49 საუკეთესო ბლოგი მეცნიერების შესახებ

მეცნიერების მოყვარულმა ყველა ადამიანმა იცის ის, რომ სახელმძღვანელოები, გაკვეთილები თუ ლექციები, ჯგუფური დისკუსიები სრულებით არაა საკმარისი მათი ცოცხალი ინტერესის დასაკმაყოფილებლად.

დღეს თქვენ, რაღაც მხრივ, გაგიმართლათ. ჩვენ თქვენთვის შევაგროვეთ ათობით საუკეთესო სამეცნიერო ბლოგი მილიონობით საიტიდან, რომლებზეც იხილავთ მხოლოდ სანდო და დადასტურებულ ინფორმაციას, მეტწილად კი მეცნიერები თავად გესაუბრებიან მათ მიღწევებსა თუ აღმოჩენებზე საკუთარი ბლოგებიდან.

მაშ ასე, აღნიშნული სია ასე გამოიყურება:

Science Alert რეგულარულად გიზიარებთ საინტერესო და სახალისო სიახლეებს მეცნიერების შესახებ. მასზე თქვენ შეხვდებით ინფორმატიულ, გასართობ კონტენტს, რაც მკითხველებისათვის კითხვის პროცესს სასიამოვნოსა და სახალისოს ხდის. აღნიშნული ბლოგი იქმნება ავსტრალიასა და ახალ ზელანდიაში. იგი ერთ-ერთი საუკეთესო წყაროა ისეთი მკითხველებისათვის, რომლებიც ამჯობინებენ რაც შეიძლება ხშირად მიიღონ ბოლო ინფორმაცია ამ დარგების შესახებ. ბლოგი კვირის მანძილზე 28-ჯერ ახლდება.

New Scientist Magazine გახლავთ დღესდღეობით #1 სამეცნიერო და ტექნოლოგიური ჟურნალი. მისი ონლაინ ვებსაიტიდან მუდმივ რეჟიმში მიიღებთ ინფორმაციას სიახლეების შესახებ და არასოდეს ჩამორჩებით თანამედროვე ტექნოლოგიურ ტენდენციებსაც. მასზე თქვენ შეხვდებით მსოფლიოს ექსკლუზიურ ინფორმაციას, ახალ აღმოჩენებს. ყოველკვირეულად ისინი საშუალოდ 42 პოსტს აქვეყნებენ რაც ნამდვილად არ დატოვებს გულგრილს ცნობისმოყვარე და ერთგულ მკითხველებს.

მას აშშ-ში ყველაზე ძირძველი ჟურნალის სახელით იცნობენ. Scientific American Magazine ექსკლუზიურ ინსაითებს უკვე საუკუნეზე მეტია რაც უზიარებს მის მკითხველებს, როგორც მეცნიერების, ისე ტექნოლოგიების კუთხით. უფრო ზუსტად კი – იგი არსებობის 170 წელს ითვლის და დღემდე უწყვეტად ანათლებს მკითხველებს დარგის ყველაზე იმედისმომცემი ინოვაციების შესახებ.

ამ გვერდზე თქვენ ყოველდღე ნახავთ სამეცნიერო სიახლეებს, ინფორმატიულ ბლოგებს და მიმოხილვებს. Science News Magazine ფოკუსირდება ყველა სამეცნიერო დისციპლინაზე. მათ ვებსაიტზე იხილავთ არქივებსაც, 1924 წლიდან დღემდე, რაც ნამდვილად საინტერესო საკითხავია.

Discover Magazine-ზე შეხვდებით ყველაზე გასართობ პოსტებს, გასაოცარ სამეცნიერო კონტენტს, რომელიც მკითხველების ყველაზე ცოცხალ ინტერესის საგანს წარმოადგენს, კვებავს შემოქმედებითობასა და წარმოსახვას. ამ ინდუსტრიაში ყოფნის მანძილზე მან 5 მილიონზე მეტი მკითხველი დააგროვა, კონტენტიც, შესაბამისად, მორგებულია მკითხველთა ფართო წრეზე. რაც შეეხება თემებს, თქვენ აქ იხილავთ ყველაფერს შავი ხვრელებიდან რობოტებამდე.

