როგორ ასწავლის მათემატიკას ამაზონის დამფუძნებელი საკუთარ შვილებს

როგორ ასწავლის მათემატიკას ამაზონის დამფუძნებელი საკუთარ შვილებს

ჯეფ ბეზომ, ამაზონის დამფუძნებელმა და მსოფლიოს უმდიდრესმა ადამიანმა თავისი ქონება დააგროვა საქმისადმი შემოქმედებითი მიდგომითა და პრობლემების მოგვარების არაკონვენციური, უნიკალური გზებით.
როგორც ჩანს ის და მისი მეუღლე, მაკკენზი ბეზო იმავე მიდგომას იყენებენ მათი შვილების განათლების კუთხით. „ჩვენ ყველა საშუალება ვცადეთ … ჩინურის გაკვეთილები, სინგაპურის მათემატიკის პროგრამა და უამრავი კლუბსა და სპორტის სახეობებში გაწევრიანება სხვა მეზობლად მცხოვრებ ბავშვებთან ერთად, აცხადებს მაკკენზი ბეზო Vogue-სთან ინტერვიუში.
როგორც აღმოჩნდა, მეორე ენის შესწავლას გააჩნია სხვა დამატებითი საგანმანათლებლო სარგებელი და გუნდური აქტივობები ეხმარება ბავშვებს ახალი უნარების გამომუშავებაში. მაგრამ, ზუსტად რას გულისხმობს მათემატიკის სინგაპურული პროგრამა?
სინგაპურული მათემატიკა, რომელიც ასევე ცნობილია როგორც „ოსტატური მიდგომა“ მათემატიკის სწავლების მეთოდია, რომელიც ყველაზე მეტად გავრცელებულია შანხაიში, ჩინეთში და სინგაპურში.
ოსტატური მიდგომის ფარგლებში, მოსწავლეები შეისწავლიან სპეციფიურ კონცეფციას იქამდე, სანამ გადავლენ უფრო კომპლექსურ იდეებზე, ხისტი წრფივი პროგრესიის მიდგომით, ალექსეი ვერნიცკი, ესექსის უნივერსიტეტის ლექტორი წერს გამოცემა The Conversation-ისთვის.
შანხაის სკოლებში, რომლებიც იყენებენ ამ მეთოდს, მოსწავლეებს არ აჯგუფებენ მათი აღქმული ინტელექტუალური შესაძლებლობების მიხედვით. ამის სანაცვლოდ, ყველა სტუდენტი ასრულებს ერთსადაიმავე სამუშაოს ერთასადაიმავე დროში მანამ, სანამ ამ ცნებას სრულყოფილად არ შეიმეცნებენ და შემდგომ გადავლენ მომდევნოზე.
აღნიშნულის კონტრასტულად, ამერიკული სკოლები მათემატიკას ასწავლიან „Mindset მიდგომით“, რომელიც მიზნად ისახავს მოსწავლეებისათვის მათემატიკური ცნებების სწავლებას მეტად ინტუიტიური მიდგომებით, დაწყებული უფრო ფართო და ზოგადი კონცეფციის სწავლებით და შემდგომ მისი ჩაშლით კონკრეტულ პრობლემებამდე და ბოლოს უკვე პრობლემის მოგვარების სპეციფიური ნაბიჯების განსაზღვრით.
მაგალითად, „mindset მიდგომისას“ მასწავლებელს შეუძლია მათემატიკური ოპერაცია მიმატების შესავალი გააკეთოს ორი მუყაოს გროვების გაერთიანებით (ან სხვა ნივთებით), აქტივობების გამოყენებით მიმატების თვისებების გამოკვლევა და მხოლოდ მას შემდეგ გადასვლა უშუალოდ რიცხვების მიმატებაზე, წერს ვერნიცკი.
2015 წელს განათლების ინსტიტუტისა და კემბრიჯის უნივერსიტეტის მიერ ბრიტანეთში ჩატარებული 140 სკოლის კვლევის შედეგად დადგინდა, რომ ოსტატური მიდგომის დანერგვის შედეგად მოხდა მოსწავლეთა მიერ მათემატიკური ამოცანების ამოხსნის სიჩქარის გაუმჯობესება და 2015 წლის PISA (მოსწავლეთა საერთაშორისო შეფასების პროგრამა) – მსოფლიო მასშტაბის გამოცდაზე, რომელიც ცცდის 15 წლის ასაკის ბავშვებს მათემატიკის, მეცნიერების და კითხვის უნარებში – სინგაპური იკავებდა პირველ ადგილს თითოეულ დისციპლინაში.

ფოტო: როიტერსი/ბრენდან მაკდერმიდი