როგორ ავარჩიოთ კარგი საბურავი

საბურავი

მართალია საბურავების დამზადების ტექნოლოგია მუდმივად ვითარდება, თუმცა ყველა ადამიანმა იცის რომ მისი პროტექტორების სიცოცხლისუნარიანობა შეზღუდულია და დამოკიდებულია მეტწილად ავტომობილის, საბურავის ტიპზე (როგორიცაა ყველა სეზონის თუ მაღალი პერფორმანსის), მართვის სტილის აგრესიულობაზე და ასევეა დამოკიდებული გზის თუ ამინდის პირობებზეც. ტიპიური ავტომობილის ფლობის განმავლობაში თქვენ რამდენჯერმე მოგიწევთ მისი საბურავების ახლით ჩანაცვლება. როგორც ანდაზა გვასწავლის, არაფერია სამარადჟამო.

სწორი მოვლა და ავტომობილის მართვისას მისდამი ფრთხილი მოპყრობა გაუხანგრძლივებს სიცოცხლისუნარიანობას თქვენს საბურავებს. პროტექტორების ყოველთვიური ინსპექტირება კი თქვენ წინასწარ შეგატყობინებთ რამდენად ახლოსაა მათი გამოცვლის თარიღი და ასევე არ დაარღვევთ კანონმდებლობით დადგენილ მოთხოვნებსაც. მაგრამ, როდესაც დგება ახალი საბურავის ყიდვის მომენტი, თქვენ ნამდვილად გამოგადგებათ წინამდებარე სტატია, რომელშიც დეტალურადაა გაწერილი მომხმარებელთა კვლევის ექსპერტთა მიერ დატესტილი საბურავების შესახებ კონკრეტული მახასიათებლები. ინფორმირებულობა კი, როგორც იცით ყველაზე მეტად ფასობს არჩევანის გაკეთებისას.

ასე რომ, სანამ გადაწყვეტთ ახალი საბურავის ბრმად ყიდვას, გადახედეთ საბურავების ექსკლუზიურ რეიტინგებს.

საბურავების ტიპები

როცა ჯერი თქვენი საბურავების ჩანაცვლებაზე მიდგება, აუცილებელია გაერკვეთ თუ რა საბურავი აგია თქვენს ავტომობილზე და გაიგოთ  მისი მახასიათებლების შესახებ. უმრავლეს შემთხვევაში, თქვენ მისი მსგავსი საბურავით უნდა ჩაანაცვლოთ ის, იმავე ზომისა და სიჩქარის შეფასებით. აქედან თქვენ გაიგებთ ისეთი მახასიათებლების შესახებ, როგორიცაა სამუხრუჭე თვისებები, ექსპლუატაციის მეთოდები, კომფორტი ტარებისას და ხმაური.

ყველა სეზონის საბურავები

საბურავი პაკრაშკა

ყველა სეზონის საბურავები მრავალი ზომით გამოდის რათა მოერგოს ნებისმიერ მანქანას, მცირე ზომის ავტომობილებიდან – დამთავრებული მსუბუქი ჯიპებითა და პიკაპებით. ისინი ისეთი მძღოლებისთვისაა, რომელთაც სურთ საბურავმა გაუძლოს მთელი წლის დატვირთვას, ჰქონდეს პროტექტორის ხანგრძლივი სიცოცხლისუნარიანობა და სთავაზობდეს ტარების კომფორტულ გამოცდილებას. მაგრამ ყველა სეზონის საბურავები, როგორც წესი, ვერ გამოირჩევა ექსპლუატაციის სიზუსტითა და მაღალი მოჭიდებით.

სიჩქარის რეიტინგები: არანაირი, S (112 მილი/საათი), T (118 მილი/საათი)
პროტექტორის გარანტია: არანაირი ან 40,000-დან100,000 მილამდე
ბორბლის ტიპიური ზომა: 14-დან 18 ინჩამდე

ყველა სეზონის საბურავების რეიტინგები

მაღალი წარმადობის ყველა სეზონის საბურავები

მაღალი წარმადობის ყველა სეზონის საბურავები უზრუნველყოფენ მთელი წლის მანძილზე გარანტირებულ მაღალი მოჭიდების ხარისხს. მათ სტანდარტულ ყველა სეზონის საბურავებთან შედარებით კიდევ უფრო მაღალი სიჩქარის რეიგინტი აქვთ და ასევე უკეთ უმკლავდება ისეთ მოქმედებებს, როგორიცაა ექსპლუატაციის სიზუსტე და კარგი სამუხრუჭე პარამეტრები.

