როგორ ავარჩიოთ საუკეთესო სპორტული ფეხსაცმელი

ფეხსაცმელი

ზოგადი მიმოხილვა

ჩვენი ექსპერტები ფეხსაცმლის საფუძვლიანი შეფასებისთვის მიმართავენ არაერთ საშუალებას. ჩამონათვალი მოიცავს: სირბილს, სეირნობასა და ვარჯიშების რიგ სახეობას. ჩვენ მას ტროტუარებზე, სავარჯიშო დარბაზებსა და ჩვენს ლაბორატორიებშიც კი ვამოწმებთ. ჩვენ შევამოწმეთ ფეხსაცმლის წინა ნაწილი რამდენად კარგად ერგება ტერფს, რაც ტერფის იოლად აწევის საშუალებას გაძლევთ. და ასევე გავზომეთ სტაბილურობა (კოჭის მოძრაობის კონტროლი), ქვესადები წინა თითსა და ქუსლზე (სადაც გავლენა ყველაზე დიდია), და სუნთქვადობა (ტენიანობის არდაგროვება). წონაც ასევე მნიშვნელოვანია. რაც უფრო მსუბუქია ფეხსაცმელი, მით უკეთესი – ამორტიზაციისა და სტაბილურობის თვალსაზრისით.

რა აღმოვაჩინეთ

ადამიანთა უმრავლესობა სარბენად და სასეირნოდ განკუთვნილ ფეხსაცმელებს მეტწილად ყიდულობს სავაჭრო ცენტრებში, ფასდაკლების, სპეციალიზებულ სპორტულ, სპორტული საქონლის და საოჯახო-ფეხსაცმლის მაღაზიებში. რასაკვირველია, ის ვინც სირბილს სერიოზულად უდგება, შესაბამისი ფეხსაცმლისთვის მეტ თანხასაც გადაიხდის, მაგრამ თუ თქვენთვის უფრო მნიშვნელოვანია სეზონის შესაბამისი ფეხსაცმლის შეძენა, გაყიდვების აგენტი რა თქმა უნდა შეძლებს ყველა თქვენს კითხვას უპასუხოს და დაგეხმაროთ აარჩიოთ თქვენს სიარულის მანერასა და ვარჯიშის ტიპზე მორგებული სწორი მოდელი.

ფეხსაცმელების მწარმოებლების ბოლოდროინდელი ტრენდი „ფეხშიშველი“ ან მინიმალისტური სტილია. ასეთი ფეხსაცმელები გამოირჩევა გაცილებით თხელი ლანჩებით, ნაკლები ქვესადებებით და უფრო მოქნილია ვიდრე სხვა ტრადიციული სპორტული ფეხსაცმელი. ისინი იქმნება იმისთვის რომ განაპირობოს მცირედი დაცულობა და ამის ხარჯზე ტერფს დაუტოვოს შესაძლებლობა, იმოძრაოს ბუნებრივად, შეუზღუდავად სიარულის თუ სირბილის დროს. აღნიშნული გზამკვლევი სტატია კი მოგითხრობთ ტრადიციული მეთოდით წარმოებულ ფეხსაცმელებზე.

გააანალიზეთ თქვენი სიარულის მანერა

მწარმოებლები სარბენ და სასეირნო ფეხსაცმელებს ყველა ტიპის სიარულის მანერის მქონეთ სთავაზობენ. სიარულისას თუ ფეხს ოდნავ შიგნით ან პირიქით, გარეთ დგამთ მასტაბილიზებელი/მოძრაობის მაკონტროლებელი ფეხსაცმელი ამ პრობლემას მოგიხსნით.  ზეპრონატორებს ძირითადად დაბალი თაღი აქვთ, მაშინ როცა ქვეპრონატორები – მაღალი თაღით გამოირჩევიან. იმ შემთხვევაში, თუ არაგაცვეთილი სარბენი ფეხსაცმელი მოგეპოვებათ, კარგი იქნება თუ თან წაიღებთ შოპინგისას. მათი მოხმარების პატერნი გამოცდილ გაყიდვების პერსონალს დაეხმარება თქვენი სიარულის მანერის გაანალიზებაში და შესაბამისად, აგარჩევინებთ სწორ ფეხსაცმელსაც.

