი შეგიძლიათ ორიდან სამამდე მაგარი ბალიში გამოიყენოთ, რათა სხეულის ზედა ნახევარი უფრო აამაღლოთ, აცხადებს თომას როთი, დოქტორი, ძილის გადახრების ცენტრის დამაარსებელი ჰენრი ფორდის ჯანმრთელობის სისტემაში, დეტროიტში.

თუ გულდაღმა ძილი გიყვართ, შესაბამისად თქვენი სახე ლეიბთან ძალიან ახლოსაა. თქვენი კისრის ბუნებრივი მრუდის სწორ პოზიციას მხოლოდ ღინღლით ან ბუმბულებით, თუნდაც მათი ალტერნატივით პოლიესტერით ან თხელი ღრუბლით შევსებული რბილი და ფუმფულა ბალიში უზრუნველყოფს. მაშინ, როცა მაგარი, სქელი ბალიში, პირიქით კისრის ტკივილს გამოიწვევს.

თუ თქვენ მულტიპოზიციური ძილის მოყვარული ხართ, საუკეთესო ბალიში თქვენთვის ასევე რბილი და მაგარი სექციების მქონე კომბინირებული ბალიშია, ან ისეთი ვარიანტი, რომელიც უფრო დაბალია ცენტრში და მაღალია გვერდებზე. ეს შედეგი კი მასალათა კომბინაციით მიიღწევა.


რჩევა: როდის უნდა შევცვალოთ ბალიში?

ბალიშების უმრავლესობა დაახლოებით ორ წელიწადს ძლებს. ბალიში უნდა შეცვალოთ მაშინ, თუ ის შუაზე გადაკეცვის (დიდი ბალიშების შემთხვევაში კი – სამად) მცდელობისას თავისთავად არ დაუბრუნდება სწორ მდგომარეობას.