დისტანციური მუშაობა – მომავლის სამუშაო

Smart working during coronavirus epidemic
GETTY

COVID-19 პანდემია მართალია სამწუხაროდ ბევრი ოჯახისათვის ტრაგედიად და სატკივარად იქცა, თუმცა არსებობს ადამიანთა ისეთ კატეგორია, რომლისთვისაც იგი ემოციურ და ფინანსურ ტვირთადაც იქცა. მართალია მსოფლიოს ყველა ქვეყანა პიკთან ახლოსაა ან გამოცდიან ამ მდგომარეობას, თუმცა გონივრული პოლიტიკის გატარება ამცირებს ფატალურ შემთხვევათა რიცხვს და ამავდროულად მკურნალობის მეთოდებისა და ვაქცინის შექმნის სამუშაოები განუწყვეტლივ მიმდინარეობს.

ამ პროცესების პარალელლურად, მსოფლიოს ყურადღება იმისკენაა მიმართული რომ რაც შეიძლება უმტკივნეულოდ და მაღალი პასუხისმგებლობით მოეკიდონ ბიზნესებისა და საზოგადოების კვლავ ნორმალურ ცხოვრების რიტმში დაბრუნების პროცესს. იმ მოცემულობის გათვალისწინებით, რომ ბევრი რამ, ჩვენს ირგვლივ, კიდევ დიდხანს არ დაუბრუნდება მის პირვანდელ ფორმას, თუ ეს ოდესმე მოხდა – ჩავთვალეთ ღირებულად გამომეკითხა ტექნოლოგიების სფეროში მოღვაწე რამდენიმე წარმატებული ქალი და გაგვეგო მათი ხედვა მომავალზე და ასევე იმაზე, თუ რა როლს ითამაშებს ტექნოლოგიები ამ დიდი ცვლილებების ერაში.

საინტერესოა ისიც რომ, ყველა ხედვამ ერთი, დომინანტური თემის ირგვლივ მოიყარა თავი. მართალია ზოგიერთმა ჩვენმა რესპოდენტმა ყურადღება გაამახვილა ისეთ უკონტაქტო ტექნოლოგიურ მიღწევებზე, როგორიცაა კამერები და სენსორები, თუმცა ზოგიერთმა მათგანმა ხაზი ტექნოლოგიური ინდუსტრიის გაბატონებული პროგნოზებს, რომლებიც დისტანციურ მუშაობას დიდი მომავალს უწინასწარმეტყველებენ.

დისტანციური მუშაობა ახალ ტრადიციად ყალიბდება

სახლიდან მუშაობის ტენდენცია, ბოლო წლების მანძილზე, დიდი რყევებით გამოირჩეოდა, დროდადრო ხდებოდა აქტუალური, ზოგჯერ კი, სრულებით მინელდებოდა. მაგრამ, მსოფლიო კარანტინის პირობებში, იმ ადამიანთა რიცხვი, რომლებიც სამსახურებრივი მოვალეობების შესრულების მიზნით დისტანციური კავშირის არხების გამოყენებას მიმართავდა, ერთბაშად ექსპონენციალურად გაიზარდა. TIBCO-ს ინფორმაციული დირექტორის შარონ მანდელის თქმით, მისი კომპანიის დისტანციურად მომუშავე თანამშრომელთა რიცხვი 20%-დან ერთ ღამეში 85%-მდე გაიზარდა“.

ამ გადანაცვლების უკუშექცევის არანაირი ნიშანი, გრძელვადიან პერიოდში, ჯერჯერობით არ ჩანს. ფაქტობრივად, Gartner -ის ახალმა კვლევის ფარგლებში დადგინდა რომ ინფორმაციულ მენეჯერთა 74% უკვე აცხადებს რომ მათი მიზანია ეს სიტუაციიდან გამომდინარე გადასვლა გახადოს მუდმივი, ზოგიერთი თანამშრომლისათვის.

ეს კი მეტწილად იმითაა გამოწვეული, რომ პროდუქტიულობაც გაიზარდა და თანამშრომელთა შენარჩუნების ხარისხიც უფრო მაღალია, ასევე შემცირდა გარემოზე გავლენები და უპირატესობები ამ მხრივ მართლაც ნათელია. საერთო ჯამში, ამ დაუგეგმავმა გაკვეთილმა კარგი ბიძგი მისცა კომპანიებს ტექნოლოგიების გამოყენების, ახალი პოლიტიკის განვითარების, საუკეთესო გამოცდილებებიდან სწავლისა და ტაბუებისა და სტერეოტიპების დამსხვრევის საკითხებში, რაც გრძელვადიანი ცვლილებების მყარი საფუძველი ხდება.

