iPhone 12

ჯერ კიდევ თვეები გვაშორებს 2020 წლის iPhone-მდე, რომლის გამოშვებაც დაახლოებით ამავე წლის სექტემბერში იგეგმება, მაგრამ უკვე უამრავი ჭორია გამოსაშვებ მოწყობილობაზე. ჩვენ ვვარაუდობთ, რომ 2020 წლის iPhone-ებს ერქმევათ iPhone 12 და iPhone 12 pro თუ Apple იმავე წყობით გააგრძელებს სახელების არჩევას როგორც 2019-ში.

2020 წლის iPhone-ში იქნება უამრავი გაუმჯობესება, წარმოდგენილი პირველი დიზაინის ცვლილება iPhone X-ში 2017 წელს. ჩვენ ველოდებით ოთხ iPhone-ს სამი სახის ეკრანის ზომით, რომელიც შეიძლება იყოს 5.4, 6.7 და 6.1(X2) ინჩი.

ხმებს თუ დავუჯერებთ, 6.7 და 6.1 ინჩიანი iPhone იქნება უფრო დიდი და OLED მოწყობილობა სამლინზოვანი კამერით, ხოლო 5.4 და 6.1 მოდელები უფრო მცირე ზომის, ორლინზოვანი კამერით და უფრო მისაწვდომი ფასით. ელოდებიან, რომ 2020 წელს, ყველა iPhone-ს ექნება OLED ეკრანი ფასის მიუხედავად.

ჭორების მიხედვით, 5.4 ინჩიანი iPhone 12 იქნება ყველა პატარა iPhone რომელიც Apple-მ გამოუშვა 4.7 ინჩიანი  iPhone 8-ის მერე. ხოლო 6.7 ინჩით 2020 წლის iPhone 12 Pro იქნება ყველაზე დიდი iPhone.

ხმების მიხედვით, ერთ-ერთ iPhone-ს ექნება სერიოზული რედიზაინი მეტალის ჩარჩოთი, რომელიც მსგავსი იქნება iPhone 4-ის. iPhone 4-ს ქონდა გამორჩეული, ბრტყელი შესახედაობა მისი მეტალის ჩარჩოს გამო, რომელიც სავარაუდოდ ახალ iPhone-შიც შეგხვდება. სხვა თუ არა, მიახლოებით ორ iPhone-ში მაინც შეგვხვდება ამ სახის დიზაინი.

ასევე შესაძლოა ვნახოთ ახალი TrueDepth კამერის სისტემა, რომელიც შეამცირებს წინა მხარის ჩამოჭრას, ასევე დადის ხმები 3D სამლინზიან კამერის სისტემაზე, რომელიც იყენებს სპეციალურ ლაზერს, რათა გამოთვალოს ობიექტების სიღრმე ოთახში, აუმჯობესებს ფოტოგრაფიასაც და AR შესაძლებლობებს. ეს დაახლოებით ისეთივეა, როგორც LiDar სკანერი 2020 წლის iPad Pro-ში.

2020 წელი იქნება პირველი წელი, როდესაც Apple წარმოგვიდგენს 5G მხარდაჭერას iPhone-ში, რაც საშუალებას მისცემს მოწყობილებებს დაუკავშირდნენ 5G ქსელებს, ეს კი ბევრად სწრაფია ვიდრე 4G LTE ქსელი.

მოსალოდნელი სახელი

IPhone-ისთვის სახელის არჩევა გაუგებარი გახდა, მას შემდეგ რაც iPhone 8-ის დებიუტი შედგა iPhone X-თან ერთად 2017 წელს, რამაც სრულიად გამოტოვა iPhone 9. Apple-მ გააგრძელა ეს დამაბნეველი სახელები 2018 წელს მისი iPhone XS, XS Max და XR-ით, თუმცა ყველაფერი ნათელი გახდა 2019 წელს მისი iPhone 11, iPhone 11 Pro და 11 Pro Max მოდელების გამოსვლის შემდეგ.

Apple ადრე აკეთებდა რიცხობრივ ზრდას და შემდეგ “S” წელს, მაგრამ 2020 წელს მოსალოდნელი ცვლილებები იმდენად მნიშვნელოვანია, რომ სავარაუდოდ ჩვენ ვერ ვიხილავთ iPhone 11S ან რაიმე ამგვარს, სავარაუდოდ ის რასაც ჩვენ ვნახავთ იქნება iPhone 12.

