როგორ ავარჩიოთ პრინტერი

პრინტერი

ახალი პრინტერის შეძენამდე, გირჩევთ, გადახედოთ ამ რჩევებს

სწორი პრინტერის შერჩევა ერთგვარი გამოწვევაა. არსებობს ბეჭდვის რამდენიმე ტიპის ტექნოლოგია, რომელთა შორისაც მოგიწევთ არჩევანის გაკეთება და თითოეული მათგანი განსხვავებულ საჭიროებებზეა მორგებული. ყველა ზომისა და ფორმის პრინტერს შეხვდებით, პატარა სამოგზაურო ვერსიიდან დაწყებული დიდი და მძლავრი აპარატებით დასრულებული; ზოგიერთი სპეციალიზირებული ფოტოების ბეჭდვაშია, დანარჩენები კი ერთდროულად მრავალი ტიპის ოპერაციას ახორციელებენ. და რეზოლუციისა და სიჩქარის ბევრ სპეციფიკაციას, ასევე შეუძლიათ თქვენი შეცდომაში შეყვანა. როგორც წესი, inkjet პრინტერები, როგორიცაა HP Photosmart 7510 და Canon Pixma MG3220 ყველაზე კარგად დაგეხმარებათ ცოცხალი ფერებისა და დიდხანს გამძლე ფოტოების მიღებაში, მაშინ როდესაც Canon-ის ImageClass MF301 და სხვა მსგავსი პრინტერები საუკეთესოა ტექსტური დოკუმენტების სწრაფად დაბეჭდვის საქმეში. დასაწყისისთვის, თქვენ უნდა გადაწყვიტოთ ჩამოთვლილთაგან რომელი პროფილი შეესაბამება თქვენს მომხმარებლის ტიპს ყველაზე მეტად.

გადაწყვეტილების უკეთ მისაღებად კი გირჩევთ გაეცნოთ ჩვენს სტატიას 5 საუკეთესო პრინტერის შესახებ.

რომელი პროფილი შეგესაბამებათ საუკეთესოდ?

1. საოჯახო მომხმარებელი

სახლში მოხმარების პირობებში თქვენ შესაძლოა ბევრი მოთხოვნებები გაგაჩნდეთ პრინტერთან მიმართებაში. ეს მოწყობილობა უნდა გაუმკლავდეს ყველაფერს, დაწყებული წიგნის შესახებ ანგარიშიდან – დასრულებული ფოტოებით – ყველაფერი კი ისე უნდა შეძლოთ რომ თქვენს თვიურ ბიუჯეტს დიდად არ გადაცდეთ. ამიტომაც, საუკეთესო არჩევანია მრავალმხრივი და ხელმისაწვდომი პრინტერის შეძენა, ისეთის, როგორიცაა მცირე საოფისე / სოჯახო საოფისე ფერადი inkjet.

ამ პრინტერების ფასი 40 დოლარიდან იწყება – ერთი ფუნქციის მქონე inkjet-ის შემთხვევაში და ადის 499 დოლარამდე, რომელიც გამოირჩევა ისეთი მახასიათებლებით, როგორიცაა ინტერაქციული სენსორული პანელები, კავშირი ვებთან, ღრუბლოვანი ბეჭდვა და ბევრი სხვა.

ალტერნატივა: შეიძინეთ პერსონალური ლაზერული პრინტერი (ფასი იწყება 100 დოლარიდან) მარტივი პარამეტრებით სწრაფი, ხარისხიანი შავ-თეთრი ტექსტური დოკუმენტებისა და გრაფიკული ფაილების დასაბეჭდად. ასევე განიხილეთ მეორე პრინტერის ყიდვის ვარიანტიც – ერთი ფუნქციის ფოტო inkjet ან ფოტოპრინტერი სამოყვარულო ციფრული ფოტოგრაფიისთვის.

2. სტუდენტი

სამხრეთის კოლონიების საბაზრო ეკონომიკის ევოლუციაზე წერთ თეზისს? მაშინ დაგჭირდებათ ისეთი პრინტერი, რომელიც სწრაფად, მიყოლებით დაბეჭდავს ტექსტებს და ამ საქმისთვის, სწორედაც შავ-თეთრი პერსონალური ლაზერული პრინტერია საუკეთესო არჩევანი. ის საკმაოდ მკვეთრ, გარკვევით წაკითხვად ტექსტებს იმაზე უფრო სწრაფად დაგიბეჭდავთ, ვიდრე თქვენ „ვიკიპედია არ არის სანდო წყარო“-ს წარმოთქმას მოასწრებთ.

პერსონალური ლაზერული პრინტერების ფასები 100 დოლარიდან იწყება, მაგრამ აღსანიშნავია, რომ ამ ტიპის პრინტერების ტონერი, ძირითადად უფრო მეტ გვერდს ბეჭდავს ყოველ ახლიდან დატენვაზე, ვიდრე მელნის კარტრიჯები, ასე რომ თქვენ ასევე მეტ თანხასაც დაზოგავთ მისი ყიდვის შემთხვევაში.

ალტერნატივა: მულტიფუნქციური inkjet კარგი არჩევანია მათთვის, ვინც აპირებს მის გამოყენებას კოპიერად, ფაქსისა და სკანირების პარამეტრებით, ამას გარდა ის მოქნილობას გმატებთ იმ კუთხით, რომ საჭიროების შემთხვევაში შეგიძლიათ ფერადი მისალოცი ბარათებიც კი დაუბეჭდოთ ოჯახის წევრებს. თუ გადაწყვეტთ და ამ ტიპის მოწყობილობას აირჩევთ, გაიღეთ ცოტათი მეტი თანხა, ვგულისხმობთ, 100 დოლარზე მეტი, ისეთი ღირსეული მოდელისათვის, რომელიც ცოტათი უფრო სწრაფიც იქნება და ასეთ ძვირიან ტონერსა და ფურცლებს ძალიან სწრაფადაც არ გადაგისანსლავთ.

3. ციფრული ფოტოპრინტერი

Inkjet-ის ნებისმიერ პრინტერს შეუძლია ფერადი ფოტოების დაბეჭდვა, მაგრამ თუ თქვენი სურვილია ისეთ შედეგებზე გასვლა, რაც უახლოვდება პროფესიონალურ ხარისხს, მაშინ ისეთი პრინტერი დაგჭირდებათ, რომელიც ტრადიციული ფოტოების ნაცვლად მაღალი გარჩევადობის შედეგებს დადებს. თუ მიიჩნევთ რომ პრინტერი კრიტიკული ასპექტია თქვენს ფოტოგრაფიულ კარიერაში, მაშინ უნდა გადახედოთ ტონერების, მხარდაჭერილი ქაღალდის ტიპის და ფერთა მენეჯმენტის იარაღების დიაპაზონსა და მახასიათებლებს.

თუ თქვენ გეგმავთ მხოლოდ ერთი პრინტერის შეძენას, ან თუ ფოტოგრაფია თქვენთვის სერიოზული ჰობია, მაშინ letter-ზომის ჭავლური პრინტერი თქვენი საუკეთესო არჩევანი იქნება, რამდენადაც მას შეუძლია რუტინული ბეჭდვის დავალებებისათვის თავის გართმევა. ზოგიერთი მათგანი იყენებს თერმულ საღებავის გადაცემის ტექნოლოგიას (რომელიც ასევე ცნობილია როგორც საღებავის სუბლიმაცია). ამ პროცესის განმავლობაში სიცხე უცვლის მელანს ფიზიკურ მდგომარეობას მანამ სანამ ის არ მიეფრქვევა სპეციალური ზედაპირით დაფარულ ქაღალდს და გაცივებისას კი ისევ მყარდება.

მომენტალური ფოტო-პრინტერები პირდაპირ კომპაქტური ციფრული კამერებიდან ახერხებენ ბეჭდვას, მაგრამ მეორეს მხრივ (მაღალი ხარისხის მქონე საშუალო ფორმატის ან 13×19 ინჩიანი desktop მოდელები) შეიძლება 800 დოლარამდეც კი დაგიჯდეთ.