სიჩქარის რეიტინგები: H (130 მილი/საათი), V (149 მილი/საათი)
პროტექტორის გარანტიაარანაირი, ან 40,000-დან 80,000 მილამდე.
ბორბლის ტიპიური ზომა: 15-დან 20 ინჩამდე

Performance“ ყველა სეზონის ავტომობილის საბურავის რეიტინგები

ულტრა მაღალი წარმადობის საბურავები

ყველა სეზონისა და ზაფხულის ულტრა მაღალი წარმადგობის საბურავები მეტწილად მაღალი კლასის სედანებსა თუ სპორტულ მანქანებში ვხვდებით. ყველა სეზონის ულტრა მაღალი წარმადობის საბურავები ისეა დამზადებული რომ უზრუნველყოს როგორც ექსპლუატაციის მაღალი ხარისხი, ისე სველ და მშრალ პირობებში მანევრირების განსაკუთრებული ხარისხი, მაგრამ ხშირად მათ სანაცვლოდ პროტექტორისა და ტარებისას კომფორტის დათმობა მოგიწევთ. ზაფხულის ულტრა მაღალი წარმადობის საბურავები არ არის ცივი ამინდის პირობებში მოსახმარად განსაზღვრული და თოვლიან ან მოყინულ გზებზე ვერ უზრუნველგყოფთ მოჭიდების მაღალი ხარისხით. ყველა სეზონის ვერსიების შემთხვევაში კი ზამთრის მოჭიდების მიღების სანაცვლოდ თქვენ ვერ ისარგებლებთ მშრალ და სველ ზედაპირებზე მოჭიდების ფუნქციონალით.

სიჩქარის რეიტინგები: ZR (149-პლუს მილი/საათი), W (168 მილი/საათი), Y (186 მილი/საათი)
პროტექტორის გარანტია: არანაირი ან 30,000-დან 60,000 მილამდე
ბორბლის ტიპიური ზომა: 17-დან 22 ინჩამდე

ულტრა მაღალი წარმადობის საბურავების რეიტინგები

სატვირთოს ყველა სეზონის საბურავები

სატვირთოს ყველა სეზონის საბურავები შექმნილია მაღალი დატვირთვის ავტომობილების, ჯიპებისა და პიკაპებისათვის. ეს სავსე საბურავები შექმნილია თითქმის ყველანაირ პირობებში მაღალი წარმადობით ფუნქციონირებისათვის.

სიჩქარის რეიტინგები: S (112 მილი/საათი), T (118 მილი/საათი), H (130 მილი/საათი)
პროტექტორის გარანტია: არანაირი ან 40,000-დან 80,000 მილამდე
ბორბლის ტიპიური ზომა: 15-დან 22 ინჩამდე

სატვირთოს ყველა სეზონის საბურავების რეიტინგები

ჯიპის ყველა სეზონის საბურავები

ჯიპის ყველა სეზონის საბურავები განსაკუთრებით თანამედროვე ჯიპებისთვისაა შექმნილი და ზუსტად, ავტომობილისა და სატვირთოს საბურავების შუაში დგას. მისი შექმნისას განსაკუთრებით იზრუნეს მაღალ წარმადობაზე, მსუბუქი წონის ბუქსირებაზე და სა-off-road-ე შესაძლებლობებზე.

სიჩქარის რეიტინგები: T (118 მილი/საათი), H (130 მილი/საათი)
პროტექტორის გარანტია: 60,000-დან 90,000 მილამდე
ბორბლის ტიპიური ზომა: 16-დან 20 ინჩამდე

ჯიპის ყველა სეზონის საბურავების რეიტინგები

სატვირთოს  ყველგანმავალი საბურავები

უფრო დიდი სიმძიმის სატვირთოებისთვის შექმნილი ეს ყველგანმავალი საბურავები შესაფერისია მოკირწყლულ გზებსა და მსუბუქ საოფროუდე პირობებში გამოყენებისათვის. მეტად უსწორმასწორო პროტექტორები ისეა შექმნილი რომ უზრუნველყოფს უფრო მაღალ მოჭიდებას მოუკირწყლავ და თოვლიან გზებზე.