თუ iPhone 11-ის შემდეგ მცირე ზომის ვერსიას ერქმევა iPhone 12 (ამ სახელს გამოვიყენებთ ჩვენ), შეგვიძლია ველოდოთ ორ ახალ უფრო დიდ მოწყობილობას 2020 წელს, რომლებიც იქნება iPhone 12 Pro და iPhone 12 Pro Max. ქვემოთ მოცემულია სახელები, რომლებიც Apple-მ გამოიყენა პირველი iPhone-ის გამოშვებიდან, 2007 წლიდან მოყოლებული:

  • 2007 – iPhone
  • 2008 – iPhone 3G
  • 2009 – iPhone 3Gs
  • 2010 – iPhone 4 (ახალი დიზაინი)
  • 2011 – iPhone 4s
  • 2012 – iPhone 5 (ახალი დიზაინი)
  • 2013 – iPhone 5s და iPhone 5c
  • 2014 – iPhone 6 და iPhone 6 Plus (ახალი დიზაინი)
  • 2015 – iPhone 6s და iPhone 6s Plus
  • 2016 – iPhone 7 და iPhone 7 Plus
  • 2017 – iPhone 8, iPhone 8 Plus და iPhone X (ახალი დიზაინი)
  • 2018 – iPhone XR, iPhone XS და iPhone XS MAX
  • 2019 – iPhone 11, iPhone 11 Pro და iPhone 11 Pro Max

რა თქმა უნდა, სანამ ახალი მოწყობილობები არ გამოვა არ არსებობს არანაირი მტკიცებულება იმისა, რომ მათი სახელები იქნება iPhone 12, 12 Pro და 12 Pro Max, თუმცა ეს არის სიმართლესთან ყველაზე ახლოს მდგომი ვარიანტები.

ზომები

ჭორების მიხედვით, Apple შემოგვთავაზებს ოთხ iPhone-ს სამ განსხვავებულ ზომაში.

ამ დროისთვის, ვარაუდობენ, რომ ჩვენ ვიხილავთ 5.4 ინჩიან iPhone-ს, 6.7 ინჩიან iPhone-ს და ორ 6.1 ინჩიან iPhone-ს. 5.4 ინჩიანი არის უფრო მცირე ზომის ვიდრე უკვე არსებული iPhone 11, მაგრამ 6.7 ინჩიანი იქნება უფრო დიდი ვიდრე iPhone 11 Pro Max. ვარაუდების მიხედვით, 5.4 ინჩიანი iPhone იქნება დაახლოებით იმავე ზომის, როგორიცაა iPhone 8.

ერთი 6.1 ინჩიანი და 6.7 ინჩიანი iPhone მოდელები იქნებიან დიდები, ხოლო მეორე 6.1 ინჩიანი და 5.4 ინჩიანი iPhone უფრო მცირე ზომის და iPhone 11-ის მემკვიდრეები. უფრო დიდი ზომის iPhone-ებს ექნებათ უახლესი კამერა სამმაგი ლინზებით, როდესაც უფრო მცირე iPhone-ებს ექნებათ ორ ლინზიანი კამერა.

დიზაინი

ახალ iPhone-ებს ექნებათ მოდერნიზებული დიზაინი, რომელიც მსგავსი იქნება iPhone 4-ის. Apple-ის ანალიტიკოსი მინგ-ჩი კუო ამბობს, რომ ახალ iPhone-ში იქნება უფრო კომპლექსური სეგმენტაციური დიზაინი, ახალი ფუნქციები და შესაძლებლობები.

საბოლოო დიზაინი მართლაც iPhone 4-ის ან iPad Pro-ს მსგავსი იქნება, ოთხკუთხა მეტალის ჩარჩოთი. ახალ iPhone-ს ექნება უჟანგავი მეტალის ჩარჩო, რომელიც შეცვლის ამჟამინდელ მრგვალი ფორმის ჩარჩოს და ის გამოიყენებს წინა და უკანა სარკეს მოწყობილობის ტანისთვის.

მისმა ფორმამ უნდა შეამციროს მეტალის დაცვის უარყოფითი გავლენა შიდა ანტენისამდი ეფექტიურ მიწოდებაზე. კუოს მიაჩნია, რომ Apple გამოიყენებს საფირონს ან გამაგრებულ სარკეს, რათა დაიცვას ღარები ჩარჩოში.