ალტერნატივა: თუ თქვენი სფერო ციფრული ფოტოგრაფიაა, თუმცა ამავდროულად სახლში სხვა საოფისე რაღაცების დაბეჭდვაც გჭირდებათ ხოლმე, განიხილეთ მულტიფუნქციური პრინტერი. ამ all-in-one მოწყობილობის მწარმოებლებს უმუშავიათ დაბეჭდილი ფოტოს ხარისხსა და სკანირების ტექნოლოგიაზე, ბევრი მათგანი სთავაზობს რამდენიმე ტონერიან კარტრიჯებს, რომელიც ფულად რესურსებსაც დაგაზოგინებთ გრძელვადიან პერიოდში, რაც იმას გულისხმობს რომ შეგეძლებათ თითოეული ფერი მაშინ ჩაანაცვლოთ, როდესაც გამოილევა, იმის ნაცვლად რომ მოგიწიოთ ახალი სამფერიანი კარტრიჯის ყიდვა ყოველ ჯერზე, როცა სამიდან ერთ-ერთი ფერი ილევა.

დამატებით, რაც უნდა იცოდეთ: მულტიფუნქციური მოწყობილობების უმრავლესობა დაიკვეხნის მეხსიერების ბარათის სლოტებითა და თხევადკრისტალური დისპლეით რომელზეც შეგიძლიათ წინასწარ თვალი შეავლოთ საბეჭდ გვერდს და ასევე დაარეგულიროთ განათებულობის დონეც, მას ასევე გააჩნია კავშირის სხვა არხებიც, როგორიცაა Ethernet და Wireless, Apple-ის AirPrint და Google-ს Cloud Print ფუნქციონალები მაღალი რიგის მოდელებში.

4. მცირე ბიზნესი

მცირე ბიზნესებიც არანაკლებ სარგებელს ნახავენ მულტიფუნქციური პრინტერის მსგავსი ხელმარჯვე მოდელისაგან. ეს კომპაქტური მოწყობილობები გამოდის როგორც ლაზერული ასევე ჭავლური ბეჭდვის ფუნქციონალით და ასევე მოიცავს ფაქსის, კოპიერის და სკანირების ოპერაციებსაც გარდა ბეჭდვისა.

იმის მიხედვით თუ რომელ დამატებით მახასიათებელს აარჩევთ (მაგალითად, ავტო დოკუმენტის ფიდერი, ავტოგამორმაგებელი და უკაბელო კავშირი), ეს კატეგორია უფრო გაძვირდება, მაგრამ ბევრი ბიუჯეტური მოდელის ფასი იწყება 99 დოლარიდან და აქვს კოპირების, სკანირების და ბეჭდვის მხარდაჭერა.

ალტერნატივა: თუ თქვენ უკვე ფლობთ ცალკე ფაქსის ან სკანერის აპარატს, მაშინ პერსონალური ლაზერული პრინტერი, სწორედ ისაა რაც გჭირდებათ; ბევრი ფერადი ლაზერული პრინტერი უკვე 250 დოლარზე ნაკლები ღირს.

5. კორპორატიული ცხოვრების განუყოფელი ნაწილი

კომბინირებული ლაზერული პრინტერები ცხადი და უცილობელი არჩევანია თქვენი მცირე ბიზნესისათვის ან დიდი ორგანიზაციის თქვენი მცირე გუნდისათვის. შექმნილი იმისთვის რომ მარჯვედ გაუმკლავდეს რამდენიმე ბეჭდვით დავალებას, ეს სისტემები გამოირჩევიან უფრო სწრაფი პროცესორებით, მეტი მეხსიერებით და ბეჭდვის ისეთი მოწყობილობებით, რომლებიც წუთის მანძილზე 35-ზე მეტი ფურცლის ბეჭდვას ახერხებენ.

მაგრამ ეს 300 დოლარზე მეტი ფასის მქონე პრინტერები იმაზე მეტია ვიდრე მძლავრი პერსონალური ლაზერული მოწყობილობები, ისინი მომხმარებელს სთავაზობს ისეთ ფუნქციონალს, როგორიცაა გაზიარებული ქსელური ბეჭდვა, მაღალი ტევადობის ტონერ კარტრიჯები, უფრო დიდი ფურცლის შემავალი და გამომავალი ფურცლის სადებები.

ალტერნატივა: ბიზნეს კლასის ჭავლური პრინტერი იმ შემთხვევაში დააკმაყოფილებს თქვენი გუნდის მოთხოვნებს, თუ მას ძალიან დიდი დატვირთვით არ იყენებთ, და ამ მოდელთა უმრავლესობას აქვს ლოკალურ ქსელში გაზიარებული ბეჭდვისა და უკაბელო კკავშირის მხარდაჭერა. თუ თქვენი სამსახური ძირითადად მოგზაურობას უკავშირდება და გამუდმებით პრინტერების ძიებაში ხართ, უამრავი მწარმოებელი შემოგთავაზებთ სპეციალურ მობილურ პრინტერებს, რომლებიც ნამდვილად გამოსადეგი აქსესუარია გრძელ გზაზე.

კატეგორიები

მყიდველთა უმრავლესობა ძიებას ზოგადი წარმოდგენით იწყებს, უკვე იცის თუ რა ტიპისი პრინტერი სჭირდება. ამის მიზეზი ისაა, რომ ბეჭდვის სხვადასხვა საჭიროებებსა და მომხმარებლის დივერსიფიცირებულ ბიუჯეტს განსხვავებული ბეჭდვის ტექნოლოგიები შეესაბამება. ქვემოთ ჩვენ უფრო მეტს ვისაუბრებთ პრინტერების ზოგად ტიპებზე და მათ დადებით და უარყოფით მხარეებზეც.

ლაზერული

მართალია ეს ტექნოლოგიები ბაზარზე წლებია გამოდის (Hewlett-Packard-მა მისი პირველი LaserJet 1984 წელს გამოიტანა სარეალიზაციოდ), თუმცა ლაზერული პრინტერები ჯერ კიდევ მტკიცე ნაბიჯებით მიიწევენ წინ, რადგანაც მათ კომბინაციაში შედის ბეჭდვის სისწრაფე, მკაფიო ხარისხი და დაბალი დანახარჯი თითოეულ გვერდზე. კოპიერების მსგავსად, ლაზერული პრინტერებიც იყენებენ ფოტოგრაფიულ აპკს რომელიც მიაფრქვევს ელექტრულად დამუხტულ ტონერს და გადაიტანს მას ქაღალდზე, სადაც გამოსახულება ცხელი ლილვის საშუალებით გადადის ფურცელზე.

ბევრი უფრო იაფფასიანი ლაზერული პრინტერი მონოქრომული, ანუ შავ-თეთრია, საუკეთესო საშუალება ტექსტისა და მარტივი გრაფიკული გამოსახულებების დასაბეჭდად, ამასთანავე ისინი ბიუჯეტურია და ფასებიც იწყება 100 დოლარიდან და მიიწევს ზემოთ. ცოტა ხნის წინათ ფერადი ლაზერული პრინტერები საკმაოდ ძვირი იყო ფიზიკური პირებისათვის თუ მცირე ბიზნესისატვის, მაგრამ ახლა უკვე გადააწყდებით რამდენიმე მოდელს 200 დოლარზე ნაკლებ ფასად და ასევე ფერადი ჭავლური პრინტერებისათვის საკმაოდ კონკურენტუნარიანი ალტერნატივებია ფლაერების, ტაბულებისა და ბროშურების დასამზადებლად.

რაც მეტ თანხას გაიღებთ, მით უფრო მრავალფუნქციური იქნება შენაძენი, ჩაშენებული კოპირების მოწყობილობით, სკანერითა და ფაქსის აპარატით. მწარმოებელთა უმრავლესობა ასევე სთავაზობს ქსელის მხარდაჭერას — საკაბელო Ethernet-ს ან უკაბელო კავშირს — პერონალურ მულტიფუნქციურ ლაზერულ პრინტერებზე, რაც მათ საოჯახო გამოყენების დიდ სპექტრს სძენს, განსაკუთრებით მათთვის ვისაც რამდენიმე პერსონალური კომპიუტერი აქვს და იმ მომხმარებლებისთვისაც, რომელთა ბეჭდვის პრიორიტეტებიც არ მოიცავს მაღალი გარჩევადობის მქონე ფოტოებს.