Wired ფოკუსირდება მეტწილად რელევანტური ბლოგ პოსტების გამოქვეყნებაზე. მასზე თქვენ შეხვდებით საინტერესო სიახლეებს მეცნიერებაზე, ისეთ თემებზე, რომელთა შესახებ საუბარი, არც არავის მოუვიდოდა თავში არასოდეს, ეს კი მათ პოსტებს ორიგინალურსა და ინტუიტიურს ხდის. ისინი ინფორმაციას გადმოსცემენ მკაფიო და გასაგები ენით. აქ აღმოაჩენთ უახლეს სიახლეებს ტექნოლოგიაზე და იმაზეც, თუ როგორ გავლენას ახდენს იგი სამეცნიერო სამყაროზე.

POPSCI ინფორმატიულ სიახლეებს გვაწვდის მეცნიერებისა და ტექნოლოგიების შესასხებ 1872 წლიდან და დღემდე მას ხარისხის ნიშნული საკმაოდ მტკიცედ უკავია. ამ საიტზე თქვენ ღრმა და ამომწურავ ინფორმაციას მიიღებთ გაჯეტებზე, დეტალურ კომენტარებსა და ყოვლისმომცველ “ნიუსებს“ სამეცნიერო აღმოჩენებზე.

SPACE კოსმოსის მეცნიერების სიახლეებით მონუსხული მკითხველებისთვისაა შექმნილი. მასზე აგრეთვე შეხვდებით მუდმივად განახლებად ინფორმაციას ტექნოლოგიებისა და ასტრონომიის სიახლეების შესახებაც. თემები მოიცავს როგორც თანამგზავრებს, ისე ვარსკვლავებს და სხვა კოსმოსურ ობიექტებს. ისინი გაწვდიან ექსკლუზიურ ინფორმაციას NASA-სგან. საიტი ახლდება კვირაში 56-ჯერ.

Sciencemag-ზე იხილავთ როგორც დამოუკიდებელ სამეცნიერო კვლევებს, ისე დარგის გლობალურ სიახლეებს. მისი მონახულების შემდეგ თქვენ კიდევ უფრო დაინტერესდებით ზოგადად მეცნიერებით და მისი ქვედარგებით, როგორიცაა ბიოლოგია, მედიცინა, გარემოს ცვლილებები და იქნებ ასტრონომიაც.

New York Times-ის ეს რუბრიკა მეცნიერების შესახებ გაცნობთ ინფორმაციას კოსმოსის განვითარების, გარემოს და ბუნების ცვლილებების, გენეტიკის და მისი ეფექტების, ტვინში მიმდინარე პროცესების, არქეოლოგიის შესახებ. ინფორმაცია ახლდება ყოველკვირეულად.

Starts With A Bang! გახლავთ ბლოგი Medium-ზე, რომელზეც განიხილავენ დედამიწას, მეცნიერებას და სხვა რელევანტურ თემებს. ისინი ყოველკვირეულად 6 ახალ პოსტს გთავაზობენ.

The Guardian ისეთ სამეცნიერო კვლევებზე წერს, რომლებიც ხშირად საკამათო და კონტრავერსიულია. პოსტები თავსდება როგორც რეპორტიორების, ასევე მოწვეული სტუმრების მიერ. ის გახლავთ საუკეთესო ადგილი იმაზე დასაკვირვებლად, თუ როგორ აღიქვამენ სხვა ადამიანები მეცნიერებას დღეს და მომავალში. ვებსაიტზე ასევე იხილავთ სადისკუსიო სივრცეებსაც, სადაც მსოფლიოს მასშტაბით უამრავი ენთუზიასტი აზიარებს საკუთარ მოსაზრებას თუ ანალიზს.

Times of India საინტერესო კუთხიდან დაგანახებთ უახლეს ამბებს, მიმდინარე სამეცნიერო აღმოჩენებსა და ტექნოლოგიურ გაუმჯობესებებს. ისინი ასევე აქვეყნებენ თავშესაქცევ და მარტივი ენით გადმოცემულ ინფორმაციას ხელოვნურ ინტელექტსა და სამკურნალო პრეპარატებზე.

Motherboard კი გაპოვნინებთ კავშირს ტექნოლოგიას, მეცნიერებას და ადამიანებს შორის. ონლაინ ჟურნალი გთავაზობთ უახლეს ინფორმაციას, სადისკუსიო სივრცეებს და დეტალურ რეპორტაჟებს. ისინი განსაკუთრებით ცნობილია ვიდეო დოკუმენტური ფილმების გამო.