ჰეიდენ ბრაუნი, Upwork-ის აღმასრულებელი დირექტორი და პრეზიდენტი, აცხადებს რომ აღნიშნული გადასვლა პანდემიამდეც მიმდინარეობდა, ახლა კი უფრო ხილული გახდა იმ ბიზნესების სახელები, რომლებიც ამ გზას მიმართავენ დარგის პროფესიონალების ძიებასა და დაქირავებაში, თანაც მათ მიერ შეთავაზებული ხარისხი, გამოცდილება და უნარებიც უკვე მრავალმხრივად შემოწმებადია. მას სჯერა რომ „COVID-19-მა უბრალოდ დააჩქარა აღნიშნული პროცესი და ადამიანის საცხოვრებელი ადგილი, როგორც ფიზიკური შეზღუდვა, მომავალში კადრების დაქირავების შემაფერხებელი ფაქტორი ვეღარ იქნება.“

დისტანციური გუნდების სარგებლიანობის სრულად გასააზრებლად Feed.fm-ის დამფუძნებელი ლორენ პაფპეფი აცხადებს, რომ დამსაქმებლებმა უნდა დათმონ ძველებური მენტალიტეტი, რაც თანამშრომლების ოფისში ყოფნას გულისხმობდა. სხვა მხრივ, უთანხმოებები და წინააღმდეგობები უკან დახევს კომპანიას ოპტიმალური პროდუქტიულობის მიღწევის მიზნისგან.

ამ ტენდენციას ზურგს ტექნოლოგიები უმაგრებს

ტექნოლოგიებია, სწორედაც ის საშუალება რაც გვიმსუბუქებს ამ მოულოდნელ და რთულ გამოწვევას და დამქირავებლებსაც იმის განცდას ანიჭებს რომ დისტანციურად მომუშავე მათი თანამშრომლები მართლაც ლეგიონივით ორგანიზებულობას ავლენენ. ისეთი კოლაბორაციული საშუალებები, როგორიცაა Slack, Zoom და Google Suites პანდემიამდეც სარგებლობდნენ დიდი პოპულარობით, რადგან ისინი კარგი საშუალებები გახლდათ ვირტუალური კავშირების ფასილიტაციისათვის. ახლა კი – ისინი დისტანციური სამუშაო ძალის ყოველდღიურ იარაღადაა ქცეული.

შენონ სბარი, ჩრდილოეთ ამერიკაში არსებული საწარმო „შნაიდერ ელექტრიკის“ IT არხების ვიცე პრეზიდენტმა გვითხრა, რომ მის კომპანიაში ვიდეო კონფერენციების მნიშვნელობის ზრდის პარალელურად, პანდემიამ მისი ღირებულება თანამშრომელთა სკეპტიკოს ნაწილს დაანახა თვალნათლივ. სამომავლოდ კი, ის ამ პლატფორმების განვითარების პერსპექტივას ხედავს და სჯერა რომ ისინი უფრო დაცული და მარტივად მოსახმარი გახდება, რადგან ფაქტობრივად ისინი ტრადიციული იარაღების ნიშას იკავებენ.

სამუშაო ადგილის იარაღების გარდა, პანდემიის პირობებში აქტუალური ხდება დამხმარე ტექნოლოგიების მნიშვნელობაც. რანი ჯონსონი, Solar Winds-ის ინფორმაციული დირექტორი აცხადებს, რომ ახლო მომავალში ჩვენ უნდა მოველოდეთ „ზრდას ჰიბრიდულ IT რეალობებში გადასვლაში“ რაც განპირობებული იქნება დისტანციური სამუშაო ტენდენციების მიერ.

მას სჯერა რომ უფრო მეტი კომპანია გადაინაცვლებს ღრუბლოვანი საშუალებების მხარეს და ციფრული რევოლუცია, რის ნიშნებსაც უკვე ვხედავთ, უკვე რეალურ დროში დაკვირვებადი გახდება, რაც იმასაც ნიშნავს რომ მასთან ადაპტირების ვერგავლა უფრო ძვირი დაუჯდებათ კომპანიებს, ვიდრე მის დანერგვაში გაწეული ხარჯების ჯამი.