ჭავლური პრინტერები

ჭავლური პრინტერებმა განვითარების დიდი გზა განვლეს გასული 10 წლის მანძილზე. დღეანდელი მრავალმხრივი ჭავლური პრინტერები გთავაზობთ წმინდად გარჩევად ტექსტსა და გაჯერებულ ფოტო ნაბეჭდებს. მწარმოებელთა უდიდესი ნაწილი ბაზარს სთავაზობს როგორც ზოგადი გამოყენების, ასევე ფოტო ჭავლურ პრინტერებს, რომლებიც არ უნდა აგერიოთ snapshot ან ფოტო პრინტერებში, რომელიც შექმნილია მხოლოდ 4×6 ინჩზე ან უფრო მცირე ზომებისათვის.

ჭავლური პრინტერები გამოსახულებას მაღალი სიზუსტით მართული პაწაწინა მელნის წვეთების დინებით გადაიტანენ ერთი ან მეტი კარტრიჯიდან ფურცლის სხვადასხვა ტიპზე. თითოეული მწარმოებელი იყენებს ამ წვეთების ცოტათი განსხვავებულ ტექნიკას და ზომებს, ასევე განსხვავებულია მათი ფურცელზე გადატანის ტექნიკა და პროგრამული ალგორითმი რომელიც ახდენს ფერების შერევას, რაც საბოლოოდ განსაზღვრავს გამოსახულების ხარისხსაც.

მართალია ჭავლური პრინტერები მიიჩნევა როგორც სწრაფი ბეჭდვის მოწყობილობა, თუმცა ეს პროცესი შედარებით ნელია ლაზერული ბეჭდვის ტექტნოლოგიასთან შედარებით და ჭავლური კარტრიჯებიც და მისთვის შესაფერისი სპეციალური ქაღალდიც უფრო ძვირი ღირს – ასე რომ ჭავლური პრინტერები ყველაზე მეტად შეესაბამება საოჯახო ტიპის მომხმარებელს და მცირე ბიზნესებს, რომლებსაც წყვეტილი ან დაბალი მოხმარების მაჩვენებელი აქვთ და ასევე მათ ვინც საჭიროებს მაღალი ხარისხის გრაფიკული გამოსახულებებისა და ფოტოების ბეჭდვას.

ჭავლური პრინტერების ფასი მერყეობს 100 დოლარზე დაბლიდან 800 დოლარამდე დიაპაზონში და ეს ფასი დამოკიდებულია მის ფუნქციონალზე, სურათის ხარისხზე და დოკუმენტების დამუშავების შესაძლებლობებზე.

მულტიფუნქციური/All-in-one

მულტიფუნქციური პრინტერები (MFP-ები) ან all-in-one-ები (AIO-ები) პრინტერთა კლასის „შვეიცარიული სამხედრო დანებია“. ისინი ერთდროულად მოიცავენ კოპიერის, სკანერის, პრინტერის, და ზოგიერთი მოდელი ფაქსის ფუნქციებსაც კი ერთ კორპუსში, რაც მათ საუკეთესო და მოსახერხებელს ხდის საოჯახო ოფისებისა და მცირე ბიზნესებისათვის.

MFP-ები ხელმისაწვდომია როგორც ლაზერული ბეჭდვის ტექნოლოგიით სწრაფი ტექსტური მასალებისა და პერიოდული გრაფიკული გამოსახულებების დასაბეჭდად, ასევე ჭავლური პრინტერების სახითაც, რომელიც მაღალი ხარისხის ფოტოებისთვის საუკეთესოა. გამორჩეული მოდელები მოიცავს საბორტო სკანერებს, PictBridge თავსებად USB პორტებს და მეხსიერების ბარათების შესაერთებლებს სწრაფი წვდომისათვის, ავტოდულბირების სისტემას, რაც დაგაზოგინებთ თანხას ორმხრიანი ბეჭდვის მხარდაჭერით და ფურცლის ავტომიმწოდებლებს ერთდროულად რამდენიმე სკანირების, ფაქსის გაგზავნის და კოპირების ოპერაციებისათვის.

MFP-ის ფასები დაახლოებით 100 დოლარიდან იწყება საბაზისო მონაცემების მქონე ჭავლური პრინტერებისთვის, მაგრამ ფასების დიაპაზონი ასევე დამოკიდებულია ბეჭდვის ტექნოლოგიასა და მახასიათებლების ჩამონათვალზე.

ფოტო/Snapshot პრინტერები

ზოგიერთი ჭავური პრინტერი ოთხ მთავარ: ცისფერ, ვარდისფერ, ყვითელ და შავ (CMYK) საღებავზე მეტ ფერს იყენებს რათა საბოლოოდ შეიქმნას მაღალი ხარისხის ფოტოები, ასე რომ თუ ფოტოების ბეჭდვისათვის ბევრ დროს ხარჯავთ შესაძლოა ცოტა მეტის გადახდა კარგი იდეა იყოს საშუალოზე უკეთესი ჭავლური პრინტერის შესაძენად, ან/და არჩევანი გააკეთოთ მეორე პრინტერის შეძენაზეც, რომელსაც კონკრეტულად ამ მიზნით გამოიყენებთ.

ზოგი სპეციალიზირებული ფოტოპრინტერი იყენებს ზემოთ აღწერილ ჭავლურ ტექნოლოგიას, თუმცა უმრავლესობა საღებავის აქროლვაზე/სუბლიმაციაზეა დაფუძნებული, ეს მეთოდი გადაიტანს ფერად საღებავს განგრძობით ტონში ლენტიდან ფურცელზე რამდენიმე სერიად, რასაც შემდგომ მოჰყვება დამცავი უფერო ფენით დაფერვა.

ფოტოპრინტერის ბეჭდვის ხარისხი შეგვიძლია ტრადიციული მეთოდით დაბეჭდილ ფოტოს შევადაროთ. სხვა დიდი უპირატესობა ისაა, რომ მათ ხშირად შეუძლიათ ბეჭდვა პირდაპირ კომპაქტური ციფრული კამერებიდან (განსაკუთრებული ტიპის USB კავშირის გავლით, რასაც PictBridge-ს უწოდებენ) და ბევრი მოდელი ასევე აღჭურვილია მეხსიერების ბარათის სლოტით და აქვს ისეთი ბარათების მხარდაჭერა, როგორიცაა CompactFlash, SD, ან Sony Memory Stick.

ფოტოპრინტერთა და snapshot პრინტერთა ქვეკლასი ლიმიტირებულია 4×6 ან უფრო ნაკლები რეზოლუციის სურათების ბეჭდვაზე; ისინი ვერ წვდებიან 8.5×11 სტანდარტის ქაღალდზე ბეჭდვას, რის გამოც მათი ფლობა მხოლოდ სხვა პრინტერთან ერთადაა კომფორტული. მათი ფასები, ტიპიურად, იწყება 100 დოლარიდან.

პორტატული

ეს კომპაქტური პრინტერები მოგზაურობისთვისაა შექმნილი. მათი წონა 2-დან 5 ფუნტამდეა და ზუსტად იმოდენაა, რამოდენაც სტანდარტული 8.5 ინჩის სიფართის ქაღალდის ფურცელია. პორტატული პრინტერები იყენებენ ფერად ჭავლური ბეჭდვის ტექნოლოგიას, რაც ზემოთაცაა აღწერილი.

ბეჭდვის სიჩქარე და გამოსახულების ხარისხი არ არის მთლად პრემიუმი და ამასთან თქვენ პრემიუმ ფასის გადახდა გიწევთ ამ სამოგზაურო პარტნიორის ფლობისათვის, მაგრამ თუ ნამდვილად გჭირდებათ იგი ამ დანიშნულებით, მაშინ აუცილებლად შეასრულებს თავის საქმეს. ისინი ძირითადად 100 დოლარი და მეტი ღირს.