Bloomberg-ის მიხედვით, ორ დიდ iPhone-ს 2020 წელს Apple შემოგვთავაზებს ახალი დიზაინით, უჟანგავი ფოლადის კუთხეებით მომრგვალებულის ნაცვლად, iPad Pro-ს მსგავსად.

იაპონური საიტის Mac Otakara-ს მიხედვით, 6.7 ინჩიანი iPhone იქნება 7.4 მმ სისქის, რომელიც იქნება უფრო თხელი ვიდრე 8.1მმ სისქის iPhone 11 Pro Max. ასევე მოსალოდნელია, რომ ის იქნება უფრო დიდი ზომის ვიდრე iPhone 11 Pro Max. 5.4 ინჩიანი iPhone-ის სიმაღლე მოსალოდნელია, რომ დაახლოებით იქნებდა სადღაც iPhone SE და iPhone 8-ს შუაში. ასევე შესაძლოა, რომ 5.4, 6.7 და ერთ 6.1 ინჩიან iPhone-ს ქონდეთ განხსვავებული სამიკროფონო ხვრელების რაოდენობა.

iPad Pro-ს მსგავს დიზაინთან და ზომასთან ერთად გაჟონილი სქემები, რომლებიც შესაძლოა Apple-ს გეგმებს წარმოადგენს, ასევე გვაჩვენებს ზოგიერთ სხვა უმნიშვნელო დიზაინის ცვლილებებს, რომლებიც სიის სახითაა მოცემული:

  • ოდნავ დიდი კამერის ლინზები
  • უფრო ხშირი საანტენო ხაზები 5G-ისთვის
  • SIM ბარათის ჩასადები იქნება მარცხენა მხარეს
  • Smart Connector იქნება მარჯვენა მხარეს
  • შედარებით მცირე ღილაკი

ფერები

ვარაუდების მიხედვით ერთ-ერთი iPhone 12-ის მოდელი გამოვა მუქი ლურჯი. Apple-მ წარმოადგინა ახალი მუქი მწვანე ფერი iPhone 11 Pro-ს დროს, ამიტომ მიზეზგარეშეა იმაზე ფიქრი, რომ შეიძლება ახალი ლურჯი ფერი იქნეს გამოყენებული.

კიდევ ერთი ვარაუდი მიიჩნევს, რომ iPhone 12 მოდელები გამოვა ღია ლურჯ, იისფერ და ღია ნარინჯისფერ ფერებში სხვა ფერებთან ერთად.

გაჟონილი სურათები და სქემატიკა

ეს სურათები ასახავს iPhone 12-ის დაახლოებით 1/3 ნაწილს, რაც შეესაბამება ჭორებს იმის შესახებ, რომ 2020 წლის iPhone იქნება მცირე ზომის.

არ არის დაზუსტებული ინფორმაცია, თუ საიდან გაჩნდა ეს ფოტოები, ან რამდენად სანდოა ისინი თუმცა ცხადია, რომ რაღაც დამხმარე დოკუმენტაციებიდანაა. მთავარი კამერაც სამლინზიანია და 3D სენსორიც დამატებულია.

რენდერინგი iPhone 12 Pro Max-ზე, როგორც ამბობენ დაფუძნებულია გაჟონილ CAD დიზაინზე, რომელიც გავრცელდა აპრილში და ეს ემთხვევა ბევრ მოსაზრებას, რომელიც გავიგეთ ამ მოწყობილობაზე. ახალმა iPhone-მა მისი დიზაინი აიღო iPad Pro-სგან, ოთხკუთხა გვერდებითა და მეტალის ჩარჩოთი ორი სარკით შუაში და დიდი 6.7 ინჩიანი OLED ეკრანით.

რენდერის მიხედვით iPhone 12 Pro Max იქნება 7.4მმ სისქის, შედარებით თხელი ვიდრე 8.1მმ სისქის iPhone 11 Pro Max. მოსალოდნელია რომ კამერა იქნება უფრო ფართო 1.21მმ-დან 1.26მმ-მდე.

დაზუსტებული არ არის რამდენად მართალია ზემოთ ხსენებული, თუმცა ის ფაქტია რომ ისინი ემთხვევა ხმებს, რომლებიც გავიგეთ შემდეგ iPhone-ებზე, შესაძლოა სწორედ ეს იყოს ახალი iPhone.