IT სერვისებისა და მონაცემთა ბაზების მენეჯმენტის დარგში ხელოვნური ინტელექტისა და მანქანური სწავლების შესაძლებლობების ზრდის პარალელურად ჩვენ ასევე ვიხილავთ დისტანციური მონიტორინგის პლატფორმებისა და საპროგნოზო მოვლის იარაღების რაოდენობის ზრდასაც. შნაიდერ ელექტრიკის ხელმძღვანელი აცხადებს რომ ამ სერვისების ადრეული ათვისება უკვე დაწყებული პროცესია, მაგრამ რაც უფრო წინ წავა ოპერაციები ამ კუთხით, მენეჯერებს უფრო მეტი შესაძლებლობა ექნებათ მონიტორინგისა და საჭიროების შემთხვევაში დაუყოვნებელი ჩარევის განხორციელებისათვის და ამისთვის, კონკრეტულ ადგილას ყოფნა სრულებითაც არ მოუწევთ.

ბოლო 451 კვლევის შედეგად გამოვლინდა ინვესტიციების საჭიროება ქსელებსა და აპლიკაციის მონიტორინგის განვითარების კუთხით, ასევე ცნობილი გახდა ისიც, რომ ტექნოლოგიურ ლიდერთა 41% ამჩნევს გაზრდილი ტრაფიკს და დიდ მოთხოვნას მათ IT რესურსებზე. რისკს წარმოადგენს ასევე IT უსაფრთხოებაც, როგორც ამას Gartner კვლევიდან ვიგებთ. 

ქალმა ტექნოლოგიის ექსპერტებმა სწორედ ამ თემატიკაზე ჩაატარეს გამოკითხვები, რომელთა შედეგადაც გამოვლინდა, რომ დისტანციური მუშაობა მართლაც წარმოქმნის ახალ საფრთხეებს და კიბერუსაფრთხოებაც შესაბამისად, სწრაფი ტემპით უნდა განვითარდეს, რათა მათთან თანხვედრაში მოვიდეს და შესაბამისი დაცვა გაწიოს. მათ სჯერათ რომ შედეგად, ჩვენ მალე ვიხილავთ ახალ კიბერუსაფრთხოების პროდუქტებს, გათვლილს ინდივიდებზე, ბიზნესებზე და ქსელებზე.

ბიზნესი და ტალანტების პოზიციის ცვლილებები

რამდენადაც დისტანციური მუშაობის ფორმა ბაზარზე მყარად იკიდებს ფეხს, როგორც დღეს ისე სამომავლოდ, ის მოითხოვს ცვლილებებს და არა მხოლოდ ახალ ტექნოლოგიებს. TIBCO-ს ხელმძღვანელი მანდელი დარწმუნებულია იმაში, რომ მოთხოვნილი დისტანციური მუშაობის სიტუაციები გამოავლენს თანამშრომლებსა და კომპანიებს შორის ნდობისა და Goodwill-ის საჭიროებებს. პანდემიურმა სიტუაციამ ყველას ნათლად დაანახა ისიც, რომ ურთიერთობებია სწორედ საქმიანობისა და მისი პროდუქტიულობის გასაღები და არა საუკუნოვანი დამოკიდებულება ცენტრალურ, საერთო ფიზიკურ სივრცეებზე.

მსგავსად, ელიზაბეთ საიბორმა, Harman-ის გლობალური მარკეტინგის დირექტორმა განაცხადა რომ არსებულმა სიტუაციამ ნამსხვრევებად აქცია ის მითი, რომ თითქოსდა, სახლიდან მუშაობა ოფისში მუშაობაზე ბევრად უფრო მარტივია. ახლა უკვე ყველამ გამოსცადა მისი გამოწვევები და ის იმედოვნებს, რომ სამსახურისა და ოჯახის ბალანსის მნიშვნელობა ჩვენ ყველამ ერთად, კოლექტიურად უნდა განვსაზღვროთ.

ის მოელის რომ ჩვენი საერთო გამოცდილება დიდ წვლილს შეიტანს გაზიარებული მუშაობის როგორც შეზღუდვების, ისე სარგებლის გაგებაში, მომავალში. „მე იმედი მაქვს ჩვენ დავინახავთ მოქნილი გრაფიკის დიდ მიმღებლობას, რათა მოხდეს სამსახურისა და ოჯახის გამიჯვნა და ბავშვები და ოჯახი არ დარჩეს უხილავი ამ პროცესების დანერგვაში“.