სიჩქარის რეიტინგები: S (112 მილი/საათი) უმეტესობისთვის
პროტექტორის გარანტია: არანაირი, ან 50,000-დან 60,000 მილამდე
ბორბლის ტიპიური ზომა: 15-დან 20 ინჩამდე

სატვირთოს ყველგანმავალი საბურავების რეიტინგები

ზამთრის/თოვლის საბურავები

ზამთრის/თოვლის საბურავები მოჭიდების უმაღლესი ხარისხით ხასიათდება, მკაცრი ამინდის პირობებში ნებისმიერი მანევრისათვის. მაგრამ, როგორც წესი, მათი პროტექტორების სიცოცხლისუნარიანობა უფრო მცირეა, ვიდრე ყველა სეზონის საბურავებისა, რადგანაც ეს ჩანაჭდევები კონკრეტულად თოვლისა და ყინულის პირობებისთვისაა შექმნილი და აღსანიშნავია რომ რეზინის ეს სახეობა ისეა სინთეზირებული რომ შეინარჩუნოს დამყოლობა მინუს გრადუსებზე. ასევე, ზამთრის/თოვლის საბურავები, ხასიათდება უფრო გრძელი სამუხრუჭე დროით, ვიდრე ყველა სეზონის საბურავები სუფთა გზებზე.

აღანიშნავია, რომ ჩვენ დავტესტეთ ზამთრის/თოვლის საბურავები, მაღალი წარმადობის ზამთრის/თოვლის საბურავები სპორტული ავტომობილებისთვის და სატვირთოს ზამთრის/თოვლის საბურავები პიკაპებისა და ჯიპებისთვის.

სიჩქარის რეიტინგები: Q (99 მილი/საათი) და მეტი
პროტექტორის გარანტია: არანაირი უმრავლეს შემთხვევაში
ბორბლის ტიპიური ზომა: 14-დან 22 ინჩამდე

ზამთრის/თოვლის საბურავების რეიტინგები

მაღალი წარმადობის ზამთრის/თოვლის საბურავები

მაღალი წარმადობის ზამთრის/თოვლის საბურავები თითქმის ყველა ზომაშია ხელმისაწვდომი, რათა მოერგოს ულტრა მაღალი წარმადობის ყველა სეზონისა და ზაფხულის საბურავების მქონე ავტომობილებს. ისინი შექმნილია სეზონური ჩანაცვლების მიზნებისთვის და უზრუნველყოფს გაუმჯობესებულ მოჭიდებას, განსაკუთრებით ცივ ამინდში.

სიჩქარის რეიტინგები: H (130 მილი/საათში) და მეტი

პროტექტორის გარანტია: არანაირი
ბორბლის ტიპიური ზომა: 17-დან 20 ინჩამდე

ზამთრის/თოვლის საბურავების რეიტინგები

სატვირთოს ზამთრის/თოვლის საბურავები

სატვირთოს ზამთრის/თოვლის საბურავები შექმნილია სპეციფიურად პიკაპებისა და ჯიპებისათვის. ისევე როგორც ავტომობილების ზამთრის/თოვლის საბურავების შემთხვევაში, ასევე ყოველთვის გამოიყენეთ სატვირთოს ზამთრის/თოვლის საბურავები როგორც წინა, ასევე უკანა წყვილისათვის რათა ისარგებლოთ მოჭიდების, მუხრუჭისა და მოხვევის ოპტიმალური მდგრადობით.

სიჩქარის რეიტინგები: S (112 მილი/საათი) უმრავლესობისათვის
პროტექტორის გარანტია: ტიპიურად არანაირი
ბორბლის ტიპიური ზომა: 15-დან 20 ინჩამდე

ზამთრის/თოვლის საბურავების რეიტინგები

პროტექტორები

პროტექტორის ჩანაჭდევის სიღრმე ახალი საბურავების უმრავლესობაზე ერთი შეხედვით ხილვადია. მაგრამ პროტექტორის ეს აღქმული ხარისხი მხოლოდ შედარებითია და არანაირად არ მეტყველებს იმაზე, თუ რამდენი მილი აქვს მას გავლილი და კიდევ რამდენ ხანს შეიძლება გაძლოს. გარდა ამისა, ყველა მწარმოებელი განსხვავებული მეთოდოლოგიით ხელმძღანელობს მისი გარბენის საპროგნოზო მაჩვენებლის დასათვლელად, რაც საბურავების ბრენდებს შორის შედარების პროცესს კიდევ უფრო დამაბნეველს ხდის.