Forbes Science წერს ინოვაციური ტექნოლოგიური გაუმჯობესებებისა და ტოპ სამეცნიერო ჰედლანების შესახებ. მას ერთ-ერთ ყველაზე სანდო წყაროდაც მიიჩნევენ მაშინ, როცა საქმე ინოვაციასა და მეცნიერებას ეხება. ისინი მუდმივად აწვდიან თავიანთ მკითხველებს სასარგებლო და ღირებულ ინფორმაციას და საშუალოდ 56 პოსტს აქვეყნებენ კვირის მანძილზე.

ABC Science-ზე შეხვდებით ბოლო სამეცნიერო სიახლეების შესახებ საკმაოდ ამომწურავ და ვრცელტანიან სტატიებს. წარმოგიდგენთ ინდუსტრიის ცნობილი ფიგურების ანალიზებსა და მოსაზრებებს და ის ნამდვილად იმსახურებს ცნობისმოყვარე ხალხის ღრმა ინტერესს. საიტზე შეხვდებით მდიდარ ფოტო, ვიდეო გალერეას, პოდკასტებს, რაც კონტენტს კიდევ უფრო ინფორმატიულს ხდის.

National Geographic News მისი მაღალი ხარისხის პროდუქციის გამოა ცნობილი, თანაც მკითხველი იღებს ნამდვილად ექსკლუზიურ კონტენტს. იგი გახლავთ მსოფლიოში ერთ-ერთი ყველაზე გამორჩეული და თვითმყოფადი წყარო ბუნებისა და მეცნიერების სიახლეების შესახებ. მათი გუნდი მთელს მსოფლიოში მოგზაურობს და ენთუზიასტებს უზიარებენ საკუთარ ისტორიებს და აღმოჩენებს.

კლიმატის, ოკეანოგრაფიის, ბიოლოგიის, ჯანდაცვისა და სხვა მსგავსი სფეროების სპეციალიზებული ექსპერტების მიერ წარმოებული აღნიშნული საიტი გაწვდით ინფორმაციას იმის შესახებ, თუ როგორაა ჩვენი პლანეტა მოწყობილი და რა გზით შეგვიძლია მისი მდგრადი განვითარებისა და შენარჩუნების ხელშეწყობა.

UWMadScience განიხილავს მეცნიერების, ჯანმრთელობის, ბიოლოგიისა და სტიქიური მოვლენების შესახებ საინტერესო ფაქტებს. კონტენტი იწერება საინტერესო, გასართობი და რაც მთავარია ინფორმატიული ენით, რითაც იგი ნამდვილად კარგად ინარჩუნებს სამიზნე აუდიტორიას.

Live Science გაწვდით მეცნიერების, ტექნოლოგიის, მედიცინისა და კოსმოსის განვითარებისა და მოვლენების შესახებ ამომწურავ ინფორმაციას. ამ საიტზე ასევე გაეცნობით კულტურისა და ისტორიის შესახებაც. ამ საიტის შემქმნელები საკუთარ მისიას სწორხაზოვნად მიუყვებიან, რაც გულისხმობს იმას რომ, მკითხველები 5 წუთშიც კი იმაზე უფრო სხარტები გახდნენ, ვიდრე ისინი მათ გვერდზე სტუმრობამდე იყვნენ.

University of Oxford რევოლუციურ სიახლეებს გაწვდით პირველწყაროდან, ოქსფორდის უნივერსიტეტიდან. გაეცანით ექსკლუზიურ სიახლეებს მედიცინაზე, ჯანმრთელობაზე, ბიოლოგიაზე, დედამიწის შემსწავლელ მეცნიერებებზე და სხვა უამრავ საინტერესო თემაზე.

PLOS ძირითადად სპეციალიზებულია მეცნიერებისა და მედიცინის სფეროებში. ამ გვერდზე გაეცნობით ისეთ სტატიებს, რომლებიც ბევრი საკითხის შესახებ ახლიდან დაგაფიქრებთ და გადაგაფასებინებთ. ორგანიზაცია ფოკუსირდება მეცნირებასა და მედიცინაში პროგრესის დაჩქარებაზე, რასაც საკუთარი ღრმა, რევოლუციური მიდგომებით უზრუნველყოფენ კვლევით კომუნიკაციაში.

Science Daily საკუთარი მისიის შესრულებას 1995 წელს შეუდგა და მას შემდეგ ის გახდა ინფორმაციის ერთ-ერთი ყველაზე სანდო წყარო მსოფლიო მასშტაბის სამეცნიერო აღმოჩენების შესახებ. განხილული თემები მოიცავს ყველაფერს ზოოლოგიიდან ასტრონომიამდე და რაც მთავარია, ისინი წყაროებად იყენებენ მსოფლიოს ტოპ უნივერსიტეტებსა და ექსკლუზიურ ორგანიზაციებს.