ეკრანი

მიუხედავად იმისა, რომ Apple გვთავაზობს ორივე სახის უფრო დიდ (ცნობილი როგორც უფრო ძვირი) iPhone-ს და უფრო მცირე (უფრო ხელმისაწვდომი) iPhone-ს 2020 წელს, ყველა მოწყობილობა იქნება OLED ეკრანით აღჭურვილი.

Apple-ს OLED ეკრანების გამოყენება „უფრო მოხერხებული დიზაინის შექმნის“ საშუალებას მისცემს. Apple ტესტავს OLED ეკრანებს ჩინური კომპანიიდან BOE Display, რომელიც ქმნის LCD-ს iPad და MacBook-ებისთვის. Apple იყებენდა Samsung OLED სისტემას ამჟამინდელი OLED iPhone-ებისთვის და იმედოვნებს ასე გაგრძელებას.

ახალი iPhone-ები, რომლები 2020 წელს გამოდიან, აპირებენ აითვისონ Samsung ტექნოლოგია – Y-OCTA, რაც საშუალებას აძლევს სენსორულ ეკრანს შექმნას გამოსახულება OLED პანელზე, რასაც მივყავართ უფრო ხარისხიან გამოსახულებამდე.

მომავალ iPhone-ებს შეუძლიათ ასევე შეითავსონ Apple Watch-ის LTPO ტექნოლოგია. LPTO, ან მეორენაირად დაბალი ტემპერატურის პოლიკრისტალური ოქსიდი (low-temperature polycrystalline oxide), აქვს Oxide TFT სტრუქტურა, რომელიც იყენებს 15 პროცენტით ნაკლებ ენერგიას ვიდრე LTPS, დაბალი ტემპერატურის პოლისილიკონი. ზუსტად არავინ იცის შეითავსებს თუ არა Apple ამ ფუნქციას მომავალი iPhone-სთვის.

განვითარებული ტექნოლოგია

დალიკული „Ice Universe”-ის ინფორმაციით Twitter-ზე, 2020 წლის iPhone-ებს ექნებათ გადამრთველი სიხშირე 60Hz/120Hz. Apple უკვე იყენებს განვითარებულ ტექნოლოგიას iPad Pro-ში, ამიტომ დიდად შორსმჭვრეტელობა არ იქნება თუ ვიფიქრებთ, რომ ამავე ტექნოლოგიას გამოიყენებს ახალ iPhone-ში.

iPad Pro მოდელები იყენებენ LCD ეკრანებს და არა OLED ეკრანებს, როგორც ამას მომავალი iPhone.

A14 Chip

ხმების მიხედვით, TSMC გამოუშვებს 5 ნანომეტრიან ჩიპებს, რომლებსაც Apple გამოიყენებს მისი ახალი iPhone-ებისთვის. 5 ნანომეტრიანი პროცესი გამოიმუშავებს ჩიპებს, რომლებიც უფრო პატარები არიან, ამავდროულად უფრო სწრაფად და უფრო კარგად მუშაობენ.

TSMC ადგას გზას, რათა დაიწყოს 5 ნანომეტრიანი A14 ჩიპების წარმოება, რომლებიც შექმნილი იქნება iPhone-ისთვის.

Bloomberg-ის განცხადებით, A14 ჩიპები აქცენტს გააკეთებენ რათა ააჩქარონ ხელოვნური ინტელექტი და AR ფუნქციები.

ოპერატიული მეხსიერება

Barclays ანალიტიკოსი ბლეინ კურტისი მიიჩნევს, რომ iPhone 12 Pro მოდელებს ექნებათ 6GB ოპერატიული მეხსიერება, როდესაც iPhone 12 ექნება მხოლოდ 4GB ოპერატიული მეხსიერება.

UBS ანალიტიკოსებს ასევე მიაჩნიათ, რომ ოთხივე iPhone-ს ექნებათ განსხვავებული ოპერატიული მეხსიერება. ისინი მოელიან, რომ 6.7 ინჩიან iPhone-ს ექნება 6GB ოპერატიული მეხსიერება, 6.1 ინჩიან iPhone-ს ექნება 6GB ოპერატიული მეხსიერება, მეორე 6.1 ინჩიან iPhone-ს ექნება 4GB ოპერატიული მეხსიერება და 5.4 ინჩიან iPhone-ს – 4GB ოპერატიული მეხსიერება.