მომხმარებელთა კვლევები გთავაზობთ შედარებით პროტექტორის წარმადობის გრაფიკებს, სადაც მოცემულია გარბენის პროგნოზები, როგორც ყველა სეზონის ისე მაღალი წარმადობის ყველა სეზონის ავტომობილებისათვის. პროგნოზირებული გარბენის მაჩვენებელი დადგენილია პროტექტორის ჩვენი მკაცრი ტესტირების შედეგების საფუძველზე, რაც იმას გულისხმობს რომ, ჩვენ დღე-ღამის მანძილზე 1,000 მილს გავატარებთ საბურავებს. ავტომობილისა და სატვირთოს საბურავების შემთხვევაში ჯამურად ეს მანძილი – 16,000 მილია. დეტალები შეგიძლიათ იხილოთ აქ.

ულტრა მაღალი წარმადობისა და სატვირთოს საბურავების პროტექტორების ცვთომის შესახებ კი ტესტირებები მომავალშია დაგეგმილი.

ზედმეტად დაბერვა

შედეგი: სწრაფად ცვთება ცენტრალური ნაწილი 

არასაკმარისი დაბერვა

შედეგი: სწრაფად ცვთება საბურავის გვერდითი ზედაპირები.

არასწორი განლაგება

შედეგი: სწრაფად ცვთება საბურავის ერთი მხარე.

სწორად შენახული

შედეგი: თანაბარი ცვეთა საბურავის მთლიან ზედაპირზე.

საბურავის წნევის მონიტორინგის სისტემები

საბურავის წნევის მონიტორინგის სისტემები სტანდარტული აღჭურვილობაა 2008 წლის შემდგომ გამოსულ ახალი ავტომობილების ყველა მოდელში. ამ ფუნქციონალის დამატების შემდეგ, სამთავრობო  კვლევებმა გამოავლინა ის რომ ამ სისტემების გამოყენებამ საგრძნობლად შეამცირა გზებზე დაშვებული საბურავების შემთხვევები, გაზარდა საწვავის ეკონომია და უსაფრთხოების ხარისხი.

ფედერალური მოთხოვნები მოითხოვს რომ ავტომობილის ფუნქციონალი მოიცავდეს საბურავსშიდა წნევის გაზომვასა და მძღოლის ინფორმირებას მაშინ, როცა ეს მაჩვენებელი საგრძნობლად დაეცემა, მაგრამ მასში არ არის გაწერილი კონკრეტული ტექნოლოგიის შესახებ. საბურავთა უმრავლესობა აღჭურვილია სენსორებით, რომლებიც ახდენენ წნევის მონიტორინგს და აღნიშნულ მონაცემებს უსადენო გზით უგზავნიან ავტომობილის ინსტრუმენტების პანელს. ეს სისტემები ცნობილია როგორც პირდაპირი TPMS, მათ შესაძლოა სჭირდებოდეთ ელემენტები კკვების წყაროდ, რომლების ჩანაცვლებაც ახლით რამდენიმე წელიწადში ერთხელ მოგიწევთ, მაგრამ ხშირად საჭირო ხდება მთლიანი სენსორის გამოცვლა. ზოგიერთი მათგანი წნევის დავარდნას გატყობინებთ მაფრთხილებელი სინათლის ანთებით, მაგრამ უკეთესის სისტემები ასევე კონკრეტული მონაცემებით უზრუნველგყოფთ თუ როგორია წნევა საბურავში.

არაპირდაპირი სისტემები კი ინფორმაციას ბლოკირების საწინააღმდეგო სამუხრუჭე სისტემებისაგან იღებენ, რათა გაზომონ ბორბლის სიჩქარე და მისი საშუალებით მოახდინონ წნევის ინტერპრეტირება. ეს სისტემები არ იყენებენ წნევის სენსორებს და შესაბამისად, ვერ წარმოგიდგენენ ინფორმაციას წნევის შესახებ.

