ბევრი დამსაქმებელი ეძებს ისეთ პროგრამისტებს, რომლებიც მუშაობენ JavaScript, Python და C ენებთან. Getty Images/ Maskot
- თვითიზოლაციაში თუ ზედმეტი თავისუფალი დრო გრჩებათ, ან უბრალოდ თუ ამ ეტაპზე არ მუშაობთ და გინდათ უზარმაზარი და ამასთან, ძალიან მოთხოვნადი უნარის გამომუშავება, პროგრამირების სწავლა ნამდვილად ხელს შეუწყობს თქვენს კარიერულ ზრდას.
- მსოფლიოში ერთ-ერთი უდიდესი ვაკანსიების პორტალის Indeed.com-ის თანახმად 2020 წლის მსოფლიოში ყველაზე მოთხოვნადი ვაკანსიების ჩამონათვალი მოიცავს ისეთ პოზიციებს, როგორიცაა პროგრამული უზრუნველყოფის არქიტექტორი (Software Architect) და Full-Stack დეველოპერი, ორივე მათგანი დაფუძნებულია პროგრამირების ცოდნა.
- ტექნოლოგიურმა კომპანია HackerRank-მა ჩაატარა გამოკვლევა, რომელშიც 116,000-მდე პროგრამულმა ინჟინერმა მიიღო მონაწილეობა, შედეგად კი გამოვლინდა თუ რომელია ყველაზე მაღალანაზღაურებადი პროგრამირების ენები.
- C++-დან დაწყებული Python-ით, Ruby-თი და Perl-ით დამთავრებული, აქ წარმოდგენილია ტოპ-15 ყველაზე მაღალანაზღაურებადი პროგრამირების ენა შესაბამისი online კურსის ბმულთან ერთად.
დღესდღეობით მილიონობით ადამიანი სოციალურ დისტანცირებასა და თვითიზოლაციას მივმართავთ და ვრჩებით სახლებში, ეს გამოწვევა კი ნამდვილად შეგვიძლია გარდაქმნათ ისეთ შესაძლებლობად, რაც სულ ცოტა ხანში ახალ და მძლავრ შეძენილ უნარად გამოვლინდება, 2020 წლის ყველაზე მოთხოვნადი უნარი კი, Indeed.com-ის თანახმად, სწორედ პროგრამირებაა.
საიტის ანალიტიკოსებმა ყურადღებით შეისწავლეს მათი საკუთარი მონაცემთა ბაზა, რათა გამოევლინათ წლის საუკეთესო სამსახურები სამი ფაქტორის მიხედვით: საშუალო ხელფასი, საიტზე განთავსებული ვაკანსიის რაოდენობის ზრდის ტემპი გასული სამი წლის მანძილზე და საიტზე განთავსებულ ყოველ მილიონ ვაკანსიაში რამდენი იყო აღნიშნული ვაკანსია.
ყველაზე დამაიმედებელი software architect ვაკანსია გახლდათ, ეს ადამიანი იღებს მაღალი დონის გადაწყვეტილებებს დიზაინისა და კოდის სტანდარტის შესახებ კონკრეტულ პლატფორმაში. მეორე ადგილას კი გახლდათ full-stack დეველოპერი, ან ადამიანი, რომელსაც შეუძლია გამოავლინოდ პროგრამირების ისეთი უნარები, რომელიც საჭიროა პლატფორმის შესაქმნელად.
მაშინ როცა დამქირავებლები არ სთხოვენ კონკრეტული ვაკანსიის აპლიკანტს სპეციფიური პროგრამირების ენის ცოდნას (პროგრამირების უნარები ხშირად ტრანსფერულია და ერგება რამდენიმე ენას), მნიშვნელოვან დახმარებას გაგიწევთ იმ ფაქტის ცოდნა, თუ რომელი ენებია დაკავშირებული უმაღლეს ანაზღაურებად სამსახურებთან.
HackerRank, ტექნოლოგიურმა კომპანიამ, რომელიც როგორც პროგრამისტებისათვის, ისე რეკრუიტერებისათვის კონკურენტუნარიან პროგრამირების გამოწვევებზე ახდენს ფოკუსირებას, გამოკითხა 116,000-ზე მეტი პროგრამული დეველოპერი და სტუდენტი, რათა დაედგინათ რომელი პროგრამირების ენა ასოცირდებოდა მსოფლიოს მასშტაბით ყველაზე მაღალ ანაზღაურებასთან.
ქვემოთ მოცემულია ენათა სრული ჩამონათვალი, დეველოპერის საშუალო ანაზღაურება კი HackerRank-ის გამოკითხვის მიხედვით 54,491 დოლარს შეადგენს.
C++ საშუალო გლობალური ხელფასი შეადგენს $55,363.10-ს
ამ ენის მცოდნე პროგრამისტების ხელფასები გლობალურ საშუალო ხელფასზე 1.6%-ით მაღალია.
სად შეიძლება მისი სწავლა: მოსინჯეთ ეს ინტერაქტიული Udemy გაკვეთილები დამწყებთათვის ან Udacity საშუალო დონის კურსი, მათთვის ვისაც გააჩნია პროგრამირების საბაზისო ცოდნა.
JavaScript-ის საშუალო გლობალური ხელფასი შეადგენს $55,690
ამ ენის მცოდნე პროგრამისტების ხელფასები გლობალურ საშუალო ხელფასზე 2.2%-ით მაღალია.
