ტანისამოსი ტექნოლოგიურ ერაში

ტანისამოსი

ალბათ რთული წარმოსადგენია, მაგრამ უკვე შესაძლებელია ატაროთ მთლიანად სენსორებით შექმნილი ტანისამოსი, რომელიც, თუნდაც თქვენი ხასიათის შესაბამისად შეიცვლის ფერს. ოფიციალური მოდის მომავალი უკვე ინფორმაციაა. ტანისამოსი, რომელსაც სამსახურში ჩავიცვამთ მალე გამოვა ჩაშენებული და დაკავშირებული სენსორებით, რომლებიც სპეციფიური სახის იქნება და გაზომავენ სტრესის დონეს, შეგვახსენებენ ჩვენს ჩანიშნულ შეხვედრებს, გაგვაფრთხილებენ ჩვენ და ჩვენს გარშემომყოფებს, როდესაც მნიშვნელოვანი საქმეა გასაკეთებელი და არამხოლოდ, ამბობს Rebeccah Pailes-Friedman, 2016 წელს გამოსული ბესტსელერის „ჭკვიანი ქსოვილები დიზაინერებისთვის: ტექსტილის მომავლის გამოგონება“ და ტარებადი ტექნოლოგიისა და ჭკვიანი ტექსტილის სფეროში სპეციალიზებული საკონსულტაციო ფირმის დირექტორი. ეს ტექნოლოგია უკვე არსებობს სამხედრო, სამედიცინო და სპორტის ინდუსტრიებში და გამოყენებაშია. შემდეგი გავრცელების ფართო არეალი კი – „ლურჯ საყელოიანი“ და „თეთრ საყელოიანი“ სამსახურებია.

TOUCH-SCREEN ტანისამოსი

ლევი სტრაუსი და კომპანია იყენებს GOOGLE-ის ჟაკარდის პროგრამული უზრუნველყოფის პლატფორმას ბამბის ქურთუკებისთვის. როდესაც ის გაცვიათ, შეგიძლიათ ხელის სპეციფიური მოძრაობებით, როგორიცაა „დაკლიკება“, „ხელის გადასმა“, „დაჭერა“ წაიკითხოთ და უპასუხოთ შემომავალ გზავნილებსა და შეტყობინებებს. ფოტო: LEVI’S დაემშვიდობეთ მომაბეზრებელ შემახსენებელ აპლიკაციებს. სანაცვლოდ კი მოირგეთ პერანგი, პიჯაკი, ქურთუკი, კაბა, რომელიც იბრწყინებს, იციმციმებს ან გამოსცემს ვიბრაციას შეტყობინებებითურთ. 2017 წელს გაშვებული Google’s ჟაკარდ პლატფორმა მწარმოებლებს საშუალებას გაძლევთ ტანისამოსზე დაამაგროთ პატარა ბლუთუზ მოწყობილობა, რომელიც უკავშირდება აპლიკაციას და შედეგად იღებთ მოდიფიცირებულ ტანისამოსს, ზურგჩანთებს, ფეხსაცმელებს და სხვა პროდუქტებს. სპეციალურად შემუშავებული ჩაშენებული ელექტრონიკისა და მორგებული პროგრამული უზრუნველყოფის კომბინაცია საშუალებას მოგცემთ ხელის სპეციფიური მანევრებით, როგორც სმარტფონზე, ისე წაიკითხოთ და უპასუხოთ გზავნილებს და მიიღოთ შეტყობინებები და არამხოლოდ. „ლევი სტრაუსი და კომპანია“-ს ლევის ბრენდი უკვე იყენებს ამ ტექნოლოგიას $198 ჯინსის ქურთუკისთვის, რომელიც, თავდაპირველად, ურბანული ველოსიპედისტებისთვის შეიქმნა. „ამ დიზაინისთვის, კომპანიამ შეისწავლა ე.წ. bike მესენჯერები რათა გაეუმჯობესებინათ გამოცდილება და პროდუქტი ყოფილიყო მაქსიმალურად ორიენტირებული მომხმარებელზე“ – აცხადებს პოლ დილინგერი, ლევის გლობალური პროდუქტების ინოვაციის ხელმძღვანელი. გუგლის ინჟინერიის დეპარტამენტის დირექტორი და Jacquard-ის გამომგონებელი ცხადად წარმოიდგენს ამ გაუმჯობესების გამოყენებას ბიზნესის ფართო სფეროებში. „თქვენ შეგეძლებათ შეამოწმოთ საბირჟო კურსები“ ამბობს ის, ან მოციმციმე LED ეკრანები შეგატყობინებთ როდის უნდა მიხვიდეთ შეხვედრაზე და გაგიძღვებათ საკონფერენციო ოთახისკენ მიმავალ გზაზეც კი. ტექნოლოგია მოსახერხებელი ვიზუალით გამოირჩევა: „ჩვენ აღმოვაჩინეთ რომ ბრენდები უხალისოდ უდგებოდნენ ზედმეტად ბევრი ელექტრონული ელემენტით ტანსაცმლის დატვირთვას“ – აცხადებს ბატონი პოიპირევი, „ძალიან მნიშვნელოვანია დავიცვათ ზღვარი, რომ ტანსაცმელი გაჯეტად არ გადავაქციოთ.“ და თქვენ როგორ წარმოგიდგენიათ მომავლის ტანისამოსი?

წყარო: wsj.com