მეტი ინფორმაციისთვის იხილეთ სრული რეიტინგები

როგორ გავშიფროთ საბურავის გვერდითი ზედაპირი

საბურავების გვერდით ზედაპირზე საკმაოდ ბევრი ინფორმაციაა დაშიფრული. როდესაც მათ ახლით ანაცვლებთ, ჩვენ გირჩევთ შეიძინოთ იმავე ზომისა და სიჩქარის რეიტინგის მქონე საბურავი, როგორიც ეს თქვენი ავტომობილის ორიგინალი საბურავების შემთხვევაში იყო. მოიძიეთ მფლობელის ინსტრუქცია მეტი ინფორმაციის მისაღებად.

ზომა (Size)სურათზე მოცემულ საბურავზე, 215 წარმოადგენს პროფილის სისქეს მილიმეტრებში; 60 არის გვერდითი ზედაპირის სიმაღლის მის სისქესთან შეფარდება (60%); R მიუთითებს რადიალურ-შრის კონსტრუქციას; და 16 გახლავთ საბურავის ჩარჩოს დიამეტრის სიდიდე ინჩებში.

დატვირთვის ინდექსი (Load index)წარმოადგენს თითოეული საბურავის ამტანობას წონის მიმართ. აქ მოცემული 94 ნიშნავს იმას, რომ თითოეული საბურავი ლიმიტირებულია დაიტვირთოს მაქსიმუმ 1,477 ფუნტის სიმძიმით – რაც საკმაოდ ტიპიურია საშუალო ზომის მანქანის საბურავისთვის. ეს გახლავთ საბურავის მაქსიმალური დატვირთვა.

სიჩქარის რეიტინგი (Speed rating)სიმბოლო გამოხატავს საბურავის მაქსიმალურ სიჩქარეს, იმ დროს როდესაც ის დატვირთვის ინდექსით განსაზღვრული სიმძიმითაა დატვირთული და არა იმას, თუ რამდენად სწრაფად უნდა ატაროთ ავტომობილი! სტანდარტული ყველა სეზონის საბურავები ძირითადად წარმოდგენილია S (112 მილი/საათი) ან T (118 მილი/საათი) სიჩქარით. თუ სკალას კიდევ უფრო ზემოთ ავყვებით, არსებობს: H (130 მილი/საათი), V (149 მილი/საათი), ZR (149 და მეტი მილი/საათი), W (168 მილი/საათი) და Y (186 მილი/საათი) რეიტინგები. ზამთრის საბურავები კი შესაძლოა აღნიშნული იყოს Q სიმბოლოთი (99 მილი/საათი) ან უფრო მეტი.

პროტექტორის ხარისხი (Treadwear grade)სახელმწიფოს მიერ მოთხოვნილი მაჩვენებელია, რომელიც მიუთითებს საბურავის საპროგნოზო ცვთომაზე. თუმცა უნდა გაითვალისწინოთ ის, რომ საბურავების მწარმოებლები თვითონ მიანიჭებენ რიცხვებს აღნიშნულ საბურავებს და ეს შეფასება არ ხორციელდება დამოუკიდებელი მესამე პირის მიერ.

გაწევა და ტემპერატურის შედეგები (Traction and temperature scores)ეს ქულები მიუთითებს იმაზე თუ როგორ ახერხებს სველ ზედაპირზე დამუხრუჭებას საბურავი და რამდენად არის ტემპერატურის მიმართ რეზისტენტული. გაწევისათვის, AA საუკეთესოა, ხოლო C ყველაზე ცუდი. ტემპერატურის რეზისტენტობის კუთხით, ქულები რანჟირდება A-დან (საუკეთესო) C-მდე.

წარმოების თარიღის კოდი (Manufacture date code): ყველა საბურავს გააჩნია Department of Transportation ნომერი, რომელიც გვერდით ზედაპირზე სიმბოლოების შემდეგაა ამოტვიფრული. ბოლო 4 ციფრი აჩვენებს, შესაბამისად, საბურავის დამზადების კვირასა და წელს; მაგალითად, რიცხვები 2315 მიანიშნებს იმაზე, რომ ეს საბურავი დამზადებულია 2015 წლის 23-ე კვირაში. არ შეიძინოთ ისეთი საბურავები, რომლებიც 2 წელზე უფრო მეტი ასაკისაა.

ეწვიეთ ჩვენს საბურავების რეიტინგებს მეტი ინფორმაციისათვის

საბურავების მოვლა

მაღალი გამძლეობის საბურავებისთვის ყველაზე მეტად კრიტიკულ საკითხს წარმოადგენს უსაფრთხოების შემოწმებები. დღევანდელი საბურავების უმრავლესობა ძლებს 50,000 მილს ან მეტს, სანამ გაცვთება, თუმცა, გასათვალისწინებელია ისიც რომ სიცხე, გარემო, ღრანტეებიდა არასაკმარისი დაბერვაც ასევე თამაშობს საკუთარ როლს მათ დასუსტებაში.