სპეციფიკაციების კლასიფიკაცია

პრინტერების შეფასებისას, პირველი რამ რასაც დააკვირდებით სპეციფიკაციების გრძელი ჩამონათვალია გადაჭედილი ისეთი აკრონიმებით, როგორიცაა dpi და ppm. მხოლოდ ეს სპეციფიკაციები კი არაა დამაბნეველი, ისინი ასევე მოიცავს ძალიან მწირ აღწერილობას პერფორმანსის შესახებ ან/და საერთოდაც არ მოიცავს მას და რეალურად, ამ ყველაფერს გამოყენებაში გაიგებთ. დაბნეულობის თავიდან ასაცილებლად ასე უნდა მოიქცეთ:

  • რეზოლუცია

ერთ-ერთი ყველაზე ფართოდ მითითებული სპეციფიკაცია გახლავთ რეზოლუცია, რაც გულისხმობს ერთ ინჩზე წერტილთა მაქსიმალურ ოდენობას (dpi), რაც შეიძლება დაიბეჭდოს, გაზომილს როგორც ჰორიზონტალურად, ისე ვერტიკალურად. მაგალითისთვის, 600x600 dpi ლაზერული პრინტერი დაიტანს 1 კვადრატულ ინჩზე 600 წერტილს როგორც ვერტიკალურად, ისე ჰორიზონტალურად.

ხშირად თქვენ შეხვდებით რეზოლუციას ჰორიზონტალური და ვერტიკალური პარამეტრებისათვის განსხვავებული მნიშვნელობებით. ეს იმიტოაა რომ დამბეჭდავ მოწყობილობას გააჩნია ფიქსირებული რიცხვისა და სიმჭიდროვის როზეტები რომლებიც განსაზღვრავს ჰორიზონტალურ რეზოლუციას, ხოლო ვერტიკალური რეზოლუცია განისაზღვრება ინკრემენტულად, რა ნიშნულზეც ქაღალდის მიმწოდებელი მექანიზმი სანდოდ გადააადგილებს ქაღალდს პრინტერის გავლით.

ქვედა ორი რიცხვი, რომელიც, როგორც წესი, ფიქსირებული, ჰორიზონტალური რეზოლუციაა, ძირითადად განსაზღვრავს პრინტერის ნამდვილ რეზოლუციას. რეზოლუციასთან დაკავშირებული კონცეფციაა ასევე წვეთის ზომა, რომელიც იზომება პიკოლიტრებში. უფრო მცირე ზომის წვეთები – დღესდღეობით 2 პიკოლიტრია და კიდევ უფრო მცირე — ეს კი მბეჭდავ მექანიზმს საშუალებას აძლევს წვეთის განლაგების პროცესი გახადოს უკეთ მართული, განსაკუთრებით, უფრო მაღალ რეზოლუციებში.

მაგრამ, მწარმოებლებმა მარკეტინგული მიზნებისთვის გადაწყვიტეს რეზოლუციის სიდიდის გაბერვა და რეალურად დაწერილი რიცხვები არ არის ზუსტ კორელაციაში გამოსახულების უფრო მაღალ ხარისხთან, თუმცა რეზოლუციას ჯერ კიდევ აქვს რაღაც კავშირი ტექსტისა და ნახაზების ხარისხთან, განსაკუთრებით თუ საქმე გვაქვს ქაღალდის პრემიუმ ტიპებთან.

თქვენ შეგიძლიათ მიიღოთ ნაბეჭდი ტექსტის კარგი ხარისხი 600 dpi-ზე, რაც საშუალოდ ყველაზე დაბალი რეზოლუციაა, რასაც თანამედროვე პრინტერებში შეხვდებით. თუმცა კარგი იქნება თუ 1200 dpi-ზე ნაკლები რეზოლუციის პრინტერს არ შეიძენთ, თუ 6 წერტილი ან უფრო მცირე ტექსტის ან გრაფიკების დაბეჭდვა გსურთ, რომელიც შედგენილია წვრილი ხაზებითა და მრუდებით. ფოტოთა უმრავლესობისათვის კი 600 dpi საკმარისი რეზოლუციაა და ვერც შენიშნავთ რაიმე განსხვავებას 1200 dpi-ს მიღმაც.

დაიმახსოვრეთ რომ ქაღალდი, რომელსაც იყენებთ ასევე საგრძნობლად ცვლის პროდუქტის ხარისხს. მაგალითად, ტიპიური 20 ფუნტიან უბრალო ქაღალდზე, რომელსაც ხალხის უმრავლესობა ყოველდრიურად იყენებს ბეჭდვისას, მელანი დაიქცევა და გაიდღაბნება და საერთოდაც მაღალი რეზოლუციის გამოყენებაში დახარჯული რესურსები წყალში ჩაგეყრებათ. მეორე მხივ კი მაღალი ხარისხის დამუშავებული ქაღალდი კარგად შეინარჩუნებს წვეთების ფორმებსა და ზომებს და საუკეთესოდ ასახავს მას.

ჭავლურ პრინტერებში შესაძლოა შეგიმჩნევიათ რომ Epson-ის სპეციფიკაციები ცოტათი განსხვავებულია სხვა მწარმოებლების სპეციფიკაციებისაგან, მაგალითად რიცხვებით 1440 ნაცვლად 1200-ისა. ეს იმის გამოა რომ Epson-ის მბეჭდავი მექანიზმი ისტორიულად დაფუძნებულია 180 საფრქვევიანი თავაკისგან მაშინ როდესაც სხვა მწარმოებლები მისდევენ ბევრად ტრადიციულ ბეჭდვითი ტექნოლოგიის კონვენციებს და იყენებენ 150 საფრქვევიან თავაკს. ყველაზე მნიშვნელოვანი რამ, რაც უნდა დაიმახსოვროთ არის ის რომ ერთი სისტემა ვერ იქნება არსებითად უკეთესი ვიდრე მეორე, ამ რეზოლუციების განსხვავების გამო.

  • ბეჭდვის სიჩქარე

ეს სპეციფიკაცია ზომავს იმას, წუთის მანძილზე რამდენი გვერდის თუ ფოტოს (ppm) დაბეჭდვა შეუძლია პრინტერს. საკმაოდ უბრალო რამ ჩანს არა? სამწუხაროდ, საქმე ასე მარტივადაც არაა. იმისთვის რომ განავითარონ შესაძლო მაქსიმალური სიჩქარეები, ზოგიერთი მწარმოებელი ტესტავს თავის ახალ მოწყობილობას მარტივი ტექსტური დოკუმენტებით ყველაზე დაბალი ხარისხის გააქტიურებული პარამეტრით (Draft რეჟიმი) ჩვეულებივ ფურცელზე, რომელიც ნამდვილად არაა მსოფლიოში საუკეთესო. ჩვენს გამოცდილებაზე დაყრდნობით, რეალური სიჩქარე მწარმოებლის მიერ დაპირებული სიჩქარის ნახევარი გამოდის ხოლმე.

ბოლო წლებში საერთაშორისო სტანდარტიზაციის ორგანიზაცამ (ISO) ჩამოაყალიბა წყება სტანდარტული დოკუმენტებისა და კრიტერიუმები რომლებიც ბეჭდვის სიჩქარეს გაზომავს და შექმნის რეპორტსაც (აქ იხილავთ წმინდა ტექნიკურ აღწერილობას).

ამ ყველაფერს აქვს როგორც დადებითი, ასევე უარყოფითი მხარეები. დღესდღეობით, ყველა მწარმოებელი აცხადებს რომ ახალი პროდუქტის დატესტვა მიმდინარეობს სფეროში არსებული სტანდარტის მიხედვით, თუმცა არავინ იცის, რეალურად რას მოიცავს ეს სტანდარტი. ასე რომ, ეს ფასადური შემოწმებები რეალურ სურათს არ ასახავს და მყიდველებიც ისევ ისეთ სიბნელეში არიან და ვერ ადგენენ იმას თუ რაა სიმართლე.

  • დაკავშირებადობა

USB (Universal Serial Bus) ნამდვილად უნივერსალურია; დღესდღეობით ყველა პრინტერს აქვს USB 2.0 პორტი. გაზიარებულ პრინტერებსაც ასევე აქვთ ქსელის გავლით ბეჭდვის მხარდაჭერა და ამისათვის იყენებს სტანდარტულ Ethernet კაბელს RJ-45 კონექტორით. უფრო უკეთესი მობილურობისათვის, ბევრი მოდელი ასევე მხარდაჭერილია უკაბელო ბეჭდვის სერვისით, რისთვისაც იყენებს ინფრარედს, Wi-Fi-ს ჩაშენებული ბეჭდვის სერვერებითა და ღრუბლოვან ბეჭდვას.