ბატარეა

2020 წლის iPhone-ებს შესაძლოა ქონდეთ მცირე შენაძენი ბატარეას ადგილისთვის, ვინაიდან Apple-ს მომწოდებლები მუშაობენ ბატარეას დამცავ მოდულზე, რომელიც 50 პროცენტით უფრო პატარა და თხელია ვიდრე სხვა iPhone-ებში. ეს მნიშვნელოვან ადგილს გაათავისუფლებდა iPhone-ში.

უკანა კამერა

Apple-მ მოახდინა მნიშვნელოვანი ცვლილებები უკანა კამერის განლაგების სისტემაში 2019 წელს სამმაგი ლინზის დამონტაჟებით iPhone 11 Pro და Pro Max-ში, ხოლო 2020 წელმა შეიძლება მოიტანოს კიდევ უფრო გაუმჯობესებული კამერა.

ვარაუდების მიხედვით, ზოგიერთ ახალ iPhone-ს ექნება 3D კამერა, რაც ძალიან გავს LiDAR სკანერს, რომელიც Apple-მ დაამატა 2020 წლის iPad Pro მოდელებს.

LiDAR სენსორი და ორ ლინზიანი კამერა 2020 წლის iPad Pro

LiDAR სკანერი iPad Pro-ში იყენებს არეკლილ სხივს, რათა გაზომოს მანძილი სენსორიდან გარშემო არსებულ ობიექტებამდე, რომლებიც დაახლოებით ხუთი მეტრით არიან დაშორებულები. ეს მუშაობს როგორც დახურულ, ასევე ღია სივრცეში და შეუძლია ასახოს გარემო ჩვენ გარშემო.

როგორც ამბობენ, Apple იყენებს VCSEL ლაზერებს, რომლებიც კომპანია Lumemtum-დან მიიღო, რათა აწარმოოს 3D სიღრმის სენსორი, რომელიც ერთ-ერთ 2020 წლის iPhone-ში აუცილებლად შეგვხვდება. Apple იყენებს VCSEL ლაზერებს 2017 წლიდან წინა კამერისთვის.

ამ დროისთვის, ხმების მიხედვით, ორი დიდი ზომის iPhone გამოიყენებს ახალი კამერის სისტემას, ამიტომ ეს სისტემა შეიძლება მიუწვდომელი იყოს უფრო მცირე ზომის და შედარებით იაფი  iPhone-სთვის.

ვარაუდების მიხედვით, 6.7 ინჩიან iPhone-ს ექნება სურათის მასტაბილიზირებელი ტექნოლოგია. სენსორის ტიპის ტექნოლოგია, საშუალებას აძლევს გამოიყენოს ოპტიკური სურათის სტაბილიზაცია კამერაზე და არა ცალკეულ ობიექტივებზე.

2019 წლის iPhone-ების მსგავსად მოსალოდნელია, რომ 2020 წლის iPhone-ებს ექნებათ განსხვავებული კამერის ტექნოლოგიები. UBS ანალიტიკოსები მიიჩნევენ, რომ 6.7 და 6.1  ინჩიან iPhone-ებს ექნებათ სამ-ლინზიანი კამერები, როდესაც დანარჩენ 5.4 და 6.1 ინჩიან iPhone-ებს ექნებათ ორ-ლინზიანი კამერები.

კამერის TrueDepth სისტემა

Apple ანალიტიკოსი მინგ-ჩი კუო და Bloomberg მიიჩნევს, რომ 2020 წელს ერთ iPhone-ს მაინც ექნება ახალი მცირე ზომის წინა კამერა, რაც გააუმჯობესებს ეკრანს, ეს კი თავისთავად გამოიწვევს უფრო მცირე ჩაღრმავებს წინა მხარეს.

Barclays ანალიტიკოსებს მიაჩნიათ, რომ iPhone 12-ს ექნება „განახლებული“ TrueDepth სისტემა, თუმცა დაზუსტებული არაა თუ რისი გაუმჯობესება შეიძლება.

Credit Suisse-მ განაცხადა, რომ Apple წარმოგვიდგენს ერთ iPhone-ს Face ID-ს გარეშე, ამის ნაცვლად მას ექნება ეკრანზე თითის ანაბეჭდის სენსორი. Bloomberg თვლის, რომ ეს ჭრილი მომავალ iPhone-ებში საერთოდ გაქრება, თუმცა მის გაქრობას მოელიან 2020 წლის iPhone-ებში.