როგორ უნდა მოუაროთ თქვენს საბურავებს:

  • შეამოწმეთ წნევა ყოველ თვეში, მაშინ როცა საბურავები ცივია (სანამ 2 მილზე მეტს გაივლიდეთ). დარწმუნდით რომ წნევის არსებული მოცულობა შეესაბამება იმ მაჩვენებელს, რომელიც გამოსახულია კარის ჩარჩოზე მოთავსებულ ფირფიტაზე, სანივთეზე ან საწვავის ავზის გასაღებზე. ამ მაჩვენებლად არ ჩათვალოთ საბურავის გვერდითი ზედაპირის წნევა, ეს გახლავთ წნევის მაქსიმალური ნებადართული ნიშნული.
  • დააკვირდით ნახეთქებს, განაჭერებს ან ამოზნექილობებს, როგორც გვერდით ზედაპირზე, ისე პროტექტორებზე და მათი აღმოჩენის შემთხვევაში, გამოცვალეთ საბურავი.
  • შეამოწმეთ არის თუ არა არათანაბარი ცვეთა პროტექტორებზე, რომელიც ძირითადად მიუთითებს საბურავების არასწორ განლაგებას ან ცვეთის კომპონენტებს, ორივე მათგანი უნდა შემოწმდეს პროფესიონალის მიერ.
  • ნუ დატვირთავთ მანქანას იმაზე მეტი წონით, ვიდრე ეს კარის ჩარჩოზე არსებულ ფირფიტაზეა მითითებული. ზედმეტი დატვირთვა გადაახურებს თქვენს საბურავებს და გაზრდის მათი გაფუჭების ალბათობას.
  • ყოველ სამ თვეში ერთხელ გაზომეთ პროტექტორის სიღრმე. 4/32 ინჩის სიღრმის შემთხვევაში უკვე დროა იფიქროთ მის ახალი საბურავით ჩანაცვლებაზე.

გადახედეთ ჩვენს რეიტინგებს

Bridgestone

ბრიჯსტოუნი წარმოადგენს მსოფლიოს უდიდესი საბურავების სამი მწარმოებლიდან ერთ-ერთს და იგი დაფუძნებულია ტოკიოში. კორპორაცია აწარმოებს და რეალიზაციაში უშვებს პროდუქტებს შემდეგი ბრენდების ქვეშ: Bridgestone, Firestone, Dayton, and Fuzion საბურავები და ასევე სხვა ბრენდები. ის ერთ-ერთი ყველაზე დიდი მიმწოდებელია ამ სექტორში და ასევე პიონერია ზამთრის/თოვლის საბურავებში, დღეს კი გამოირჩევა ახალი ხაზით, რომელიც DriveGuard-ის სახელითაა ცნობილი.

Continental

ეს კომპანია ჩრდილო ამერიკული და გლობალური გაყიდვების მაჩვენებლებით მეოთხე ადგილს იკავებს და უკან მოსდევს Goodyear, Bridgestone-სა და Michelin-ს. თუმცა ის სრულ ასორტიმენტს გვთავაზობს ორიგინალ და სათადარიგო საბურავებში. კომპანია დაფუძნებულია გერმანიაში, გახლავთ ტოპ ავტომიმწოდებელი სამუხრუჭე სისტემებსა და რიგ საავტომობილო კომპონენტებში, გარდა საბურავებისა. კომპანია ყიდის Continental და General ბრენდების საბურავებს.

Cooper

ერთ-ერთია იმ მცირე დამოუკიდებელი ამერიკული საბურავების მწარმოებელთაგან, რომელიც სათავეს მეოცე საუკუნის ადრეულ წლებში იღებს, კუპერი მსოფლიოს 10 საუკეთესო საბურავების მწარმოებლების სიაშია. დაფუძნებულია ფინდლეიში, ოჰაიოს შტატში და მომხმარებელს საბურავების სრულ ასორტიმენტს სთავაზობთ, მოიცავს ბრენდებს: Avon, Cooper, Mastercraft და Starfire. კუპერის საბურავები ყველაზე ხშირად იყიდება დამოუკიდებელი დილერებიის მიერ, თუმცა მათი პოვნა ონლაინაც შეგიძლიათ.