გამომდინარე იქედან რომ მოწყობილობებიდან გაგზავნილ მონაცემთა მოცულობა დღითიდღე იმატებს, ისეთი კომპანიები, როგორიცაა Google, HP, Lexmark და სხვები გადადიან ბეჭდვის ღრუბლოვანი მეთოდის ტენდენციაზე. ეს კი ამარტივებს ტექსტური დოკუმენტების, ვებ საიტების და სტატიების მარტივად დაბეჭდვას სპეციალური მობილური პრინტერის საჭიროების გარეშე.

Google Cloud Print-ის მსგავსი სერვისები დროებით ინახავს თქვენს მიერ მიბმულ ფაილებს თავის საკუთარ სერვერებზე, შემდგომ კი უგზავნის ამ დოკუმენტს თქვენს პრინტერს დასაბეჭდად და გათავისუფლებთ შეზღუდული მიბმული კავშირისაგან. HP და Kodak-მა ასევე დაამატეს ელფოსტის გავლით ბეჭდვა მათ დამახასიათებელ პორტფოლიოში, რაც მომხმარებელს საშუალებას აძლევს დაბეჭდონ ნებისმიერი დოკუმენტი ან სურათი პირდაპირ Web-იდან მისი მესიჯზე მიბმითა და გაგზავნით უნიკალურ ელფოსტის მისამართზე, რომელიც კონკრეტულადაა მიბმული ყოველ პრინტერზე.

  • პროცესორი და მეხსიერება

მართალია ამ ტერმინებს უკვე ხშირად ვეღარ ისმენთ, აღარ იყენებენ, თუმცა აღსანიშნავია რომ ის განგასხვავებინებთ ჭავლურ და ლაზერულ პრინტერებს ერთმანეთისგან და მოგცემთ იმის საშუალებას, რომ განსაზღვროთ რეალურად პროცესორი და მეხსიერების სპეციფიკაციები ისაა, რასაც ხაზგასმით უნდა მიაქციოთ ყურადღება თუ არა: ჭავლური პრინტერების ტექნიკა დაფუძნებული ხაზებზეა და ლაზერული პრინტერები გვერდის პრინტერებია. ხაზის პრინტერებისათვის კომპიუტერი წარმოქმნის გვერდს თავის მეხსიერებაში და გადასცემს ის პრინტერს პატარ-პატარა პაკეტებად; ეს კი ნიშნავს იმას რომ არ აქვს მნიშვნელობა რამდენად სწრაფი იქნება პრინტერის პროცესორი ან რა მოცულობის მეხსიერება გააჩნია მას.

გვერდის პრინტერებს კი – მეორეს მხრივ, ესაჭიროებათ ერთი მთლიანი გვერდის დაკავება მეხსიერებაში, რაც საშუალებას აძლევს მთლიანი გამოსახულება დროის ერთ მცირე მონაკვეთში გადაიტანოს ფურცელზე. ეს იმასაც ნიშნავს რომ პრინტერის მეტი მეხსიერება მას საშუალებას აძლევს ბუფერში ჰქონდეს მეტი გვერდი. რამდენადაც ვერ შეამჩნევთ სიჩქარის საგრძნობელ სხვაობას ტიპიური – ტექსტური დოკუმენტების ბეჭდვისას, რადგან ამ ტიპის ოპერაციებს არ სჭირდება დიდი ოდენობის მეხსიერება, თუ ხშირად ბეჭდავთ დიდ გამოსახულებებს ან დიდ გრაფიკულ ფაილებს, განსაკუთრებით მაღალი რეზოლუციის პირობებში, პრინტერის უფრო დიდი მეხსიერება უკვე გაგრძნობინებთ დროის ეკონომიას.

 

  • ქაღალდთან მუშაობა

პრინტერის ტიპიური ქაღალდთან სამუშაო სპეციფიკაციები მოიცავს ყველაფერს დაწყებული სხვადასხვა ტიპის ქაღალდის ზომიდან და სისქიდან – დამთავრებული სტანდარტითა და შემტან-გამომტანი სადების მონაცემებით.

ზოგადად, ყველა ჭავლური და პერსონალური ლაზერული პრინტერი ბეჭდავს სტანდარტულ ქაღალდის ფურცელზე (letter და legal ზომებზე), ასევე კონვერტის ზომაზე და აქვთ შეტანის და გამოტანის სადგარები, რომლებიც იტევს სულ მცირე 100 ფურცელს, გამონაკლისს კი წარმოადგენს snapshot და პორტატული მოდელები. უამრავი მოდელი ასევე მოიცავს სრულყოფილ ქაღალდთან მუშაობის მახასიათებლებს, როგორიცაა ტაბლოიდის ზომის ბეჭდვა, დუპლექსირება (ბეჭდვა ორივე მხარეზე) და დოკუმენტის ავტომიმწოდებლები ფაქსისა და კოპიერის ფუნქციებისათვის.

პრინტერები გადაიტანენ ფურცლებს L-ფორმის ან U-ფორმის ტრაექტორიებზე. შენიშნავდით რომ ამ სიმბოლოებს აქვთ ნაკეცები მათ შემოწერილობაში. თუკი გეგმავთ შედარებით მაგარი ფორმატების დაბეჭდვას, მაშინ დაგჭირდებათ პირდაპირი ტრაექტორიის მქონე პრინტერი, რომელიც ძირითადად მუშაობს უკნიდან წინისკენ ტრაექტორიით.

თუმცა უნდა აღვნიშნოთ ისიც, რომ ისინი არაა საკმაოდ მოსახერხებელი და აუცილებლად დაგჭირდებათ გამოიყენოთ დამატებითი ოპერაციები, თუნდაც გასუფთავების მხრივ და თითო ჯერზე მხოლოდ ერთი ფურცლის ბეჭდვის შესაძლებლობა აქვს – მაგრამ ამ შემთხვევაში ფურცელი არ მოიღუნება.

ნაბეჭდის ხარისხის შეფასება

პრინტერის შეძენისას კარდინალური წესი შემდეგში მდგომარეობს: დაბეჭდე, სანამ გადაიხდი. სხვამხრივ ვერცერთი გზით ვერ დარწმუნდებით წინასწარ იმაში, გამოგადგებათ თუ არა იგი და როგორი იქნება მის მიერ დაბეჭდილი ტექსტი თუ გამოსახულება. მაშინ როდესაც ბევრი საცალო მოვაჭრე მაღაზია გაბეჭდინებთ სადემონსტრაციო გვერდებს რომ თქვენივე თვალით შეაფასოთ ნაბეჭდის ხარისხი, სამწუხაროდ აღსანიშნავია, რომ მაღაზია დიდად არ ზრუნავს სადემონსტრაციო პრინტერებისათვის შესაბამისი საექსპლუატაციო პირობების შექმნაზე.

ეს კი იწვევს იმას, რომ ნაბეჭდები შესაძლოა სრულებით არ ასახავდეს ამ აპარატების ნამდვილ შესაძლებლობებსა და ხარისხს. მაგრამ, თუ როგორღაც მოახერხეთ სანიმუშო ნაბეჭდების ნახვა, რასაც ყურადღება უნდა მიაქციოთ, მდგომარეობს შემდეგში. პრინტერებისათვის, რომლებსაც ბარათის სლოტები აქვთ, შესაძლოა დაგჭირდეთ საკუთარი SD ბარათით და საკუთარი ფოტოებით მისვლა, რათა დატესტოთ და თქვენი თვალით იხილოთ, ნამდვილად მუშაობს თუ არა ეს აპარატი ბეჭდვის ამ რეჟიმზე.

ტექსტი

რადგან სადემონსტრაციო გვერდების უმეტესობა მოიცავს ტექსტის რიგებს განსხვავებულ ზომებში, მათ შეუძლიათ კარგად დაგანახონ სხვადასხვა ტიპის ხარვეზები და აგიხსნით კონკრეტულად თუ რატომ. შრიფტის უპატარავესი ზომის შემთხვევაში ცალკეული ასო-სიმბოლოები უნდა იყოს მკაფიო და სრულად ფორმირებული, წყვეტების გარეშე და ისინი, ამავდროულად, არ უნდა იყოს ერთი მეორეში ახლართული.

