გლუკოზის გამზომის შეძენის გზამკვლევი

გლუკოზის გამზომი

 

როგორ შევეძინოთ სისხლში გლუკოზის დონის გამზომი მოწყობილობა?

 
თქვენს სისხლში შაქრის ან სისხლის გლუკოზის დონის კონტროლი დიაბეტის მართვის გასაღებია. ტესტის აკურატული და ზუსტი შედეგები დიაბეტით დაავადებულ ადამიანებს ეხმარება დიეტის, სავარჯიშო რუტინის და მკურნალობის გეგმის რეგულირებაში – რამაც, შესაძლოა, ხელი შეუშალოს სავარაუდო გართულებებს და შეამციროს გულის წასვლის, თირკმლის დაავადების, ნერვული დაზიანებისა და სიბრმავის რისკები.

დიაბეტის დიაგნოზის მქონე ნებისმიერი ადამიანი იღებს სარგებელს ამ შემოწმებისგან. სისხლში გლუკოზის შემცველობის მონიტორინგი მნიშვნელოვანი შეიძლება იყოს მათთვის, ვინც მოიხმარს ინსულინს ან დიაბეტის სხვა სამკურნალო საშუალებას, ქალებისათვის გესტაციური დიაბეტით (რომლის დიაგნოზირება ორსულობის მანძილზე ხდება) და იმ ადამიანებისათვის ვისაც უჭირთ ამ დაავადების გაკონტროლება.

დღევანდელი გლუკომეტრები უფრო მცირე ზომის, სწრაფი და მეტად მაღალი სიზუსტისაა, ვიდრე მათი წინამორბედი მოდელები და მათ ასევე ბევრად უფრო მრავალფეროვანი ფუნქციონალი გააჩნიათ. ჩვენ გამოვცადეთ 18 მოდელი ფასის დიაპაზონით 15 დოლარიდან 30 დოლარამდე. გამოიყენეთ ჩვენი სახელმძღვანელო რათა დაგეხმაროთ, თქვენს საჭიროებებზე მორგებული საუკეთესო მოწყობილობის პოვნაში.

სისხლში გლუკოზის შემცველობის გამზომი მოწყობილობის შერჩევა

ყველა გლუკომეტრი თითქმის მსგავსი გზით მუშაობს, მაგრამ ზოგიერთ მათგანს ისეთი მახასიათებლები და ოფციები გააჩნია, რაც შეიძლება უკეთ ერგებოდეს თქვენს კონკრეტულ საჭიროებებს. ესაუბრეთ თქვენს ექიმს და გაარკვიეთ, რომელი მოდელი ერგება თქვენს მონიტორინგის მოთხოვნებს, ცხოვრების სტილსა და ბიუჯეტს.

ფასი
  გლუკომეტრის მხოლოდ საცალო ფასს ნუ დააკვირდებით, ცალკემყოფად. ის რაც აძვირებს გლუკომეტრის მოხმარებას არის ტესტირების ფირფიტები, რომლებიც შეიძლება დღის მანძილზე ბევრჯერ დაგჭირდეთ.18 დოლარიდან 184 დოლარამდე 100 ტესტირების ფირფიტაზე, ფასს შეიძლება დაემატოს დაახლოებით 265 დოლარიდან 2658 დოლარამდე წელიწადში ხარჯი იმ ადამიანებისათვის, რომლებიც დღის მანძილზე ოთხჯერ იზომავენ გლუკოზის დონეს სისხლში. ჩამნაცვლებელი ლანცეტები კი დამატებით გასათვალისწინებელი აბსოლუტურად სხვა ხარჯია.

დაზღვევა

ჯანმრთელობის დაზღვევა ფარავს ზოგიერთ დიაბეტის პროდუქტს და კერძო დაზღვევაც ასევე დაფარავს ამ ხარჯების რაღაც ნაწილს. გადახედეთ არის თუ არა კონკრეტული ის ბრენდები და ტესტის ის ფირფიტები თქვენს სიახლოვეს, რომლის ხარჯებსაც თქვენი დაზღვევა დაფარავს. გაარკვიეთ, რამდენ ტესტის ფირფიტას, ასეთის არსებობის შემთხვევაში, დაფარავს ეს გეგმა ყოველთვიურად. თქვენი ფირფიტის ხარჯის დაფარვა შესაძლოა იმაზე იყოს დამოკიდებული, მაგალითად, იყენებთ თუ არა ინსულინს.
 

ავტომატური კოდირება

სისხლის გლუკოზის საზომი მოწყობილობები საჭიროებს თითოეული ტესტირების ფირფიტის სერიისათვის კალიბრაციას. ზოგიერთი მოითხოვს შეიყვანოთ კოდი ან ჩამოტვირთოთ აპლიკაცია, რომლითაც შეძლებთ კოდის სკანირებას სმარტფონის მეშვეობით. ამ ინფორმაციის არასწორად შეყვანა კი გამოიწვევს არასწორ შედეგებს. სხვა მოდელები კი იყენებენ მოხსნად კოდის ჩიპს, თითოეული ფირფიტის სერიის მრიცხველის დასაკალიბრებლად.

