როგორ ავარჩიოთ წნევის საზომი

წნევის საზომი აპარატი

როგორ შევეძინოთ არტერიული წნევის გამზომი მოწყობილობა?

მაღალი არტერიული წნევა ჩუმი მკვლელის სახელითაა ცნობილი. ამ მდგომარეობას არ აქვს ცხადი სიმპტომები და აღსანიშნავია რომ ამერიკის მოსახლეობის ერთ მესამედს აღენიშნება ეს მდგომარეობა, იმის მიუხედავად, აცნობიერებენ თუ არა ამას. ჰიპერტენზია ზრდის გულის შეტევის, ინსულტის, თირკმლის დაავადებისა და რიგი სხვა სერიოზული ჯანმრთელობის პრობლემის განვითარების რისკს.  

მაგრამ, როცა საქმე ეხება ამ მნიშვნელოვანი რიცხვის თვალის დევნებას, ექიმი მართალია შეგიმოწმებთ არტერიულ წნევას, მაგრამ ეს მთლიანი სურათის დანახვის საშუალებას მაინც ვერ მოგცემთ, აცხადებენ ექსპერტები. „სისხლის არტერიული წნევა დღის მანძილზე ხშირად იცვლება“ ამბობს ბევერლი გრინი, მედიცინის დოქტორი და საზოგადოებრივი ჯანდაცვის მაგისტრი, ვაშინგტონის ჯანდაცვის კვლევის ინსტიტუტის და სიეტლში კაიზერ პერმანენტეს უფროსი მკვლევარი და ოჯახის ექიმი. „მხოლოდ სისხლის არტერიული წნევის კარგი გამზომი ხელსაწყო .. შესაძლოა ვერ იძლეოდეს საკმარის ინფორმაციას.“

რატომ უნდა გავიზომოთ წნევა სახლში?

კვლევა აჩვენებს, რომ სახლის პირობებში არტერიული წნევის მონიტორინგი ჰიპერტენზიის მქონე ადამიანებს მისი კონტროლის ქვეშ ქონაში ეხმარება. 2010 წლის დამოუკიდებელი კოქრეინის კოლაბორაციის ანალიზიდან, მაგალითად, ირკვევა რომ თვითმონიტორინგი განაპირობებს ორივე, სისტოლური (ზედა) და დიასტოლიკური (ქვედა) სისხლის წნევას. და ბოლო წინასწარმა კვლევამ ასევე დაადასტურა ის რომ სახლის პირობებში არტერიული წნევის კონტროლი დაეხმარება უკონტროლო ჰიპერტენზის მქონე ადამიანებს ამ მაჩვენებლების დარეგულირებაში. 

ზოგიერთისთვის, სახლის პირობებში მონიტორინგი, პირველ რიგში, სწორედაც ჰიპერტენზიის დიაგნოზირებისთვის იქნება მოსახერხებელი. ზოგიერთი ადამიანი „თეთრი ხალათის ჰიპერტენზიას“ განიცდის, რაც გულისხმობს სამედიცინო შემოწმების დროს წნევის უეცარ მომატებას, მაშინ როდესაც სახლის პირობებში ეს შემოწმება ნორმალურად მიმდინარეობს. მიზეზები სრულებით ცხადი არაა, მაგრამ ერთი პოპულარული თეორიის მიხედვით, ვასკვნით რომ ზოგიერთი ადამიანი იწყებს შფოთვას ექიმის კაბინეტში ან სხვა სამედიცინო შემოწმებისას, რაც სისხლის არტერიულ წნევას დროებით და უცაბედად წევს მაღლა, ალდო პაიქსოტოს, მედიცინის დოქტორის, იელის მედიცინის სკოლის მედიცინის პროფესორისა და იელის ახალი ჰავენის გულ-სისხლძარღვთა ცენტრის ჰიპერტენზიის პროგრამის თანადირექტორის თქმით.