24. BioTrivia

Bio Trivita ბიოქიმიის სტუდენტის P. Venkateswara-ს ბლოგია, რომელსაც სურს საკუთარი გატაცება მსოფლიოს ყველა ენთუზიასტს გაუზიაროს. იგი გახლავთ ღია სივრცე, სადაც ნებისმიერ ადამიანს აქვს შესაძლებლობა დააფიქსიროს საკუთარი აზრი, ანალიზი და აღწეროს სამეცნიერო პერსპექტივები.

Phys.org მეცნიერების სხვა ისეთ დარგებსაც ეხება, როგორიცაა ქიმია, ბიოქიმია და სხვა მსგავსი თემა. ამ საიტზე თქვენ გაეცნობით პოლიმერებსა და მატერიალურ მეცნიერებას, დაწერილს მარტივ, გასაგებ ენაზე. საიტი მოიცავს სრულფასოვან სტატიებს მეცნიერებაზე, ტექნოლოგიებსა და მედიცინაზე.

ამ საიტზე Smithsonian-ის, როგორც ინსტიტუციის შესახებ ბევრ ინფორმაციას შეიტყობთ. გაეცნობით ინოვაციურ სამეცნიერო გაუმჯობესებებისა და მათი ყოველდღიურ ცხოვრებაზე არსებული გავლენების შესახებ.

Community of European Solar Radio Astronomers (CESRA)-ს კვალიფიციური მეცნიერები უძღვებიან და გვიზიარებენ მზის შესახებ საკუთარ აღმოჩენებს. იგი ჰელიოსფეროს კვლევებისათვის რადიოტალღებს იყენებს, რაც ენთუზიასტებს შესაძლებლობების მთელს სპექტრს უშლის, რათა მიიღონ ექსკლუზიური ინფორმაცია.

წარმოგიდგენთ კონტენტს კოსმოსზე. მიიჩნევა ევროპის გზად კოსმოსისაკენ. აქ გაეცნობით ინფორმატიულ პოსტებს დედამიწის მეცნიერების თემატიკიდან.

EurekAlert! Science News გაცნიბთ სამეცნიერო სიახლეებს, რომელიც ყოველდღიურად ახლდება და იდება ახალი პოსტები ჯანმრთელობასა და კეთილდღეობაზე, სამკურნალო საშუალებებზე და რაღა თქმა უნდა მეცნიერებასა და ტექნოლოგიებზე. ინფორმაციის წყაროები გახლავთ ტოპ ადმინისტრაციები და უნივერსიტეტები. მას მხარს უჭერს AAS-იც, რომელიც ცნობილი სამეცნიერო საზოგადოებაა.

Universe today რეგულარულად წარმოგიდგენთ სიახელეებს კოსმოსისა და ასტრონომიის შესახებ. ისინი გამოირჩევიან განსაკუთრებით მარტივი ენით დაწერილი კონტენტით, რაც არამხოლოდ ცოდნას გიღრმავებთ, არამედ ამ პროცესში მოტივირებულადაც ერთვებით. ასტრონომობის მსურველებისთვისაც კი იგი ძალიან კარგი საშუალებაა დეტალური ინფორმაციის მისაღებად, რომელთაც მხოლოდ და მხოლოდ ექსპერტები გაწვდიან.

Science Buddies Blog ისეთი სტუდენტებისათვის იწარმოება, რომლებიც შეისწავლიან მეცნიერებას, ტექნოლოგიას, ინჟინერიასა და მათემატიკას. აქ იპოვნით ბევრ სასწავლო მასალასა და იდეას, როგორც სტუდენტებისათვის ისე მათი მასწავლებლებისათვის. STEM-სტუდენტები აქ ნამდვილად გადააწყდებიან საინტერესო იდეებს პროექტებისა და აქტივობებისათვის. იგი ასევე გახლავთ ერთ-ერთი საუკეთესო წყარო ზოგადასაგანმანათლებლო საფეხურის მეცნიერებით დაინტერესებულ მოსწავლეთათვის.

Science Whys იმართება James Morris-ის მიერ, რომელიც გახლავთ Brandeis უნივერსიტეტის ბიოლოგიის პროფესორი. იგი მოგითხრობთ მეცნიერების, მედიცინის და განათლების შესახებ საკუთარი ანალიზისა და ხედვების შესახებ.