გოგონა ყურსასმენი წიგნი

კარგად მოირგეთ

სპორტული ფეხსაცმლის შოპინგის პირველი წესია: ყველაზე მნიშვნელოვანია ის, თუ როგორ გერგებათ. ცუდად მორგებულმა ფეხსაცმელმა შესაძლოა გამოიწვიოს დისკომფორტი და გადაღლა, ან ფეხის ტკივილი და სახსრის პრობლემები. მას შეუძლია ასევე გააუარესოს მოძრაობის კონტროლი და ქვესადებიც ნაკლებად ეფექტური გახადოს. ფეხი უფრო მეტად გექნებათ დღის ბოლოს დასიებული, ასე რომ, იშოპინგეთ გვიან ნაშუადღევს და ზუსტად ისეთი წინდები ჩაიცვით, როგორსაც ამ ფეხსაცმელების ტარებისას გამოიყენებთ. დააკვირდით ნაკერებს, ბორცვებსა და უხეშ წერტილებსაც. სპორტული ფეხსაცმელი პირველივე მორგებაზე კომფორტულად უნდა გქონდეთ და არ უნდა გიწევდეთ მისი წვალებით ჩაცმა.

გააკეთეთ სატესტო გარბენი

ფეხსაცმლის მორგების გარეშე ყიდვა იგივეა, რაც მანქანის შეძენა ტესტ-დრაივის გარეშე. გაირბინეთ ან გაისეირნეთ ცოტა მაღაზიაშივე და ასევე იკითხეთ, თუ შეიძლება ერთიც შემოურბინოთ ირგვლივ ბლოკს. ასევე ჰკითხეთ პროდუქტის ყიდვის შემდეგ უკან დაბრუნების შესაძლებლობაზე, სეირნობის ან სარბენ ბილიკზე სირბილის შემდეგ თუ უბრალოდ ვერ იგრძენით რომ ის თქვენთვის კომფორტულია.

კარგად დაფიქრდით ორთოპედიაზეც

თუ ფეხი მიდრეკილია სირბილის ან სეირნობის შემდეგ ადგილ-ადგილ დაწყლულებისკენ, შეგიძლიათ განიხილოთ ფეხსაცმელის  ორთოპედიული ქვესადებიც, რომელიც მზადდება სპეციალურად თქვენთვის და შეგიძლიათ მისი საშუალებით ჩაანაცვლოთ ფეხსაცმლის ორიგინალი ქვესადები. მაგრამ ორთოპედიული ქვესადებები ძვირიც ღირს და ასევე ამცირებს ფეხსაცმლის სიმსბუქესაც. იფიქრეთ იმაზეც, შეიძლება თუ არა თქვენი პრობლემა მოგვარდეს ახალი ფეხსაცმლით ან განსხვავებული კატეგორიის ფეხსაცმლით (მსუბუქი, ნეიტრალური ან მასტაბილიზებელი).

სპორტული ფეხსაცმლის ტიპები

თამამად შეგიძლიათ ნებისმიერ ისეთ ფეხსაცმელზე გადასვლა, რომელიც კომფორტულად მოგერგებათ, მათ შორის სასეირნო, სარბენი ან სავარჯიშო ფეხსაცმელზეც, თუ ისინი კარგად ახერხებენ სიმსუბუქისა და სტაბილურობის შეგრძნების მონიჭებას. მაგრამ, აღსანიშნავია ისიც, რომ განსხვავებული სპორტის სახეობა, განსხვავებულ მოთხოვნებს უწესებს ფეხსაცმელებს. სპორტული ფეხსაცმლის ტიპი თქვენთვის დამოკიდებული იქნება იმაზე, თუ რის გაკეთებას აპირებთ ვარჯიშისას. ამ სტატიის მომდევნო ნაწილში დეტალურად გავივლით თქვენს ყველა არჩევანს.

სარბენი ფეხსაცმელები

სარბენი და სასეირნო ფეხსაცმელი შესაძლოა ერთი შეხედვით ძალიან ჰგავდეს ერთმანეთს, თუმცა არსებობს მნიშვნელოვანი განსხვავებებიც. ტრადიციული სარბენი ფეხსაცმელები დამატებითი ბალიშით/ქვესადებითაა წარმოდგენილი, რადგან მიწაზე ფეხის დადებისას თქვენს წონაზე 1,5-3-ჯერ მეტი ძალა შეიძლება წარმოიქმნას. ისინი ასევე საშუალებას გაძლევთ ტერფის აწევისას კიდევ უფრო მეტად მოქნილად და სტაბილურად იგრძნოთ თავი. ლანჩები კი უნდა იყოს გამძლე და კარგ გაწევას უნდა უზრუნველყოფდეს ტროტუარზე თუ მიწაზე.