ამ კულტურულ გადასვლათა მიღმა, სხვები მიუთითებენ ნიჭიერი ადამიანების საჭიროებებზე ფოკუსირებაზე. Upwork-ის ხელმძღვანელი ბრაუნი, ვარაუდობს რომ კომპანიების მიერ ამ ტექნოლოგიების ადაპტაციით გაიზრდება მდგრადი მოთხონა ტექნიკური უნარებით დაჯილდოებულ ინდივიდებზე და იმ გუნდებზე, რომლებსაც საუკეთესოდ ძალუძთ კლასიკური ბიზნესების ამ ფორმაზე გადაწყობა და შემდგომი მომსახურება. ეს გაითვალისწინა TIBCO-ს ხელმძღვანელმა, რომელიც ხაზს უსვამს იმის საჭიროებას რომ მისმა კომპანიამ მნიშვნელოვანი ინვესტიციები უნდა განახორციელოს და მოახდინოს რესურსების მობილიზაცია, გაუმკლავდეს მენეჯმენტის ასპექტების ცვლილებებს და ახალ მოთხოვნილ ტექნოლოგიებთან ხალხის კომფორტიც უზრუნველყოს.

ბრაუნი ასევე თვლის რომ ამ გუნდების დაქირავება უფრო დახვეწავს და მოქნილს გახდის იმ მოდელებს, რომლებიც გულისხმობს მათი აქცენტის გაძლიერებას საზღვრისგარეთა ტალანტებზე, რაც საბოლოოდ კრიტიკული ინიციატივების საუკეთესო გასაღებად მოევლინებათ.

სწრაფად, დისტანციურ სწავლაზე

დისტანციური მუშაობის გარდა სფერო, რომელზეც ყველაზე მეტი უკუკავშირი მივიღე ბავშვებთან დაკავშირებული ტექნოლოგიები იყო.

სტეფანი დუა, Homer-ის თანადამფუძნებელი და პრეზიდენტი იმაზე ამახვილებს ყურადღებას, რომ ჯერ კიდევ ცოტა ხნის წინ ტექნოლოგიას მივიჩნევდით რაღაც ისეთად, რისიც „ჩვენ გვეშინოდა და ვფიქრობდით რომ ის ჩვენს ბავშვებს გარესამყაროსთან ინტერაქციისაგან წყვეტდა“. მაგრამ ახლა, ეს მათი ერთადერთი პორტალი, გასასავლელია გარესამყაროზე – სწავლა მასწავლებლებთან ერთად, მეგობრებთან და საყვარელ ადამიანებთან დაკავშირება, ვირტუალური ცეკვითა და იოგით შთაგონება – მას სჯერა რომ ჩვენ ახლიდან უნდა შევაფასოთ და დავაფასოთ ტექნოლოგიების როლი ჩვენი ბავშვების ცხოვრებაში.

მისი სიტყვებით რომ ვთქვათ, საუბარი აღარაა იმაზე, „ტექნოლოგია კარგია თუ ცუდი“, არამედ ახლა იმის დროა რომ კარგად გავიგოთ ტექნოლოგიების ტიპები და ვისწავლოთ მათი შესაბამისი მოხმარება. მას სჯერა რომ ტექნოლოგიას ორი „სუპერძალა“ აქვს ადრეული სწავლების კუთხით: იმის უნარი რომ გამოცდილების მორგება მოხდეს ბავშვის უნარზე და დასწავლის გზებზე, და უნივერსალური წვდომა აღიარებულ და გამოცდილ სასწავლო რესურსებზე. მაშინ როცა დუა აღნიშნავს რომ ბოლო დეტალი დამოკიდებულია ციფრული გაყოფის დახურვაზე, ის იმედს იტოვებს რომ ტექნოლოგიების შესაძლებლობები გააფართოვებს ჩვენი ბავშვების ცნობიერებას და ეს გადასვლა, არ იქნება მტკივნეული.

რასაც ვერ უარვყოფთ ისაა, რომ როგორც სამუშაო გარემოს, ისე სწავლების კუთხით ამ დაავადებამ შეცვალა ხედვა საზოგადოებაზე, მთავრობის როლი და ფინანსური უსაფრთხოების ქსელებიც კი – მან ასევე შეცვალა ტექნოლოგიაზე ჩვენი ხედვები. ტენდენციები მზარდი იყო ვირუსის წინა ერაშიც მაგრამ დღეს ისინი ბევრად უფრო დაჩქარებულია და დიდი ალბათობით ასეთი ცხოვრების სტილი უკვე ახალი ნორმა გახდება. რასაც ადრე ვკრძალავდით (ეკრანებთან ბავშვების ყოფნას) „დარჩი სახლში“ წესების პირობებში, ახლა, ცხოვრების განუყოფელი ნაწილი გახდა.

ადაპტირებულია: forbes.com-იდან