Apple-ს მომმარაგებელმა AMS-მა დააანონსა ახალი სენსორული კამერის ტექნოლოგია, რომელიც საშუალებას აძლევს RBG სინათლესა და IR სიახლოვის სენსორს გამოიყენონ TrueDepth სისტემა OLED ეკრანებში. სავარაუდოდ Apple გეგმავს გამოიყენოს ახალი სენსორული ტექნიკა თავის 2020 წლის iPhone-ებში, ეს კი საშუალებას მისცემს მას შექმნას უფრო მცირე ზომის Face ID ჩაღრმავება.

Touch ID?

ტაივანის საიტი Economic Daily News მიიჩნევს, რომ 2020 წელს გამოშვებულ ერთ-ერთ iPhone-ს მაინც ექნება,  Qualcomm-ის მიერ შექმნილი, ულტრაბგერითი თითის ანაბეჭდის სენსორი.

ჩვენ ადრეც გაგვიგია ულტრაბგერით ანაბეჭდის სენსორზე, თუმცა ამ ხმების უმეტესობა მოიაზრებდა, რომ Apple ამ ტექნოლოგიას შემოგვთავაზებდა 2021 წელს. 2019 წლის მეორე ნახევარში, Qualcomm-მა წარმოადგინა 30X20მმ თითის ანაბეჭდის სენსორი სმარტფონებისთვის, რომლებიც შეიძლება Apple-მ გამოიყენოს.

Barclays ანალიტიკოსებმა ასევე ივარაუდეს, რომ 2020 წლის iPhone მოდელებს შეეძლოთ გამოეყენებინათ აკუსტიკური ანაბეჭდის ტექნოლოგია, ხოლო ჩინურმა საიტმა The Global Times ივარაუდა, რომ Apple გამოუშვებდა iPhone-ს თითის ანაბეჭდის სენსორით ჩინური მარკეტისთვის.

კუო მიიჩნევს, რომ Apple მუშაობს ორივე სახის iPhone-ზე, როგორც Face ID, ასევე თითის ანაბეჭდის სენსორით აღჭურვილზე 2020 წლისთვის.

Bloomberg-ის 2019 წლის მონაცემებზე დაყრდნობით, ახალ iPhone-ს ექნება Face ID და თითის ანაბეჭდის სენსორიც. ეს ტექნოლოგია შეიძლება წარადგინონ 2020 წელს, თუმცა არ იქნეს მზად 2021 წლამდე.

5G კავშირი

2020 წელს Apple გეგმავს გადავიდეს ისევ Qualcomm ჩიპებზე ვიდრე Intel ჩიპებზე და გამოიყენოს Qualcomm-ის 5G ტექნოლოგია თავის ახალ iPhone-ებში. ადრე Qualcomm და Apple ჩართულნი იყვნენ დიდ იურიდიულ დავაში, თუმცა 2019 წელს მოახერხეს უთანხმოებების მოგვარება.

ანალიტიკოს მინგ-ჩი კუოს თქმით, 2020 წელს ყველა iPhone გამოიყენებს 5G ტექნოლოგიას. ოთხივე iPhone აღჭურვილი იქნება Qualcomm X55 5G ჩიპით.

X55 ჩიპი გვთავაზობს 7GB/s ჩამოტვირთვის სიჩქარესა და 3GB/s ატვირთვის სიჩქარეს, თუმცა ეს მხოლოდ თეორიული რიცხვებია, რეალური სიჩქარე დამოკიდებული იქნება გადამტანის ქსელზე. ჩიპი წარმოადგენს Qualcomm-ის პირველ 5GB-იან ჩიპს, რომელიც უზრუნველყოფს ყველა მთავარ სიხშირეს, მუშაობის რეჟიმებსა და ქსელის განვითარებას.

სულ არის ორი სახის 5GB-იანი ქსელი — mmWave (უფრო ჩქარი, მაგრამ შეზღუდული მაშტაბით) და sub-6GHz (უფრო ნელი, მაგრამ უფრო ფართო მაშტაბის) და შეიძლება იყოს განსხვავებები თუ რომელს უჭერენ მხარს ქვეყნები. mmWave 5G ტექნოლოგია სავარაუდოდ შემოიფარგლება ქალაქის არეალით, მისი მცირე მაშტაბის გამო, როდესაც sub-6GHz ტექნოლოგიას გამოიყენებენ სოფლის და გარეუბნის არეალში.