მონაცემთა შენახვა

უმრავლესობა მოსახერხებელი სისხლის გლუკოზის დონის საზომები ინახავენ სულ მცირე 360 გაზომვის შედეგს. ზოგიერთი ასევე გითვლით ყოველი 7, 14 ან 30 დღის საშუალო მნიშვნელობას, რათა წარმოგიდგინონ ზოგადი სურათი სისხლის გლუკოზის შემცველობის კონტროლის შესახებ. თუ თქვენ ხშირად აპირებთ მოწყობილობის გამოყენებას, უპირატესობა მიანიჭეთ ისეთ მოდელს, რომელსაც მეხსიერების უფრო დიდი მარაგი აქვს.
 

ტესტის დრო

შესაძლოა რამდენიმე წამის სხვაობა დიდად არ გეჩვენებათ, მაგრამ მაშინ, როდესაც გამზომ მოწყობილობას სამჯერ ან ხუთჯერ იყენებთ დღის მანძილზე, ლოდინის მეტი დრო შესაძლოა გახდეს მოსაბეზრებელიც. ჩვენმა ექსპერტებმა დაადგინეს რომ დროის სასურველი ხანგრძლიობა 5 წამი და ნაკლებია.

მარკერები და ალმები

ეს მახასიათებლები საშუალებას გაძლევთ აღნიშნოთ, ტესტირება საკვების მიღებამდე ან ვარჯიშამდე ჩაიტარეთ თუ მას შემდეგ.

მოწყობილობის ზომა

თუკი გლუკომეტრი მოგზაურობაში თან წასაღებად გჭირდებათ, მაშინ უკეთესი არჩევანინ კომპაქტური მოდელი იქნება. ზოგიერთი დიდი მოდელი რამდენიმე ფირფიტის მასში ერთდროულად მოთავსების შესაძლებლობას იძლევა, ასე რომ, არ მოგიწევთ თითოეული გასინჯვისთვის ახალი  მათგანის ჩატვირთვა, მაგრამ ჩვენმა ექსპერტებმა დაადგინეს რომ ისინი საკმაოდ ვეებერთელაა. თუმცა ეს მოდელები სახლში მოხმარებისათვის უფრო მოსახერხებელია, განსაკუთრებით იმ ადამიანებისათვის რომელთაც ხედვის პრობლემები აქვთ. უმრავლესობა მოდელებისა მოითხოვს საათის ან სამედიცინო ელემენტს, მაგრამ გირჩევდით რომ შეიძინოთ ისეთი მოდელი რომელიც მოიხმარს AAA ტიპის ელემენტს, რომელიც, თავის მხრივ იოლი გამოსაცვლელიცაა.
 

სისხლის ნიმუშის ზომა 
  დღევანდელი სისხლის გლუკოზის გამზომი მოწყობილობები უფრო ნაკლები მოცულობის სისხლის ნიმუშს საჭიროებენ, ვიდრე წარსულში გავრცელებული მოდელები. ეს კი ანალიზის გაკეთების პროცესს ნაკლებად მტკივნეულს ხდის. თუკი თქვენ გაჭრის მიმართ სენსიტიური ხართ, ეძიეთ ისეთი გამზომი მოწყობილობა რომელიც 1 მიკროლიტრზე მცირე სისხლს მოითხოვს.

როგორ ვცდით სისხლის გლუკომეტრებს

ჩვენი ტესტების სიზუსტე და განმეორებითობა გლუკოზის მონიტორინგის სისტემებისათვის მიახლოებულია ISO standard 15197-ს. ეს გახლავთ გაიდლაინების წყება სტანდარტიზაციის საერთაშორისო ორგანიზაციისგან, რომელშიც ხაზგასმულია შაქრიანი დიაბეტის მქონე ადამიანებისათვის თვით-ტესტირების სისხლის გლუკოზის მონიტორების მოთხოვნები. ჩვენი შეფასებები საშუალებას გაძლევთ სხვადასხვა მოდელების სიზუსტე ერთმანეთს შეადაროთ და გადაამოწმოთ მიმდინარე გაიდლაინებშიც. ყველა მოდელი, რომელიც ჩვენ დავტესტეთ სიზუსტის რეგულაციებთან მიმართებაში მკაფიო თანხმობაშია, მხოლოდ მაგრამ ჩვენი რეკომენდაცია დაიმსახურა მხოლოდ მათ, რომლებიც „ძალიან კარგი“ ან „შესანიშნავი“ შეფასებითაა წარმოდგენილი.

დიაბეტის მართვის საიდუმლოები

ჩვენი კვლევებით ირკვევა რომ მარტივი მიდგომა, ხშირად საუკეთესოა.