წარმოგიდგენთ ინოვაციურ, სამმაგ დასაკეც ტელეფონს

დასაკეცი ტელეფონი

TCL-ის ინოვაციური დასაკეცი ტელეფონი უკვე მუშაობს.

TCL-ის სამმაგი დასაკეცი პროტოტიპ მოწყობილობა, რომელიც ტრანსფორმირდება 10-ინჩიან პლანშეტად.

სარა თიუ/CNET

გასულ ოქტომბერს, როცა ჩვენ ბოლოს ვიხილეთ TCL-ის ინოვაციური სამმაგი დასაკეცი ტელეფონის პროტოტიპი, ის მხოლოდ საწყის სტადიაში იყო. კონცეფცია კი გულისხმობდა „DragonHinge” (სიტყვასიტყვით: დრაკონის სახსარი) გამოყენებით ტელეფონს შეძლებოდა რამდენიმე მიმართულებით დაკეცვა, მაგრამ მას თან მუშა ეკრანი არ ახლდა. თუმცა, ამ კვირაში, საშუალება მოგვეცა ჩვენს ხელთ მოხვედრილიყო ასეთი ექსცენტრიული ტელეფონისა და პლანშეტის ჰიბრიდული სინთეზი და რამდენადაც ის ჯერ კიდევ პროტოტიპის ფაზაშია, კომპანია ახერხებს სწრაფ განვითარებას და დღესდღეობით უკვე სახეზეა ფუნქციონირებადი მოწყობილობა.

როდესაც ტელეფონი ბოლომდე გადაშლილ მდგომარეობაშია, ხელთ გაქვთ დიდი პლასტიკური დისპლეის მქონე 10 ინჩიანი პლანშეტი. თქვენ ასევე შეგიძლიათ მისი დაკეცვა ისე რომ მხოლოდ ორი ეკრანი იყოს გახსნილი და გამოუყენებელი ნაწილი კი უკან გადაკეცილი ან მოწყობილობის სადგარად გადაქცეული.

თქვენ ასევე შეგიძლიათ მხოლოდ ერთ ეკრანამდე დაიყვანოთ იგი და მისცეთ უფრო ტრადიციული ტელეფონის შესახედაობა. ის სამ სეგმენტადაა დაყოფილი და თითოეული მათგანი შეიცავს 6.65 ინჩიან დისპლეის და აქვს საკუთარი ცალკეული ელემენტი. თქვენ თვითონაც მიხვდებოდით, რომ როდესაც სამივე ფენა დაკეცილ მდგომარეობაშია, მოწყობილობის ვიზუალი საგრძნობლად სქელი ხდება და შეგრძნებაც შესაბამისია – გგონიათ რომ სამი ერთმანეთზე მოთავსებული ტელეფონი ალაგია ერთმანეთზე.

ჰიბრიდის ოპერაციული სისტემა Android-ია, მოწყობილობა რეგულირებულია თითოეული ეკრანის გახსნასა და დახურვაზე, მაგრამ შესამჩნევია ასევე დაყოვნებებიც, როცა რეჟიმებს შორის გადართვა ხდება, თუმცა ეს მოსალოდნელიცაა მსგავსი მოწყობილობის კონცეფციისგან. ფაქტია, რომ ის ჯერჯერობით არ არის მზად კონკურენცია გაუწიოს  Samsung Galaxy Fold-ს ან Huawei Mate XS

როდესაც სრულადაა დაკეცილი, პროტოტიპი საგრძნობლად სქელია.

სარა თიუ/CNET

შტეფან სთრაითი, TLC-ს გლობალური მარკეტინგის გენერალური მენეჯერი ერთ-ერთ ინტერვიუში აცხადებს რომ ჯერ კიდევ უსახელო მოწყობილობა ერთ-ერთია 30-მდე პროტოტიპთაგან, რომელზეც TCL ექსპერიმენტულად მუშაობს, მომავალში კი კომპანია გლობალურ სატელეფონო ბაზარზე შესვლას საკუთარი ბრენდით აპირებს. TCL აშშ-ში ყველაზე მეტად მისი შესანიშნავი ტელევიზორების გამოა ცნობილი.

სხვა კონცეფციები მოიცავს ე.წ. “Clamshell” კონტეინერის ფორმის მოწყობილობების შექმნას, რომელთა დემო ვერსიაც კომპანიამ CES ინოვაციურ ტექნოლოგიურ გამოფენაზე წარმოადგინა იანვარში და ასევე ახალი გასაშლელი და გორგოლაჭიანი AMOLED დისპლეი, რომელიც ძრავს იყენებს 6.75 ინჩიანი ეკრანის 7.8 ინჩამდე გასაზრდელად. სთრაითი აცხადებს რომ კომპანია Google-სთან მუშაობის აქტიურ რეჟიმშია, რათა Android ოპერაციული სისტემის ოპტიმიზაცია შეძლოს მისი არაერთი დასაკეცი მოწყობილობებისათვის.

ჯერ-ჯერობით ცნობილი არაა სავარაუდო თარიღიც კი, როდის შეძლებთ რომელიმე ზემოთ ჩამოთვლილი მოწყობილობის შეძენას, თუმცა სთრაითი ამბობს რომ რაღაც ტიპის დასაკეცი მოწყობილობა ამ კომპანიისგან 2021 წლის პირველ ნახევარში აუცილებლად ჩაეშვება ბაზარზე.

TCL-მა CES-ზე ასევე დააანონსა, რომ გეგმავს მეტად ტრადიციული ტელეფონის სახელად „10 Pro“-ს გამოშვებას ამერიკულ ბაზარზე, უკვე მიმდინარე წელს.