საშუალო ზომის შრიფტები უნდა იყოს მკაფიო და ბუნდოვანი კიდეების გარეშე გამოყვანილი. და ყველაზე დიდი ზომის შრიფტები, განსაკუთრებით გამუქებულები უნდა იყოს შევსებული მდგრადი, თანაბარი შავი ფერით — არც ტალახისფერი ლურჯი და არც ყავისფერი ტონით.

თუკი სიმბოლოების ზემოთა და ქვემოთა მხარეები ცოტათი ოფსეტურია ან/და ამჩნევთ არასწორედ განლაგებულ წერტილთა მიმდევრობას ერთი რიგიდან მეორესაკენ რაც აფორმირებს უსწორმასწორო კონტურებს, ეს, ტიპიურად, მიუთითებს მბეჭდავი მოწყობილობის არასწორ მონტაჟზე.

თქვენ ასევე უნდა ხედავდეთ კარგად გამოკვეთილ ღიობებს თითოეული სიმბოლოს ფორმაში; თუ ეს ასე არ არის, ეს ზოგადად იმის ნიშანია რომ პრინტერი ზედმეტად ბევრ მელანს ანაწილებს. დაიმახსოვრეთ ის, რომ სუფთა, 20 ფუნტიან ფურცელზე, ჭავლური პრინტერები ზოგადად ქაღალდის ბოჭკოებს გასწვრივ ჟღენთენ მელნით. ასევე დააკვირდით მელნის სპრეის, რომელსაც ასევე ეძახიან სატელიტს, ის ვლინდება შემთხვევითად მიმოშხურებულ მელნის წერტილებად, რომელთა შიგნითაც ცარიელი სივრცე უნდა იყოს.

გრაფიკები

პრინტერის დემონსტრაციისას, როგორც წესი, უნდა იბეჭდებოდეს რამდენიმე გეომეტრიული ფიგურა განსხვავებულ ზომებსა და ფერის ტონალობაში. გარეთა ხაზები უნდა იყოს მკაფიო და რბილი მრუდებით; შიდა ფართობი უნდა იყოს თანაბარი ფერის და ჩანდეს მჭიდროდ და გლუვად დაფერილი.

ასევე დააკვირდით გრადიენტებს, რაც გულისხმობს არეებს, სადაც ფერი მუქიდან ღიასკენ გადადის. არის თუ არა გადასვლა რბილი თუ ხედავთ ფერების ზოლოვნობას, განცალკევებულ ზოლებს რომლებიც გადადის მუქიდან ღიაში? ერთი ფერის დიდი ფართობები უნდა ჩანდეს ერთფეროვანი და თანაბარი და არა ამღვრეული.

ზოგიერთი პრინტერი თვალს გჭრით ზედმეტად სატურირებული ფერებით; სხვები მწირად მოიხმარენ მელანს და გამოსახულებას გამორეცხილ იერს სძენენ. თქვენ კი უნდა ეძიოთ კარგი, ბუნებრივი ბალანსი ამ ორ მდგომარეობას შორის.

მბეჭდავი მოწყობილობის ზოლოვნობა – რაც ფურცლის გასწვრივ ხილვადი ჰორიზონტალური ზოლებია – რასაც, ძირითადად იწვევს დახშობილი საფრქვევი და ცუდად განთავსებული ორმაგი მიმართულების მქონე მბეჭდავი თავაკი, ან არასაკმარისად გაწერილი შემსრულებელი ალგორითმი (არ ხდება გრადიენტების რბილი გადასვლა). გამოტოვებული ტექსტები – უფერული ტექსტი მუქ ფონზე — უნდა იყოს მკვეთრი, კიდეების ირგვლივ გაფანტული მელნის წერტილების გარეშე.

ფოტოები

ფერის სიზუსტე: იმაზე უფრო მეტი ღირს ვიდრე უბრალოდ სასიამოვნო ფერია. ამ შედეგზე გასვლა, ასევე მეტ შრომას მოითხოვს და ყიდვამდეც ალბათ ნაკლებია იმის ალბათობა რომ გაიგოთ, რამდენად აკურატულად მუშაობს მოცემული პრინტერი.

მეორეს მხრივ, სულ მცირე წარმოდგენა მაინც უნდა შეგექმნათ იმაზე, თუ როგორია ფერები, სასიამოვნო და კარგად დაბალანსებული თუ ცოცხალი მაგრამ ზედმეტად კვასკვასა. გასინჯეთ ტონები — ძალიან თბილია (მოწითალო) თუ გრილი (მოლურჯო)? არსებობს თუ არა ზოგადი ფერის ტიპი რაც ფოტოს საერთო შესახედაობას უკარგავს?

დააკვირდით შავთეთრ ფოტოს ფლურესცენციული განათების, კაშკაშა შუქისა და დღის განათების ქვეშ. რამდენად ცუდად გადადის ფერის ცვლილება ერთი განათებიდან მეორეზე? გამოიტანს თუ არარ პრინტერი ნაცრისფერ ფერს შესაბამისი შავი/ნაცრისფერი მელნის გამოყენებით თუ ამას სხვა ფერის მელნის შერევის შედეგად მიიღებს?

თუკი გეგმავთ ბევრი შავთეთრი ფოტოს დაბეჭდვას, მაშინ შესაძლოა გინდოდეთ ისეთი პრინტერი, რომელსაც სპეციალურად განსაზღვრული შავი მელნის ავზი აქვს. და რამდენადაც შენიშნავთ განსხვავებული ფერის ტიპებისა და ბეჭდვის რეზოლუციისთვის არათანმიმდევრულობას, მთავარია არ იყოს დიდი დისონანსის მქონე.

დეტალები: როდესაც ნაბეჭდის ხარისხს დეტალიზების კუთხით ამოწმებთ, დარწმუნდით რომ ორიგინალ გამოსახულებას, რომელსაც იყენებთ, რეალურად აქვს გაჯერებული პიქსელების რაოდენობა. მაგალითად, ბევრ ციფრულ კამერას მსგავსი თავისებურება ახასიათებს, ისეთი ელემენტები, როგორიცაა ბალახი და ფოთლები, შორი დისტანციიდან გადაღებული ხდება რბილი და არამკაფიო, რაც შემოწმებისას შესაძლოა პრინტერის ხარვეზად ჩათვალოთ და უნდა გაითვალისწინოთ რომ ეს ასე არაა.

დააკვირდით უფრო კონკრეტულ ასპექტებს, როგორიცაა წვრილი ხაზები, რომელიც იცით რომ ფოკუსშია. შეგიძლიათ განასხვავოთ გამოსახულებაში ეს თხელი ხაზები? არის თუ არა მელნის წვეთები იმდენად პატარა რომ ის უხილავი ხდება როდესაც ფურცელს ნორმალური დისტანციით დაიჭერთ თუ ბუნდოვნად დიდია?

დინამიური დიაპაზონი და კონტრასტი: კიდევ ერთხელ, იმისთვის რომ სწორად შეაფასოთ პრინტერის ხარისხი, აუცილებელია გქონდეთ ისეთი ორიგინალი გამოსახულება, რომელსაც ნამდვილად აქვს მუქი შავი და ნათელი თეთრი ფერები, ასევე სხვადასხვა არეები ნათელი, საშუალო და ჩრდილოვანი ფერებით.

ხედავთ თუ არა დეტალებს განათებულ და დაჩრდილულ არეებში, თუ ისინი შეკვეცილია და ისე დაბეჭდილი როგორც თანაბარი შავი ან თეთრი? ნაბეჭდი დაბინდულია (დაბალი კონტრასტი) თუ აქვს ბევრი მჭიდრო სიშავე და შემცირებული განათებულობა (მაღალი კონტრასტი)?

ცრუ გამოსახულება: იგივე ბეჭდვის არტეფაქტი — არის ნებისმიერი რამ რაც გამოიყურება არასწორად ან კონტექსტიდან ამოვარდნილად – ნიშნავს იმას რომ პრინტერი ვერ წვდება იმ დავალებას რასაც გადასცემთ, რომელ შემთხვევაშიც მართლაც დროა რომ გადახედოთ სხვა მოდელებს ან შესაძლოა ის სხვა რაიმე ტიპის პრობლემის მიერ იყოს გაუვარგისებული.