საწინააღმდეგო ეფექტი კი ცნობილია როგორც „შენიღბული ჰიპერტენზია“, რომელიც შესაძლოა განუვითარდეს ზოგ ადამიანს, ექიმის კაბინეტში გაზომილმა წნევამ ნორმალური ნიშნული აჩვენოს, მაშინ როცა დანარჩენ დროს აღენიშნებოდეს მაღალი წნევა. (ეს კიდევ უფრო რთული გასარკვევია, თუ რატომ ხდება, აცხადებს პაიქსიტო.)

არტერიული წნევის სახლის პირობებში მონიტორინგი, ასევე ხელსაყრელია იმ ადამიანებისათვის, რომლებიც წნევის დარეგულირების მკურნალობის კურსს იწყებენ. იგი დაეხმარება მათ იმის გარკვევაში თუ რამდენად კარგად მუშაობს თერაპია. ასევე სასარგებლო შეიძლება იყოს ორსული ქალებისათვის, რომელთაც აღენიშნებათ ორსულობისგან გამოწვეული ჰიპერტენზია, ან პრე ეკლამპსია, აცხადებს ამერიკის გულის ასოციაცია (AHA).

გაითვალისწინეთ: ადამიანებისათვის, რომელთაც აღენიშნებათ წინაგულების ფიბრილაცია ან ნებისმიერი სხვა ტიპის არითმია, არ არის მიზანშეწონილი სახლის პირობებში მათი არტერიული წნევის მონიტორინგი. სანამ მოწყობილობას შეიძენდეთ, გაესაუბრეთ ექიმს, მისი გამოყენების შესაძლო სარგებლიანობის შესახებ.

საოჯახო წნევის საზომების ტიპები

საოჯახო წნევის საზომი მოწყობილობები ორი ტიპის მოდელითაა წარმოდგენილი: მკლავის და მაჯის. არჩევანის მასშტაბის კიდევ უფრო დაწვრილმანებისას გულდასმით გადახედეთ მის პერფორმანსს, მახასიათებლებსა და ფასს.

A blood pressure monitor.

მკლავის საზომი მოწყობილობები

ეს საზომი მოწყობილობები ავტომატურად იბერება და გაჩვენებთ შედეგებს. უმრავლესობა მათგანს გააჩნია „რისკის კატეგორიის ინდიკატორები“, რომლებიც ინთება მაღალი მაჩვენებლის დაფიქსირების შემთხვევაში. ზოგიერთი მოდელი იმის საშუალებასაც გაძლევთ, რომ ჩამოტვირთოთ დამახსოვრებული გაზომილი შედეგები კომპიუტერში და მარტივად გაუზიაროთ შემდგომ უკვე თქვენს ექიმს.

დადებითი მხარეები: ზოგიერთ მოდელს გააჩნია რამდენიმე მომხმარებლის მეხსიერების სივრცე, რაც საშუალებას იძლევა ოჯახში ერთზე მეტმა ადამიანმა მოიხმაროს იგი და აწარმოოს მათი ჩანაწერების ფორმით შენახვა. აღსანიშნავია, რომ მკლავის საზომი მოწყობილობები ბევრად აკურატული იყო ტესტირებების მანძილზე.

უარყოფითი მხარეები: მკლავზე მისი სწორი მორგება განაპირობებს მაღალ სიზუსტეს. თუ ის ძალიან მჭიდროდ, ან ძალიან მოშვებულად დაიმაგრეთ, შესაძლოა მან არასწორი შედეგი გიჩვენოთ. ხშირად ეს მოწყობილობები არაპორტატულია და არც იმდენად კომფორტული, როგორიც მაჯის საზომი მოწყობილობები.

A blood pressure monitor that you wear on your wrist.

წარმოდგენილი მოსახერხებელი საზომი მოწყობილობები სრულიად ავტომატურია, მაგრამ მკლავის მოდელებზე ნაკლები სიზუსტით შეიძლება იყოს წარმოდგენილი.