შეიძინეთ სარბენი ფეხსაცმელები ამაზონზე.

სასეირნო ფეხსაცმელები

ეს ფეხსაცმელები საუკეთესოა ისეთი ადამიანებისათვის, რომლებიც ფიტნესისთვის სეირნობას ამჯობინებენ, ან ვისაც ყოველდღიური სეირნობის სესიისთვის კაზუალური ფეხსაცმლის ყიდვა უნდა. ისინი საკმარისი ბალიშებითაა წარმოდგენილი, იმისთვის რომ თქვენ იგრძნოთ თავი კომფორტუალდ. და მათი მოქნილი ლანჩები შექმნილია შედარებით სეირნობისას დაბალი ბიძგებისთვის, რაც ტერფს იოლად სრიალის უნარს უნარჩუნებს ქუსლიდან თითებამდე.

შეიძინეთ სასეირნო ფეხსაცმელები ამაზონზე.

უნივერსალური სავარჯიშო ფეხსაცმელები

ასეთი მოდელები ყველა დანიშნულების ფეხსაცმელებს წარმოადგენს, რომელსაც კარგად მოიხმართ როგორც სიარულისას, ასევე სპეციფიური სპორტული აქტივობების შესრულებისას, მაგალითად ტენისის ან კალათბურთის თამაშის დროს. ეს ალტერნატივა ასევე ზოგავს თქვენს ბიუჯეტსაც, ვინაიდან, თუ სპორტის რამდენიმე სახეობით ხართ დაკავებული, არ მოგიწევთ თითოეულისათვის ცალკე ფეხსაცმლის ყიდვა, მაგრამ ამის ხარჯზე მოქნილობისა და სიმსუბუქის რაღაც წილის დათმობაც მოგიწევთ.

შეიძინეთ უნივერსალური სავარჯიშო ფეხსაცმელები ამაზონზე.

სპეციფიური სპორტული ფეხსაცმელები

ზოგიერთი სპორტული ფეხსაცმელი სპეციფიური დეტალების სიმრავლით გამოირჩევა. მაგალითად, პოპულარული კალათბურთის ფეხსაცმელები ისეა შექმნილი რომ კოჭზე დატვირთვა ნაკლებად მოვიდეს მოულოდნელი სწრაფი მანევრების, ნახტომების დროს, თამაშის მანძილზე. გოლფის და ბეისბოლის ფეხსაცმელებს კი აქვს სპეციალური მომჭერები ბალახზე უკეთესი მოჭიდებისათვის. სწორი ტიპის ფეხსაცმლის შერჩევა მთლიანი თამაშის მანძილზე უპირატესობის შენარჩუნების მთავარი გასაღები გახდება თქვენთვის.

სპორტული ფეხსაცმლის მახასიათებლები

სპორტული ფეხსაცმლის სიმსუბუქე დამოკიდებულია ლანჩის შუა ნაწილის მასალაზე, იმაზე თუ რამდენად მოქნილია იგი. თქვენი ფეხი ბუნებრივად მიდრეკილია შიგნით შედგმისკენ, რაც ერთგვარი ამორტიზაციის ეფექტს ახდენს და ამცირებს დატვირთვას ძვლებსა და სახსრებზე. ფეხსაცმელი, რომელიც ერთდროულად განიჭებთ კარგ ამორტიზაციას და მოქნილობას, მაშინ როცა ამავდროულად ადეკვატური სტაბილურობის დონით უზრუნველგყოფთ, ნამდვილად სწორი არჩევანი იქნება თქვენთვის. თუ ფეხსაცმელი მსუბუქიცაა და სუნთქვადიც, მით უკეთესი. ტრადიციული ფეხსაცმლის ყიდვისას კი უნდა გაითვალისწინოთ შემდეგი მახასიათებლები.