კუო მიიჩნევს, რომ iPhone მოდელები mmWave და sub-6GHz მხარდაჭერით იქნება მხოლოდ მთავარ მარკეტებზე, როგორიცაა შეერთებული შტატები, გაერთიანებული სამეფო, ავსტრალია, კანადა და იაპონია, როდესაც სხვა ქვეყნებში Apple iPhone-ებს შემოგვთავაზებს მხოლოდ sub-6GHz მხარდაჭერით. Sub-6GHz შესაძლოა მიუწვდომელი იყოს იმ ქვეყნებში, რომლებიც არ გვთავაზობენ 5G მხარდაჭერას.

5G ტექნოლოგია ჯერ კიდევ ადრეულ სტადიაზეა, მაგრამ იმ დროისთვის როდესაც Apple გამოუშვებს ახალ iPhone-ებს, შეერთებულ შტატებში უკვე იქნება საფუძველი გაკეთებული დასაკავშირებლად.

Apple შეიძლება გეგმავს გამოიყენოს Qualcomm-ის მოდემები, თუმცა არა მისი RF front-end კომპონენტები დროში შეზღუდულობის გამო, რამაც შეიძლება გავლენა მოახდინოს მაქსიმალურ სიჩქარეზე, თუმცა ჩვენ გვჭირდება ვნახოთ Apple-ის რეალიზაცია, რათა ვიცოდეთ დაზუსტებული ინფორმაცია.

ანტენა

Apple იყენებს Qualcomm-ის X55 5G მოდემის ჩიპს მის 5G iPhone-ებში, თუმცა Apple გეგმავს შექმნას ისეთი ანტენის მოდული, რომელიც იქნება ჩიპთან ერთად. გავრცელებული ინფორმაციით Apple „შეაფერხა“ Qualcomm-ის ანტენის დიზაინმა, რადგან ის „არ ერგებოდა სწორ სამრეწველო დიზაინს, რომლის შექმნაც სურდა Apple-ს“.

ამჟამად Apple მუშაობს საკუთარი ანტენის მოდულის შექმნაზე, თუმცა არის შესაძლებლობა, რომ Qualcomm-იც იქნეს გამოყენებული იმ შემთხვევაში, თუ Apple-ს შიდა სამუშაო ვერ შეძლებს ანტენის შექმნას.

Wi-Fi

ამის გარდა, 2020 წლის iPhone-ებმა შესაძლოა მხარი დაუჭირონ ახალ სტანდარტულ Wi-Fi მოდელს, ცნობილი როგორც IEEE 802.11ay, რაც შეესაბამება სტანდარტულ 802.11ad-ს, რომელიც აოთხმაგებს გამტარობას და უმატებს გაცემა/მიღების ოთხ ნაკადს. Wi-Fi სპეციფიკაცია იყენებს 60GHz სპექტრს და სავარაუდოდ დასრულებული იქნება 2020 წელს.

გამოშვების თარიღი

Bloomberg მიიჩნევს, რომ iPhone-ების ნაწილი გამოვა „რამოდენიმე კვირის დაგვიანებით ვიდრე ჩვეულებრივად“. Apple-ს არ უცნობებია მომწოდებლებისთვის მნიშვნელოვან დაგივიანებებზე და ინჟინრები აპირებენ ჩინეთში გამგზავრებას მაისში, რათა დაასრულოს პროდუქტის დიზაინი.

თებერვალში Apple-მ შეწყვიტა ინჟინრების ჩინეთში გაშვება საინჟინრო ტესტირებებისთვის iPhone 12-ის განვითარებისთვის, რასაც შეეძლო გადაევადებინა ახალი iPhone-ების გამოშვება და ახლა ამ ყველაფერს აგვარებს ვიდეო ზარით. უამრავი ჭორი დადიოდა შეყოვნებებზე.

მარტის ანგარიშში იაპონური საიტმა Nikkei-მ განაცხადა, რომ Apple აპირებს რამოდენიმე თვით გადაავადოს ახალი 2020 წლის iPhone-ების გამოშვების თარიღი. თუმცა Bloomberg მიიჩნევს, რომ თუ iPhone 12-ის მოდელები გამოვა შემოდგომისას, შესაძლოამისი შემდგომი მოდელები შეიძლება დაგვიანდეს.