დადებითი მხარეები: ისინი კომპაქტური, მსუბუქი და პორტატულია. ძირითადად უფრო მეტად კომფორტულია, ვიდრე მკლავის მოდელები.

უარყოფითი მხარეები: წნევის ზუსტი გაზომვა სხეულის პოზიციის მიმართ ძალიან სენსიტიურია. როგორც მაჯის ასევე მკლავის მოდელის სამკლავურები უნდა იყოს გულის დონეზე განთავსებული აკურატულად გასაშიფრად; ეს უფრო მეტად რთულად გამოდის მაჯის მოდელის შემთხვევაში.

როგორ უნდა შეარჩიოთ თქვენთვის საუკეთესო საზომი მოწყობილობა

აარჩიეთ ტოპ შეფასების მქონე მოდელი, რომელსაც თქვენთვის საჭირო მახასიათებლები აქვს, და რომელიც ხდის გაზომვის პროცესს თქვენთვის ბევრად მოსახერხებელს. მაგალითად, ზოგიერთი მოდელი საშუალებას გაძლევთ ერთზე მეტი მომხმარებლის მონაცემები რომ შეინახოთ. ყველა მოდელი, რომელსაც ჩვენ რეკომენდაციას ვუწევთ, სიზუსტის პარამეტრით „საუკეთესო“-დაა შეფასებული, მაგრამ გარდა ამისა, არსებობს სხვა გასათვალისწინებელი ფაქტორებიც. მიჰყევით ამ მითითებებს, რომმლებიც დაგეხმარებათ თქვენთვის საუკეთესო აპატარის შერჩევაში: 

შეამოწმეთ მორგებულობა

დარწმუნდით რომ თქვენს მიერ არჩეული არტერიული წნევის საზომი მოწყობილობა ისეთი ზომის სამკლავურითაა წარმოდგენილი, რომელიცი კარგად ერგება თქვენი მკლავის ზედა ნაწილის თუ მაჯის გარსშემოწერილობას. (გამოიყენეთ ლენტი, რათა დარწმუნდეთ). ისეთი სამკლავურის გამოყენება, რომელსაც შეუსაბამო ზომა აქვს გამოიწვევს არაზუსტ შედეგს გაზომვისას. უმრავლესობა მკლავის მოდელებისა, რომლებიც ჩვენ დავტესტეთ წარმოდგენილია ორი სამკლაურით, ან ისეთი სამკლაურით რომლის ზომაც რეგულირებადია და მორგებადია უმრავლესობა ადამიანებზე. მაჯის მოდელები ასევე ერგება თითქმის ყველა ადამიანს.

ყურადღება მიაქციეთ დანახარჯებს
 რეიტინგებში მოცემული რეკომენდირებული მოდელები (ხელმისაწვდომია წევრებისათვის) შეფასებულია 40 დოლარიდან 100 დოლარამდე. და გაარკვიეთ, დაფარავს თუ არა თქვენი სადაზღვეო გეგმა არტერიული წნევის გამზომი მოწყობილობის ყიდვის ხარჯებს. 

აარჩიეთ ისეთი, რომელიც მარტივია მოსახმარებლად

მონიტორის დისპლეი იოლად წაკითხვადი უნდა იყოს. ღილაკები ინტუიტიური და დიდი ზომის უნდა იყოს. გამოყენებისა და მოხმარების ინსტრუქციებიც მკაფიოდ უნდა იყოს ჩამოყალიბებული.

შეარჩიეთ თქვენთვის საჭირო მახასიათებლები

უამრავი მახასიათებლის მიხედვით შეგიძლით შეარჩიოთ წნევის საზომი აპარატი. აქ კი წარმოგიდგენთ რამდენიმე მათგანს: არარეგულარული გულისცემის დეტექტორი, რისკ-კატეგორიის ინდიკატორი, რამდენიმე მომხმარებელზე გათვლილი მეხსიერებები, რამდენიმე სამკლაური, მეხსიერების ჩამოტვირთვის შესაძლებლობა, დიდ-ციფრებიანი დისპლეი და მონაცემთა გასაშუალების ფუნქცია. მეტი დეტალების მისაღებად გადახედეთ ჩვენს რეიტინგებს და გადადით მახასიათებლებისა და სპეციფიკაციების ჩანართზე. 