ყველაზე ბოლო შემთხვევაში კი, თქვენ უნდა დაძებნოთ ინტერნეტში სხვადასხვა მომხმარებელთა ჩივილის შესახებ, რაც მიუთითებს რომ პრობლემა ქრონიკულია, უფრო მეტად, ვიდრე თქვათ რომ ეს არის მაღაზიის თანამშრომელთა მიერ მისი არასწორი ექსპლუატაციისა და მოვლის პირობების შედეგი.

ერთ-ერთი ასევე გავრცელებული არტეფაქტი არის ზოლოვნობა. ტერმინი, რომელიც ზოგადად სამ ძალიან განსხვავებულ პრობლემას მოიცავს. არსებობს ფერის ზოლოვნობა, რაც გამოწვეულია არასაკმარისი დაფენვის უზრუნველყოფისგან მოცემული ფერისათვის, რასაც უნდა უზრუნველეყო რბილი შედეგი. მბეჭდავი მოწყობილობის ზოლოვნობა ვლინდება როგორც მონაცვლე ჰორიზონტალური ზოლები გამოსახულებაზე, ეს კი ხდება მაშინ, როდესაც ბეჭდვის სიმჭიდროვე განსხვავებულია მარცხნიდან მაჯვნისაკენ მეტად ვიდრე მარჯვნიდან მარცხნისაკენ კონკრეტულად მბეჭდავ მოწყობილობაზე.

საბოლოოდ, არასწორფერებიანი ხაზები გრძელდება ჰორიზონტალურად მთელი გვერდის გასწვრივ და ეს მიუთითებს საფრქვევის დახშობაზე მბეჭდავ მოწყობილობაში. ფერის ზოლოვნობა იმას მიუთითებს რომ პრინტერი უბრალოდ ლიმიტირებულია თავის შესაძლებლობებში; მბეჭდავი მოწყობილობის ზოლოვნობა კი იმაზე მეტყველებს რომ შესაძლოა იმავე პრინტერის სხვა ერთეულში უფრო გაგიმართლათ და მესამე ტიპის ზოლოოვნობა იმას გვეუბნება რომ ერთეულს სავარაუდოდ დროებითი პრობლემა აქვს. ბოლო ორ შემთხვევაში, მიაკითხეთ Google-ს.

ზოგიერთი პრობლემა შესაძლოა დაკავშირებული იყოს სპეციფიური ტიპის ფურცლებთან. როდესაც ბეჭდავთ პრიალა ქაღალდზე, ყველა ფერი ნათლად გამოიყურება თუ შავი მიდრეკილია დუნე და მქრქალი ფერისაკენ? ვერცხლისფერი დაკრავს? ზედმეტად ბევრი მელანი ხომ არ გადმოდის ცარიელ ფურცელზე რაც ფოტოებს ამღვრეულ შეხედულებას სძენს?

რა შეიძლება ღირდეს ის რეალურად?

პერსონალური პრინტერების ფასები საკმაოდ მაცდურია, განსაკუთრებით შუა 100 დოლარიანი მოდელებისა. მაგრამ, გაითვალისწინეთ რომ შესყიდვის ფასი ჯერ მხოლოდ დასაწყისია; პრინტერის მოვლისა და მისი „გამოკვების“ თანხებმა კი შესაძლოა სწრაფად გადააჭარბოს თავდაპირველად გადახდილ ფასს. სანამ თქვენს საკრედიტო ბარათს მოამზადებდეთ, დარწმუნდით რომ ამ ხარჯებს შემდგომ დამუხტვაზე, კარტრიჯებზე დასახარჯ თანხას აუცილებლად შეადარებთ.

  • მელანი და ტონერი— ჭავლური პრინტერები ყველაზე ხელმისაწვდომი პრინტერებია ბაზარზე, ბევრი მოდელის ფასი 100 დოლარზე ნაკლებიდან იწყება. შემაფერხებელი ფაქტორი კი ისაა რომ სათადარიგო მელანი და სპეციალური ფურცლების შეძენა მალევე თითქმის გაუტოლდება ფლობის დანახარჯს.

მელნის ღირებულება, ტიპიურად 12-დან 30 დოლარამდეა თითო კარტრიჯზე და შეიძლება გაგწვდეთ 100-დან 800 ფურცლამდე მაღალი გამტარუნარიანი მოდელის შემთხვევაში. უფრო ძვირიანი პრინტერები, თუმცა, ბევრად ეკონომიურია მუშაობისას, მაგრამ მათ აქვთ უფრო დიდი მოცულობის მელნის ავზები და ცალკე მელნის ავზი თითოეული ფერისათვის, რაც თქვენ საშუალებას მოგცემთ თითოეული ფერი იმის მიხედვით შეავსოთ, როცა გამოილევა და არა ყველა ერთად.

ლაზერის ტონერ კარტრიჯების ფასები, გამტარუნარიანობა და ბეჭდვის შესაძლებლობები ფართოდ მერყევია. ტონერ კარტრიჯების ფასები ზოგადად იწყება 10 დოლარიდან პერსონალური ლაზერული პრინტერის შემთხვევაში და ადის 300 დოლარამდე მაღალი დატვირთვის კარტრიჯების შემთხვევაში, რომელსაც იყენებენ ქსელით დაკავშირებული საერთო მოხმარების ლაზერული პრინტერები. ტონერების ფასი მართალია მაღალი ჩანს მაგრამ, პროპორციულია მისგან მიღებული შედეგებიც.

კარტრიჯი, ტიპიურად ბეჭდავს 2500-დან 10000 გვერდამდე, მართალია ზოგიერთი მწარმოებელი აცხადებს რომ 30000-საც ბეჭდავს, ასე რომ დანახარჯი თითოეულ გვერდზე რაღაც ცენტებია (5 პროცენტ დაფარვაზე) და არც ბევრად მეტი (15 პროენტიანი დაფარვისთვის). ყურადღება მიაქციეთ ვადის გასვლის თარიღსაც; ზოგიერთი კარტრიჯი, კონკრეტულად HP-ის დათქმულ დროს შეწყვეტს მუშაობას, მიუხედავად იმისა თუ რამდენი მელანია მასში დარჩენილი.

  • ფურცელი— თუ რაიმე გვისწავლია CNET-ის ლაბორატორიებისაგან პრინტერების ვრცელი ტესტირების მანძილზე, ერთი რამ ცხადია რომ უკეთესი ხარისხის ფურცლისგან ვიღებთ უკეთეს ნაბეჭდებს. საუკეთესო შედეგებისათვის, ნამდვილად უნდა შეიძინოთ სპეციალური ფურცელი, რომელიც თქვენი პრინტერის მოდელისთვისაა რეკომენდირებული მწარმოებლის მიერ.

ეს ნაწილობრივ სიმართლეა ჭავლური პრინტერების, ფოტო პრინტერებისა და მულტიფუნქციური მოწყობილობების შემთხვევაშიც. სპეციალური ქაღალდი შეიძლება ღიღდეს 10 ცენტიდან 2 დოლარამდე თითოეული letter-ზომის ფურცლისათვის, მაგრამ ეს ნამდვილად წარმოადგენს აუცილებლობას თუკი გსურთ დაბეჭდოთ მკაფიო ვიზუალის ტექსტი ან მაღალი რეზოლუციის ფოტოები.

საბოლოოდ კი, ეცადეთ შეიძინოთ შედარებით უკეთესი ხარისხის 24 ფუნტიანი ფურცელი სულ მცირე 95 შეფასების მქონე სიკაშკაშის პარამეტრით. რაც უფრო მძიმეა ფურცელი, მით უფრო გლუვია მისი ბოჭკოები და უფრო ნათელი ფურცლები მაღალი კონტრასტის მქონე ფოტოებსა და უფრო მკაფიოდ აღქმად ტექსტებს გვაძლევს შედეგად.