Watts Up With That პირველად 2006 წელს გამოჩნდა ინტერნეტსივრცეში. მისი შემქმნელი Anthony Watts-ია, რომელიც ყოფილი AMS სპეციალიზებული მეტეოროლოგია და ამ დარგში 25 წელზე მეტი ხნის პრაქტიკული გამოცდილება აქვს. იგი კვლავაც აგრძელებს საკუთარი აღმოჩენების, აზრების და ანალიზის გაზიარებას ინტერნეტში ბლოგების, რადიოს და სხვა მედია საშუალებების გამოყენებიით. ძირითადად განიხილავს მეცნიერებას, ამინდსა და ტექნოლოგიას.

34. Nautilus

Nautilus საკუთარ თავს გამოყოფს სხვა სამეცნიერო ჟურნალების რიგიდან, რამდენადაც იგი მეტწილად მეცნიერების დიდი სურათის გაზიარებითაა დაკავებული. ისინი თვეში მხოლოდ ერთ თემას გამოყოფენ, რომელსაც მრავალმხრივი პერსპექტივით წარმოგიდგენენ.

AGU Blogosphere გლობალური სამეცნიერო საზოგადოება გახლავთ, რომელიც დედამიწისა და კოსმოსის მეცნიერებების აღმოჩენებს აშუქებს. ასევე ყურადღებას ამახვილებს ისეთ საკითხებზეც, თუ რამდენად პოზიტიურად მოქმედებს იგი კაცობრიობაზე. აღნიშნული ორგანიზაცია არაკომერციულია და იმართება პროფესიონალ მეცნიერთა მიერ. აერთიანებს 60,000 წევრზე მეტს მთელი მსოფლიოს მასშტაბით.

ZME Science მუდმივად გიზიარებთ სიახლეებს ჯანდაცვის გაუმჯობესებების, გარემოს მეცნიერებების, ტექნოლოგიური მიღწევებისა და კოსმოსის შესახებ. ისინი იძიებენ ყველაზე საინტერესო სიახლეებს, რომლებიც შეეხება გარემოსა და მეცნიერებას.

Cool Green Science მიიჩნევა ტოპ წამყვან კონსერვაციის ინსტიტუტად. ისინი მსოფლიოს მასშტაბით მუშაობენ იმ მისიით, რომ დაიცვან მნიშვნელოვანი ადგილები ჩვენს გარემოში, რასაც სარგებელი მოაქვს როგორც დედაბუნების, ასევე ადამიანებისათვის. გვერდზე აქტიურად განიხილავენ გარემოს მეცნიერებას, ჯანდაცვას და სხვა მსგავს ასპექტებს.

აღნიშნული ვებსაიტი არაერთი ჯილდოს მფლობელიცაა, რაც დაიმსახურა პუბლიკაციების მუდმივად მაღალი ხარისხით. ისინი ფოკუსირდებიან ასაკის შესაბამისი სიახლეების გაშუქებით, როგორც მოსწავლეებისა და სტუდენტებისათვის, ასევე დარგით დაინტერესებული პირებისათვის, მასწავლებელთათვის და მშობლებისთვისაც. მათი პროგრამები გახლავთ როგორც  ენთუზიასტებისათვის, ასევე ზოგადი პუბლიკისათვის.

Cosmos Magazine წლების მანძილზე ქმნიდა საკუთარ უზადო რეპუტაციას, რამაც გახადა კიდეც იგი ყველაზე პოპულარულ სამეცნიერო ჟურნალად, დღევანდელი მდგომარეობით. ისინი მეტწილად ფოკუსირდებიან კულტურებზე და სოციალური მეცნიერებების სხვა სფეროებზეც.

40. Futurity

Futurity მუდმივად გაწვდით უახლეს სამეცნიერო ინფორმაციას. აღმოჩენების წყაროები გახლავთ ტოპ მეცნიერები და კვლევითი უნივერსიტეტები, რომლებიც განლაგებულია აშშ-ში, კანადაში, გაერთიანებულ სამეფოსა და ავსტრალიაში. ამ საიტის საშუალებით თქვენ, ფაქტობრივად წინ მომავალში მოგზაურობა გელით, რასაც მისი პედანტურად დაწერილი კონტენტი ნამდვილად უზრუნველყოფს.

