მეორადი ავტომობილები: ყველაზე სანდო საშუალო ზომის ჯიპები

გასულ წელს გაყიდული ავტომობილების თითქმის ნახევარი ჯიპის ტიპის გახლდათ. მათ გააჩნიათ დიდი შიდა სივრცე, შესაბამისი სავარძლები და ხშირად ოთხივე წამყვანი თვლითაა წარმოდგენილი და საშუალო ჯიპების უპირატესობა სწორედ ისაა, რომ ამ სიკეთეებთან ერთად ისინი ბევრად უკეთ მანევრირებადიცაა. მაგრამ, რადგანაც ჯიპები პოპულარულობასთან ერთად ძვირიცაა, ფულის დაზოგვის მიზნით კარგი იდეაა თუ მეორად ავტომობილზე შეაჩერებთ თქვენს არჩევანს.

3 წლის ასაკის მეორადი ჯიპი თითქმის იმდენივე და იმავე მახასიათებლებს მოიცავს, როგორც სრულებით ახალი მოდელი, მაგრამ მისი ფასი შედარებით იაფია. და გამომდინარე იქედან, რომ აღნიშნული მოდელები ბაზარზე საკმაოდ დიდი ხანია რაც ხელმისაწვდომია, მომხმარებელთა კვლევების შედეგად შეგვიძლია ვთქვათ კონკრეტული მოდელი სანდოა თუ არა.

ჩვენმა ორგანიზაციამ კვლევის გამოკითხვის ნაწილის ფარგლებში შეაგროვა მონაცემები 420,000-ზე მეტი ავტომობილის შესახებ და მათგან გამოარჩია ყველაზე სანდო ჯიპის ტიპის ავტომობილები, რომელთაგან რომელიმეს არჩევა თქვენი ნამდვილად სწორი გადაწყვეტილება იქნება.

Hyundai Santa Fe Sport 2017

2017 Hyundai Santa Fe Sport

ფასის დიაპაზონი: 15,225 დოლარიდან – 22,025 დოლარამდე

მფლობელის მიერ მოწოდებული ინფორმაციით საწვავის წვის ოდენობა: 24 მილი გალონზე

Huyndai-ს ხუთადგილიანი საშუალო ზომის ჯიპი სანდოობის პარამეტრით საუკეთესო შეფასებებს იღებს. ის აგრეთვე ტევადი და კომფორტულია, უზრუნველგყოფთ ტარების სასიამოვნო გამოცდილებით, ჩუმი ინტერიერით და მას ასევე გააჩნია ავარიული გამოცდის კარგი შეფასებები. მისი სიმძლავრე განპირობებულია 190 ცხენის ძალის მქონე, 2.4 ლიტრის მოცულობის ოთხცილინდრიანი ძრავით რომელიც კომბინირებულია რბილ და სწრაფად რეაგირებად ექვს სიჩქარიან ავტომატური ტრანსმისიის სისტემასთან. ეს ტრანსმისია მოიხმარს 23 მილს გალონზე. უფრო ძლიერი 2.0 ლიტრიანი ოთხცილინდრიანი ტურბოძრავი ასევე ხელმისაწვდომია. მზა კაბინა აღჭურვილია არამხოლოდ სტანდარტული მახასიათებლებით, არამედ 2017 წელს მას დაემატა ისეთი უსაფრთხოების ზომები, როგორიცაა ავარიული მუხრუჭის სისტემა ქვეითად მოსიარულის ავტომატური ამოცნობისას და ასევე ბრმა წერტილის გაფრთხილება, ასე რომ, როდესაც ავტომობილის ყიდვას გადაწყვეტთ, აუცილებლად გადაამოწმეთ, გააჩნია თუ არა მას აღნიშნული მახასიათებელი.

Toyota Highlander 2017

2017 Toyota Highlander

ფასის დიაპაზონი: 22,275 დოლარიდან – 32,275 დოლარამდე

მფლობელის მიერ მოწოდებული ინფორმაციით საწვავის წვის ოდენობა: 22 მილი გალონზე

Toyota Highlander-ის საუკეთესო მხარეს წარმოადგენს მისი ფუნქციონალური, ოჯახზე ორიენტირებული ბუნება, ეკონომიური წვის მაჩვენებელი, მუდმივად მყარი სანდოობა და სასიამოვნო მართვის გამოცდილება. ჩვენი გაზომვებით 3.5 ლიტრის მოცულობის V6  და რვასიჩქარიანი ავტომმატური ტრანსმისიის მქონე მოდელის წვა შეადგენდა 22 მილს გალონზე. (უფრო ძვირიანი ჰიბრიდული  ვერსია კი 25 მილი/გალონზეა). როცა ავტომობილის შიგნით გადაწყვეტთ ჩაიხედოთ, თქვენ დაგხვდებათ ტევადი მეორე რიგის მქონე სავარძლები და კომპაქტური მესამე რიგის სავარძლები, რომელიც პატარა ბავშვებისათვის ზედგამოჭრილია. კონტროლის ღილაკები არის ძალიან მარტივი და ინტუიტიური და 2017 წლის მოდელი ასევე აღჭურვილია შეჯახების გაფრთხილებისა და ავტომატური ავარიული დამუხრუჭების სისტემით – მაგრამ, როგორც ყველა Toyota და Lexus ატომობილების შემთხვევაში, მათ არ აქვთ არც Android Auto ან Apple CarPlay სისტემა.