  • დამატებითი გადასახადები— ყველაზე დიდი მოულოდნელობა ბევრი პრინტერის შემთხვევაში არის USB კაბელი. ბევრი მწარმოებელი არც კი აყოლებს მას კომპლექტაციაში, რადგანაც საცალოდ მოვაჭრეებს აწყობთ მოგყიდონ იგი ცალკე და ამაში დამატებით 10-დან 30 დოლარამდე გადაგახდევინონ.

სანამ მაღაზიას დატოვებთ, გადახედეთ ყუთზე მოცეულ აღწერილობას რომ დარწმუნდეთ იმაში, ნამდვილად გჭირდებათ თუ არა ამ კაბელის ცალკე ყიდვა. ზოგი ბიზნეს ჭავლური პრინტერისა და ლაზერული პრინტერისთვის, ქსელური კავშირი უბრალოდ დამატებითი პარამეტრია, როგორც წესი.

თუკი ყიდულობთ საერთო მოხმარების პრინტერს ან სრულყოფილ მულტიფუნქციურ პრინტერს, ასევე უნდა განიხილოთ ქაღალდის მართვის მახასიათებლები რომლებიც ე.წ. add-on-ებადაა წარმოდგენილი; როგორიცაა შემავალი ფურცლის სადგარის დიდი მასშტაბები; გამომავალი ფურცლის შემგროვებელი, დამასტეპლერებელი და სხვა დამაგვირგვინებელი ოფციები; ავტო დოკუმენტ წამღებები კოპირებისა და ფაქსის ფუნქციებისათვის არაერთგვერდიანი დოკუმენტებისათვის.

ხშირად დასმული კითხვები

კითხვა: მაინც რისთვისაა ყველა ეს ფერი საჭირო?

პასუხი: როგორც ყველაზე მცირე, პრინტერი მოიხმარს სამ ძირითად მელნის ფერს – ცისფერი, ყვითელი და იისფერი (CMY) – იმისთვის რომ შეიქმნას საკმარისი ოდენობის ფერები და მივიღოთ ფოტოს ხარისხის ნაბეჭდი. ის ამას შემდეგი პროცესის გამოყენებით აკეთებს, რასაც შერევა (dithering) ეწოდება, რომლის დროსაც ის პირველადი ფერების წვეთებს დააჯგუფებს იმ გზით რომ თვალს შეუქმნას რამდენიმე ფერის ხედვის ილუზია.

პრინტერების მწარმოებლები თითქმის ყოველთვის ამატებენ შავს (K) ამ ნარევს, ძირითადად იმიტომ რომ შეუძლებელია მუქი შავი ტექსტის მიღება ფერადი მელნებიდან, პლუს ამას ის იყენებს მას საკმაოდ დიდი ოდენობით მაშინ, როდესაც დოკუმენტებს ბეჭდავთ.

იმ ფერთა რაოდენობა რისი გამოშვებაც შეუძლია პრინტერს იწოდება მის გამად და ნაწილობრივ განსაზღვრულია იმ ფერთა რაოდენობით, რასაც იგი პირველადად იყენებს. მაშნ როდესაც თქვენ იაფად შეძლებთ ნორმალური ხარისხის ფოტოების მიღებას სამფერიანი (CMY) მოდელისაგან, შავი ფერის დამატება (ოთხფერიანი, CMYK) გეხმარებათ უფრო მაღალი კონტრასტის გამოსახულების წარმოქმნაში ფერთა იმავე გამისათვის.

ჭავლური ფოტო პრინტერი გაჩნდა მაშინ, როდესაც მწარმოებლებმა დაიწყეს დამატებითი მელნის გამოყენება, თავდაპირველად ღია ცისფრითა და ღია იასამნისფრით (ექვსფერიანი პრინტერებისთვის), ღია და ნათელი ფერების უკეთესად გამოხავისთვის. შემდეგ კი მწარმოებლებმა მიმართეს განსხვავებულ სტრატეგიებს, როგორიცაა შავი ფერის მეტი ვარიაციის შემოტანა (განსაკუთრებით საშუალო შავისა და ღია შავის) უფრო მეტად ნეიტრალური შავთეთრი ფოტოების მიღებისათვის და ასევე ახალი პირველადი ფერების დამატებით, როგორიცაა: წითელი, ლურჯი, სტაფილოსფერი და მწვანე, გაუმჯობესებული ბუნებრივი ფერების მისაღებად და მათ კიდევ უფრო გამოსაკვეთად.

თუმცა, თქვენ უხეშად შეგიძლიათ თქვათ რომ მეტი პირველადი ნიშნავს უფრო ფართო გამას და ეს ნამდვილად საშიშ გამარტივების მცდელობად ჩაგეთვლებათ: ძალიან კარგი ექვსფერიანი პრინტერი შეიძლება უკეთეს სურათს ბეჭდავდეს ვიდრე ცუდი რვაფერიანი მოდელი, მხოლოდ იმის გამო რომ პირველს უკეთესი დრაივერი გააჩნია წერტილთა ოპტიმალური განლაგების გადაწყვეტილების მისაღებად, ან იმის გამო რომ მას შეუძლია უფრო პატარა წერტილების უზრუნველყოფა მეტი გრანულარული მიქსისათვის. მაგრამ ექვსფერიანი მოდელი ძირითადად უკეთ იმუშავებს ვიდრე ოთხფერიანი, ყველა შემთხვევაში.

კითხვა: რას იტყოდით მესამე პირის მელნებსა და შემავსებელ კომპლექტებზე?

პასუხი: იმისთვის რომ თანხა დაზოგოთ, შესაძლოა განიხილოთ კომპაქტური მელნის შემავსებელი კომპლექტების ან კარტრიჯების შეძენა ცალკე მყოფი კონკრეტული კომპანიისაგან. თუ ასე გადაწყვეტთ, ყოველი შემთხვევისთვის, მაინც წინასწარ გამოიკვლიეთ მის შესახებ, რათა რისკები აირიდოთ თავიდან და საუკეთესო შემთხვევაში არ იყიდოთ ისეთი კარტრიჯები რომელიც არ იმუშავებს ან უცუდეს შემთხვევაში – რომლებიც გაანადგურებენ თქვენს პრინტერს.

მეტწილად თქვენ შედეგად მიიღებთ უფრო დაბალი ხარისხის ნაბეჭდს, თუმცა ბევრისთვის ამას არც აქვს არსებითი მნიშვნელობა და მსგავსი ფინანსური თრეიდოფი ნამდვილად ღირებულია მათთვის. რატომ არ უნდა იმუშაოს კარტრიჯებმა? ზოგიერთ პროდუქტის ხაზისათვის, პრინტერის მწარმოებლები კონფიგურაციაში წერენ იმას, რომ პრინტერები მხოლოდ მიიღებენ მათ საკუთარ კარტრიჯებს.

როგორ შეუძლიათ მათ პრინტერის განადგურება? საფრქვევები წარმოადგენს მცირე ნასვრეტებს და მწარმოებლის მელანიც სპეციალურად ფორმულირებულია იმისთვის რომ შეძლოს ამ ნასვრეტებში ისე გასვლა რომ არ გამოიწვიოს დაცობა; ცუდად ფორმულირებული მელანი კი მოახერხებს პერმანენტულად დაბლოკოს საბეჭდი მოწყობილობა. ან შეიძლება იმუშაოს, მაგრამ გამოიწვიოს მეტი წმენდის ციკლის საჭროება, რაც პოტენციურად ამ მესამე პირის სუბსტიტუტის ყიდვას არაგამართლებულ ეკონომიად გადაგიქცევთ.

გაითვალისწინეთ რომ არსებობს მეორე ტიპის მესამე პირის მელანი რომელიც მაღალი ხარისხის ფოტო პრინტერებისთვისაას შექმნილი. ეს ვარიანტი არაა შექმნილი ფულის დასაზოგად, თუმცა გთავაზობთ იმ მახასიათებლებს, რომლებსაც სტანდარტული წყებების შეძენის შემთხვევაში მწარმოებლებისგანაც კი ვერ მიიღებდით, მათ შორის ნაცრისფერის უფრო დიდ დიაპაზონს, განსხვავებულ ფერთა გამებს ან უბრალოდ მაღალი ხარისხის გრძელვადიანი მომსახურების გარანტიას.