Firestone

ეს ბრენდი ჰარვი სემუელ ფაიერსტოუნის მიერ იქნა დაარსებული 1900 წელს. კომპანია წარმოადგენდა Ford Motor Company-ს მთავარ მიმწოდებელს ათწლეულების მანძილზე, ჰენრი ფორდი და ჰარვი მეგობრებიც კი გახლდნენ. მაგრამ კომპანიებს შორის ეს ურთიერთობა 2001 წელს დასრულდა. 1988 წელს ეს კომპანია მიყიდულ იქნა იაპონიაში დაფუძნებულ Bridgestone-ზე და ის კვლავ ფლობს მთავარი ბრენდის წოდებას მისი ორიგინალი აღჭურვილობისა და სათადარიგო-საბურავების ბაზრებზე.

Goodyear

ჩრდილოეთ ამერიკაში იგი საუკეთესო გაყიდვების მქონე საბურავების მწარმოებლად მოიაზრება და გახლავთ მსოფლიოში ერთ-ერთი წამყვანი მწარმოებელი. დაფუძნებულია აკრონში, ოჰაიოს შტატში. იგი დაარსდა 1898 წელს და ფლობს Dunlop და Kelly საბურავების ბრენდებს, რომელიც იყიდება აშშ-ში.

Michelin

ფრანგული კომპანია მიშელინი სათავო ოფისით წარმოდგენილია გრინვილში. როგორც გლობალური საბურავის მწარმოებელი, ის მომხმარებელს სთავაზობს თითქმის ყველა ტიპის საბურავს. ჩრდილოეთ ამერიკაში ის ფლობს BFGoodrich და Uniroyal ბრენდებს. 1891 წელს დაარსებულმა ამ კომპანიამ პირველად წარმოადგინა ე.წ. radial tire, და კომპანია დღემდე აგრძელებს მომხმარებლისთის ინოვაციების შეთავაზებას საბურავების ტექნოლოგიების კუთხით. მიშელინის საბურავებმა შესანიშნავად გაიარა ჩვენი ყველა-ამინდის ტესტი და ბევრი მოდელი ასევე გვთავაზობს პროტექტორების ხანგრძლივ სიცოცხლისუნარიანობას.

Nitto

1949 წელს დაარსებული ეს კომპანია Toyo-სთან ერთად აწარმოებს თავის პროდუქციას. ბრენდი ამარაგებს ავტომობილებისა და სატვირთოების სეგმენტს. პროდუქტი პოზიციონირდება ულტრა-მაღალი წარმადობის საბურავების ნიშაში პიკაპებისა და ჯიპებისთვის.

 Pirelli

ChemChina-ს მართვას დაქვემდებარებული ცნობილი იტალიური ბრენდი Pirelli ფლობს საწარმოო სივრცეს რომში, ჯორჯიას შტატში. პირელი ემსახურება პოპულარულ ბაზრებს ლაქშერი და სპორტული ავტომობილებისთის. ის ევროპაში უფრო  ძლიერი ავტორიტეტით სარგებლობს ვიდრე ამერიკაში და მომხმარებელს სათადარიგო საბურავების მოდელების სრულ ასორტიმენტს სთავაზობს.

Toyo

ოპერირება იაპონიაში დაიწყო და დღესდღეობით, 1966 წელიდან მოყოლებული, ფორმალურად წარმოადგენს აშშ-ს. კომპანია საოჯახო, სპორტული, ლაქშერი და მსუბუქი გამავლობის პიკაპებისა და ჯიპებისათვის სთავაზობს საბურავთა სრულ ხაზს. საწარმო მდებარეობს ბერთოუ ქაუნთიში, ჯორჯიაში.

Yokohama

Yokohama გახლავთ იაპონური კომპანია, რომელიც მსოფლიო მასშტაბითაა ცნობილი. მისი ჩრდილო ამერიკული სათავო ოფისი წარმოდგენილია სამხრეთ კაროლინაში. მისი საბურავები განსაკუთრებით ორიენტირებულია მშრალი და სველი ზედაპირების მოჭიდების მაღალ ხარისხზე და ჩვენს ტესტირებაშიც მათ სწორედ ამ პარამეტრით აჩვენეს საუკეთესო შედეგები.