ანალიტიკოსი ჯეფ პუ თვლის, რომ Apple-ის განრიგი გავრცელდება ნელ-ნელა, რამაც შეიძლება გამოიწვიოს 6.7 ინჩიანი iPhone-ის გამოსვლის შეფერხება. 5.4 და ორივე 6.1 ინჩიანი iPhone-ები შესაძლოა გამოვიდეს სექტემბერში, რასაც მოყვება 6.7 ინჩიანი iPhone ოქტომბერში.

ბევრ ანალიტიკოს მიაჩნია, რომ iPhone 12-ის მოდელები ძალიან ჩქარი mmWave 5G მხარდაჭერით გამოვა უფრო ფართო მაშტაბის sub-6HGz მოდელების შემდეგ, რომელიც ასევე 5G-ს წარმოადგენს, თუმცა ვერ იყენებს მის უპირატესობებს.

ანალიტიკოს მინგ-ჩი კუოს მიაჩნია, რომ mmWave 5G iPhone-ის გამოშვება შეიძლება დაგვიანდეს აპრილში მომხდარი ანტენის ცვლილების გამო და ასევე მოდიფიცირებული სერვისის გათვალისწინებით.

კუო მიიჩნევს, რომ 6.1 და 5.4 ინჩიანი iPhone-ები მასიურ წარმოებაში შევა სექტემბერში, ხოლო 6.7 ინჩიანი iPhone-ების წარმოება გადაიწევს ოქტომბრამდე მისი რთული დიზაინის გამო. თუ წარმოება გადაიწევს ოქტომბრამდე, სავარაუდოდ ზოგიერთი iPhone-ების წარმოებაც გადაიწევს.

რა გველოდება მომავალში

ცნობების მიხედვით, Apple-ის დიზაინერები ცდილობენ მოაშორონ iPhone-ებს ყველა სახის ღილაკი, რათა მიიღონ სუფთად მოწესრიგებული მოწყობილობა. თუ უკაბელო დამტენების ტექნოლოგია გაუმჯობესდება, Apple-ს შეუძლია ამოიღოს კაბელიანი სატენები და ხმების მიხედვით Apple გამოუშვებს ახალ iPhone-ებს Lightning port-ის გარეშე 2021 წელს.

ანალიტიკოს მინგ-ჩი კუოს აზრით, ყველაზე დიდი ზომის iPhone რომელიც 2021 წელს გამოვა, შემოგვთავაზებს სრულიად უკაბელო გამოცდილებას. დატენვა სავარაუდოდ მოხდება უკაბელო სატენების საშუალებით.

კუო ასევე მოელის, რომ Apple შემოგვთავაზებს „iPhone SE 2 Plus” სრულეკრანიანი დიზაინით, Face ID-ის გარეშე და სენსორული თითის ანაბეჭდით ღილაკში. ვარაუდობენ, რომ ამ მოწყობილობას ექნება 5.5 ან 6.1 ინჩიანი LCD ეკრანი და შედარებით იაფ iPhone-ებში გავა.

2020 წლის თებერვალში Qualcomm-მა შემოგვთავაზა Snapdragon X60, მესამე თაობის 5G მოდემი, რომელსაც სავარაუდოდ გამოიყენებენ სმარტფონებში 2021 წლიდან. Apple-ს შეუძლია აითვისოს Snapdragon X60 2021 წლის შემოდგომაზე გამოსაშვები iPhone-ებისთვის.

Barclays ანალიტიკოსებიც მიიჩნევენ, რომ 2021 წლიდან Apple ამოიღებს Lightning connector-ებს ერთ-ერთი iPhone მოდელიდან მაინც.

რაც შეეხება უცნაურობას ამბობენ, რომ Apple აწარმოებს iPhone-ების დასაკეც ეკრანს LG Display-სთან პარტნიორობით, ამან კი სტარტი უნდა აიღოს 2020 წელს. ასევე ამბობენ, რომ Apple მუშაობს უკონტაქტო ჟესტებით კონტროლზე და მრუდხაზიან ეკრანზე, ტექნოლოგიებზე, რომლებსაც გამოუშვებენ სამი წლის განმავლობაში.

LG-ს დასაკეცი ეკრანი