ლანჩა

ლანჩა შედგება სამი ფენისგან. ქვედა ფენა ან გარე ლანჩა, ძირითადად დამზადებულია კარბონული რეზინისგან, რაც მას გამძლეს ხდის. ის განსაზღვრულია მოქნილობისათვის და აქვს ღაროვანი ან ნაკვთოვანი განაკვეთები კარგი მოჭიდებისათვის. შედარებით მოქნილი შუა ფენა ან შუა ლანჩა ემსახურება ამორტიზაციას. ის ძირითადად სპეციალური ღრუბლისგან იქმნება და შესაძლოა ასევე მოიცავდეს გელს ან ჰაერის ბუშტუკებს და პლასტმასის სპირალებს სიმტკიცისათვის. ფენა, რომელიც პირდაპირ ფეხქვეშაა, შიდა ლანჩა დამატებითი ამორტიზაციისთვისა და თაღის კომფორტისთვისაა. ის ბევრ სარბენ და სასეირნო ფეხსაცმელებში მოხსნადი და რეცხვადია.

ზედა ნაწილი

ფეხსაცმლის მთავარი ნაწილი ლანჩის ზემოთაა განთავსებული. აუცილებელია ზემოთა წინა ნაწილში იყოს საკმარისი სივრცე თითების გასაშლელად და ნახევარი ინჩის სივრცე კი დატოვებული იყოს ყველაზე გრძელი თითისათვის. უკანა ნაწილში მოთავსებული ქუსლის საყრდენი კი უნდა აფიქსირებდეს თქვენს ქუსლს და ახდენდეს ზედმეტი სრიალის პრევენციას. ამ ბოლოს დროს, სარბენი ფეხსაცმელების ეს ნაწილი ძირითადად სინთეთიკისგანაა დამზადებული, თუმცა ზოგიერთი სასეირნო ფეხსაცმელი ჯერ კიდევ ტყავს იყენებს. რაც უფრო გიოფლიანდებათ ფეხი, მით უფრო დააფასებთ ბადის სუნთქვადობას. მაგრამ, თუ ცივ ამინდში გეგმავთ გარეთ ყოფნას, მაშინ ნაკლებად ფოროვანი მასალა ცოტათი მეტი დაცვის ხარისხს შემოგთავაზებთ.

ბადე

ქსოვილის, პლასტმასის, ან მეტალის თასმის გასაყრელი რგოლები ფეხსაცმლის მჭიდროდ მორგებას გიადცილებთ. დამატებითი ზედა ნასვრეტები კი კოჭთან კომფორტულ მორგებაზეა პასუხისმგებელი. გაითვალისწინეთ ისიც, რომ ბრტყელი ზონარები ნაკლებად ეშვება ან იხსნება, მრგვალებთან შედარებით.

სტილი
თუ დღის განმავლობაში ფეხზე დგომა დიდხანს გიწევთ, შესაძლოა ისეთი ფეხსაცმელი გჭირდებათ, რომელიც კომფორტსაც და სასეირნო ფეხსაცმელის მხარდჭერასაც ერთდროულად გთავაზობთ და თან ვიზუალიც ისეთი აქვს რომ ოფისშიც კი ჩაიცვათ. სამწუხაროდ ასეთი ვიზუალური მახასიათებლების მქონე სასეირნო ფეხსაცმელები, რომლებიც ჩვენ დავტესტეთ, ვერ ახერხებენ ისე კარგი შედეგის დადებას, საერთო ჯამში, რამდენადაც ამას კედების ვიზუალის მქონეები უზრუნველყოფენ.

რეფლექტორები

თუ დარბიხართ ან სეირნობთ გამთენიისას ან შებინდებისას, რეფლექტორი სალტეები დამატებით უსაფრთხოებით აღგჭურვავენ მანქანის ფარების შუქის არეკვლის საშუალებით. ჩვენ მიერ დატესტილი ფეხსაცმელების რეფლექტორები ძირითადად იიყო ღარიბული, მაგრამ სპორტული საქონლის მაღაზიებში თქვენ შემოგთავაზებენ დამატებით რეფლექტორებსა და არეკვლის უნარის მქონე სხვა ტანისამოსსაც.

Adidas

Adidas სარბენ ფეხსაცმელებს სთავაზობს როგორც კაცებს, ასევე ქალებსაც. ისინი ნეიტრალურ და სტაბილურ მოდელებს ყიდიან და მათი ფასები მერყეობს 55 დოლარიდან 130 დოლარამდე.

Asics

Asics ყიდის სარბენ და სასეირნო ფეხსაცმელებს ასევე ორივე სქესისათვის. ისინი ნეიტრალურ და სტაბილურ ვერსიებს სთავაზობენ მომხმარებელს და მათი ფასები მერყეობს 50 დოლარიდან 180 დოლარამდე სარბენი ვერსიისათვის.