Real Clear Science ერთგვარი „კარიბჭეა“ სამეცნიერო სიახლეებისთვის, რომელთა ავტორებიც ექსპერტები, ენთუზიასტები და პროფესიონალები გახლავთ, თანაც მსოფლიოს ყველა ქვეყნიდან.

აღნიშნული ონლაინგამოცემა თითქმის ყველა თემას მოიცავს, დაწყებული მცირე საკითხებით, დასრულებული მეცნიერთა ექსკლუზიური აღმოჩენებით. აქ შესვლის შემდგომ თქვენ აღმოჩნდებით საზოგადოებაში, სადაც შეგეძლებათ განსხვავებულ საგნებზე საკუთარი სამეცნიერო ანალიზის შესახებ თამამად ისაუბროთ.

Tumble Science Podcast for Kids შემოქმედებითი და გასართობი სამეცნიერო კონტენტითაა წარმოდგენილი და თანაც მარტივ ბავშვისათვის გასაგებ ენაზე.

ამ საიტის მთავარ მისიას წარმოადგენს ოჯახების გაერთიანება საგანმანათლებლო პოდკასტებით, ვიდეოებითა და გასართობი ბლოგებით. საიტის ავტორი სამეცნიერო ჟურნალისტი Lindsay Patterson და მისი პარტნიორი Marshall Escamilla გახლავთ.

SciTech Daily პირველად 1998 წელს გამოვიდა და მოიცავდა ორ მთავარ სფეროს: მეცნიერებასა და ტექნოლოგიას. მათ გააჩნიათ რეგულარული კონტენტის ატვირთვის განრიგი, წარმოადგენენ მეცნიერების, კოსმოსისა და ტექნოლოგიის სიახლეებს.

Earth and Space Science News მუდმივად აწვდის მეცნიერების ენთუზიასტებს სანდო სიახლეებს. მათი თემები დედამიწასა და კოსმოსს შორის კავშირის ირგვლივაა წარმოდგენილი. სახელი კი საიტს ბერძნული მითოლოგიის ქალღმერთის, ეოსის გამო ეწოდა.

45. SciDev

SciDev გაწვდით უახლეს სამეცნიერო სიახლეებს, ანალიზებს სპეციალიზებული მეცნიერებისაგან და ინფორმატიულ კონტენტს, რომელიც ფარავს მეცნიერებასა და ტექნოლოგიებს. ის განიხილავს გლობალური განვითარების მნიშვნელობასაც მეცნიერების ჭრილში.

ასევე, აღნიშნულ საიტზე შეიტყობთ ღრმა და ყოვლისმომცველ ინფორმაციას სოფლის მეურნეობაზე, გარემოსა და ჯანმრთელობაზე. ეს გახლავთ არამომგებიანი ორგანიზაცია, რომლის მიზანიც მკითხველთათვის სანდო ინფორმაციის გაზიარებაა.

Science 2.0 მსოფლიოს ყველაზე სანდო მეცნიერებსა და მსოფლიოს აგრეთვე ყველაზე სხარტ მკითხველებს აერთიანებს. იგი ფოკუსირდება კომუნიკაციისა და კოლაბორაციის საგანზე, რაც მოიცავს ყველას მომდევნო ორიათასი წლის მანძილზე.

Mosaic Science კი მოგაწვდით ხარისხიან კონტენტს მეცნიერებისა და ცხოვრების შესახებ. ისინი საკუთარ ვებსაიტს ყოველკვირეულად ანახლებენ, გიზიარებენ იდეებს, ტენდენციებს, წარმოგიდგენენ მედიცინის გავლენასა და მის ეფექტებს საზოგადოების ჯანმრთელობაზე.

Hakai Magazine ყურადღებას ამახვილებს მეცნიერებაზე, საზოგადოებაზე და მათ გარემოზე გავლენაზე. ისინი მოგითხრობენ გასაოცარ ამბებს ადამიანთა საზოგადოებისა და ბუნების ურთიერთგავლენების შესახებ. შეხვდებით მდიდარ გრაფიკულ გალერეებს ილუსტრაციების, ფოტოებისა და ვიდეოების სახით. 

Symmetry Magazine-ით კი აღმოაჩენთ ნაწილაკების ფიზიკის გასაოცარ კომპლექსურობასა და საოცრებებს, დაგანახებთ მის კავშირებს საბუნებისმეტყველო სხვა მეცნიერებებთან. ის ფარავს დისციპლინათაშორის კავშირებს.