COVID-19-ის კვლევები ახლა უკვე სინგაპურის სუპერკომპიუტერების დახმარებით ხორციელდება

ბოლო პერიოდში, ახალი კორონავირუსის გენომის გასაშიფრად არაერთი მოწინავე სახელმწიფო იღებს საკუთარ კონტრიბუციას და მათ რიგებს ეს კვირებია სინგაპურიც შეემატა. სინგაპურელი მეცნიერები საკუთარი ქვეყნის სუპერკომპიუტერების რესურსებით COVID-19-თან დაკავშირებული პროექტების მარათონში ჩაებნენ.

COVID-19-ის საპროექტო მოთხოვნები ამოქმედდა 2020 წლის 23 მარტს და აქტიური იქნება 2020 წლის სექტემბრადე. ეს სპეციალური მოთხოვნები არ წარმოადგენს იმ რეგულარული პროექტების ციკლის ნაწილს, რომლებიც წელიწადში ორჯერ, რეგულარულად ხორციელდება.

სინგაპურის მთავრობა აღნიშნულ COVID-19 მდგომარეობას უყურებს არა როგორც მხოლოდ სამედიცინო კრიზისს, არამედ ეროვნულ კრიზისსაც – განაცხადა ბატონმა პეტერ ჰომ – სუპერკომპიუტინგის ეროვნული ცენტრის მმართველი კომიტეტის თავმჯდომარემ.

12 კვირის ნაცვლად აპლიკანტების მიღების პროცედურების ხანგრძლივობა 2 კვირამდე შემცირდა. მათ გამოცდის ბიოინფორმატიკისა და მოლეკულური ბიოლოგიის ექსპერტებისაგან შემდგარი კომისია. წარმატებული აპლიკანტები კი პრიორიტეტულ რიგში განთავსდებიან და შესაბამისად საშუალება ექნებათ იმუშაონ სინგაპურში ხელმისაწვდომ HPC მაღალი პერფორმანსის ისეთ კომპიუტერულ სისტემებზე როგორიცაა ASPIRE 1 პეტასკალის სუპერკომპიუტერია 1,288 CPU კვანძითა და 128 ამაჩქარებელ კვანძიანი NVDIA K40 GPU, ხელოვნური ინტელექტის სისტემა six state-of-the-art 8-GPU NVDIA DGX-1 V100 ბარათებით და 13 პეტაბაიტი მაღალი წარმადობის მოცულობით.

„სიჩქარე გახლავთ ერთ-ერთი უმთავრესი ელემენტი, რომელსაც წამყვანი ფაქტორის ადგილი უჭირავს პანდემიის მანძილზე აღმოცენებული პრობლემების გადასაჭრელად“ – ამბობს სინგაპურის სუპერკომპიუტინგის ეროვნული ცენტრის აღმასრულებელი დირექტორი, ასოცირებული პროფესორი ტან ტინ ვი.

„სუპერკომპიუტერები თამაშობენ გადამწყვეტ როლს კვლევის პროცესის დაჩქარებაში, მათ შორის ვირუსის შესწავლაში, დაავადებულთა კვალზე გასვლაში, კორონავირუსის გენომში მიმდინარე მუტაციების შესწავლაში, ტესტების აღჭურვილობების უფრო სწრაფ დამზადებაში თუ ვირუსის საწინააღმდეგო ვაქცინის დამზადებაში“.

წყარო: National Supercomputing Center Singapore