New balance

New Balance ასევე ორივე ტიპის ფეხსაცმელს ყიდის ორივე სქესის წარმომადგენელთათვის. ისინი სტაბილურ და ნეიტრალურ მოდელებს ყიდიან. ფასები მერყეობს 55 დოლარიდან 140 დოლარამდე სარბენი ვერსიებისთვის და 60 დოლარიდან 140 დოლარამდე სასეირნო ვერსიებისათვის.

Nike

Nike ყიდის სარბენ და სასეირნო ფეხსაცმელებს როგორც კაცების, ასევე ქალებისათვის. ისინი გთავაზობენ სტაბილურ და ნეიტრალურ მმოდელებს და ფასების დიაპაზონი 50 დოლარიდან 165 დოლარამდეა სარბენი ვერსიისათვის და 50 დოლარიდან 105 დოლარამდე – სასეირნოსათვის. Nike-ს ვებსაიტზე შეგიძლიათ ფეხსაცმელი „ააწყოთ“ თქვენივე გემოვნების შესაბამისად (მაგალითად: აირჩიოთ საკუთარი ფერი, დაამატოთ სახელი და ა.შ.).

Puma

Puma სარბენ ფეხსაცმელებს აწარმოებს როგორც მამაკაცებისთვის, ისე ქალებისთვის. ფასები მერყეობს 55 დოლარიდან 130 დოლარამდე. ისინი გთავაზობენ სტაბილურ და ნეიტრალურ მოდელებს.

Reebok

Reebok ასევე ორივე სქესის მოდელების ასორტიმენტითაა წარმოდგენილი სარბენი და სასეირნო ფეხსაცმელების სერიებში. ისინი გთავაზობენ სტაბილურ და ნეიტრალურ მოდელებს. ფასები 50 დოლარიდან 120 დოლარამდე დიაპაზონშია სარბენისთვის და 50 დოლარიდან 90 დოლარამდე – სასეირნოს შემთხვევაში.

Rockport

Rockport ყიდის სასეირნო ფეხსაცმელებს ქალებისათვის და მამაკაცებისათვის. ისინი გთავაზობენ გამოსასვლელი სტილის და სპორტულ სასეირნო ფეხსაცმელებს და მათი ფასები მერყეობს 70 დოლარიდან 100 დოლარამდე. Rockport ძირითადად იყიდება სპეციალიზებულ ფეხსაცმლის მაღაზიებში და ონლაინ.

Saucony

Saucony სარბენ და სასეირნო ფეხსაცმელებს ყიდის როგორც მამაკაცებისთვის, ისე ქალებისთის. ისინი გთავაზობენ სტაბილურ და ნეიტრალურ მოდელებს. ფასების დიაპაზონი 50 დოლარიდან 165 დოლარამდეა.

Spira

Spira ყიდის სარბენ და სასეირნო ფეხსაცმელებს როგორც კაცებისთვის, ასევე ქალებისთვის. ფასები მერყეობს 90 დოლარიდან 135 დოლარამდე.

სხვა ბრენდები

ნაკლებად ძვირიანი ბრენდები, ისეთი როგორიცაა Champion და Dr. Scholl შეგიძლიათ ნახოთ ისეთ მაღაზიებში როგორიცაა Payless, Target და Walmart, თუმცა მათი ხელმისაწვდომობა მუდმივად ცვალებადია. Avia ყიდის სარბენ და სასეირნო ფეხსაცმელებს როგორც კაცებისთვის, ისე ქალებისათვის. ისინი გთავაზობთ ნეიტრალურ და სტაბილურ მოდელებს და მათი ფასის დიაპაზონი 40 დოლარიდან 110 დოლარამდე მერყეობს სარბენის და 40 დოლარიდან 70 დოლარამდე – სასეირნო მოდელის შემთხვევაში. Brooks ყიდის ასევე ორივე სქესისთვის ორივე ტიპის მოდელს. ისინი ნეიტრალურ და კონტროლ ვერსიებს გთავაზობენ და მათი ფასის დიაპაზონი 80 დოლარიდან 140 დოლარამდეა სარბენის შემთხვევაში და 90 დოლარიდან 100 დოლარამდე – სასეირნო ვერსიის შემთხვევაში. Mizuno სარბენ ფეხსაცმელს ყიდის მამაკაცებისა და ქალებისათვის. ისინი გთავაზობენ ნეიტრალურ და support მოდელებს და მათი ფასებიც ასევე მერყეობს 80 დოლარიდან 135 დოლარამდე.