როგორ წარვმართავთ ტესტირებას

ჩვენ არტერიული წნევის გამზომ მოწყობილობებს ვადარებთ ეტალონურ მოდელს და ვიგებთ მათ შორის განსხვავებებს. ტესტირების ჩვენი მეთოდები მაქსიმალურად უახლოვდება (თუმცა არის იდენტური) ამერიკის შეერთებული შტატების ANSI/AAMI/ISO 81060-2:2013, ბრიტანეთის ჰიპერტენზიის საზოგადოებისა და ჰიპერტენზიის ევროპული საზოგადოების (გადახედილი 2010 წელს) სტანდარტებს. სიმარტივისათვის, ჩვენს რეიტინგულ ცხრილებში ზოგადად ტესტირების დაჯამებულ შედეგებს ვათავსებთ. მაგალითისთვის, სიზუსტის ნაჩვენები შედეგი გახლავთ ზემოთ აღნიშნული სამი სტანდარტის საფუძველზე გაერთიანებული მაჩვენებელი. 

როგორ უნდა მოიხმაროთ სწორად თქვენი საოჯახო წნევის აპარატი

პირველ რიგში მიიტანეთ თქვენ მიერ შეძენილი აპარატი თქვენს ექიმთან, ასე თქვენზე ზრუნვის გუნდი დარწმუნდება რომ ნამდვილად სწორად მოიხმართ მას და ასევე დატესტავს მის მიერ ნაჩვენები შედეგები ემთხვევა თუ არა სამედიცინო კაბინეტში არსებულ ზუსტ აპარატს. ამერიკის გულის ასოციაცია გირჩევთ ასე წელიწადში ერთხელ მაინც მოიქცეთ, რათა დარწმუნდეთ რომ თქვენი მოწყობილობა გამართულად მუშაობს და გიწერთ ზუსტ შედეგებს. და გაითვალისწინეთ რომ თუნდაც საუკეთესო საოჯახო წნევის აპარატსაც კი შეიძლება გაეპაროს უზუსტობები თუ მას არ გამოიყენებთ მითითებისამებრ. ამერიკის გულის ასოციაციის მითითებები იხილეთ ქვემოთ:

  • წნევის გაზომვამდე ნუ მოწევთ, დალევთ რაიმე ტიპის კოფეინის შემცველ სასმელს ან ნუ ივარჯიშებთ, სულ მცირე 30 წუთის შუალედში.
  • საპირფარეშოს მოხმარებიდან სულ მცირე 5 წუთის შემდეგ გაიზომეთ წნევა.
  • შემოიხვიეთ სამკლაური თქვენს შიშველ მკლავზე, თქვენს კანსა და სამკლაურს შორის არანაირი ტანისამოსი არ უნდა იყოს.
  • მოკალათდით მაგარი ზედაპირის მქონე საზურგიან სკამზე (არა დივანი) თქვენი ტერფები კი მოათავსეთ იარაკზე. მკლავები უნდა იყოს ბრტელ ზედაპირზე მოთავსებული. მოწყობილობის სამკლაური, არ აქვს მნიშვნელობა ეს თქვენს მკლავზეა თუ მაჯაზე, უნდა იყოს გულის დონეზე. 
  • ყოველი დღის მანძილზე კონკრეტულად ერთ დროს გაიზომეთ წნევა – მაგალითად, დილით და საღამოს – რა პერიოდშიც გირჩევთ ამას თქვენი ექიმი. და ყოველ ჯერზე დაჯექით, გაიზომეთ ორჯერ ან სამჯერ, 1 წუთის დაშორებით. ჩაიწერეთ თქვენი შედეგი და მიიტანეთ ექიმთან მომდევნო ვიზიტზე.