სად შეიძლება მისი სწავლა: პროგრამული ინჟინერიის მასწავლებელი Mosh Hamedani გვთავაზობს უფასო YouTube JavaScript-ზე, CodeAcademy-ს კი აქვს უფასო დამწყების დონის ინტერაქტიული გაკვეთილები – Learn JS.
Python საშუალო გლობალური ხელფასი შეადგენს $56,670.90
ამ ენის მცოდნე პროგრამისტების ხელფასები გლობალურ საშუალო ხელფასზე 4%-ით მაღალია.
სად შეიძლება მისი სწავლა: YouTube არხი CS Dojo-ზე განთავსებულია ვიდეო გზამკვლევი აბსოლუტურად დამწყებთათვის, პროგრამული ინჟინერიის მასწავლებელი Mosh Hamedani ასევე განათავსებს ვიდეოებს ამ ენის შესახებ და რაღათქმაუნდა Udemy-ც გვთავაზობს უფასო შესავალ კურსს.
TypeScript საშუალო გლობალური ხელფასი შეადგენს $57,433.70
ამ ენის მცოდნე პროგრამისტების ხელფასები გლობალურ საშუალო ხელფასზე 5.4% -ით მაღალია.
სად შეიძლება მისი სწავლა: JavaScript-ის ცოდნა ამ ენის შესწავლაში ძალიან დაგეხმარებათ. თუმცა, FreeCodeCamp-ს აქვს უფასო დამწყები დონის კურსი TypeScript-ში და ასევე KoderHQ აქვეყნებს უფასო ინტერაქტიულ ტუტორიალებსაც.
Kotlin საშუალო გლობალური ხელფასი შეადგენს $58,196.60
ამ ენის მცოდნე პროგრამისტების ხელფასები გლობალურ საშუალო ხელფასზე 6.8% -ით მაღალია.
სად შეიძლება მისი სწავლა: FreeCodeCamp-ს აქვს დამწყების დონის YouTube გზამკვლევი და KotlinLang.org გთავაზობთ ინტერაქტიულ ტუტორიალებს პროგრამირების საბაზისო უნარების მქონეთათვის.
C# საშუალო გლობალური ხელფასი შეადგენს $58,469.10
ამ ენის მცოდნე პროგრამისტების ხელფასები გლობალურ საშუალო ხელფასზე 7.3% -ით მაღალია..
სად შეიძლება მისი სწავლა: CodeEasy.Net-ზე შეგიძლიათ იხილოთ დამწყების დონის ტუტორიალი, რომლის ფარგლებშიც გაეცნობით ამ ენის საფუძვლებს, გარდა ამისა, YouTube-ზე შეგიძლიათ იხილოთ ვიდეოების კოლექცია ამ ენის შესახებ.
Prolog საშუალო გლობალური ხელფასი შეადგენს $60,648.70
ამ ენის მცოდნე პროგრამისტების ხელფასები გლობალურ საშუალო ხელფასზე 11.3%-ით მაღალია.
სად შეიძლება მისი სწავლა: დაინტერესებულ პირებს რამდენიმე ვებსაიტი სთავაზობს უფასო ინსტრუქტაჟს იმის შესახებ, თუ როგორ უნდა ისწავლონ Prolog.
R საშუალო გლობალური ხელფასი შეადგენს $61,629.60
ამ ენის მცოდნე პროგრამისტების ხელფასები გლობალურ საშუალო ხელფასზე 13.1% -ით მაღალია.
სად შეიძლება მისი სწავლა: Edureka!-ს გააჩნია საკმაოდ კარგი YouTube ტუტორიალი დამწყებთათვის და Codecademy სპეციალურ კურსს უძღვნის აღნიშნულ ენას, ასევე დამწყებთათვის.
Pascal საშუალო გლობალური ხელფასი შეადგენს $62,773.90
ამ ენის მცოდნე პროგრამისტების ხელფასები გლობალურ საშუალო ხელფასზე 15.2%-ით მაღალია.
სად შეიძლება მისი სწავლა: Pascal პროგრამირების შესწავლა უფასო online ტუტორიალებითა და Udemy-ს 12 დოლარიანი კურსითაცაა შესაძლებელი.
Swift საშუალო გლობალური ხელფასი შეადგენს $65,171.50
ამ ენის მცოდნე პროგრამისტების ხელფასები გლობალურ საშუალო ხელფასზე 19.6%-ით მაღალია.
სად შეიძლება მისი სწავლა: FreeCodeCamp.org-ს გააჩნია YouTube ეპიზოდები ენის შესახებ და Hacking with Swift-ს ასევე აქვს საკმაოდ სასარგებლო ონლაინ კურსი მის შესახებ.
Objective-C საშუალო გლობალური ხელფასი შეადგენს $66,697.30
ამ ენის მცოდნე პროგრამისტების ხელფასები გლობალურ საშუალო ხელფასზე 22.4%-ით მაღალია.
სად შეიძლება მისი სწავლა: Udacity-ს აქვს აღნიშნული ენის უფასო კურსი და Tutorials Point გვთავაზობს საკმაოდ კარგ საშუალო დონის გზამკვლევს.
Ruby საშუალო გლობალური ხელფასი შეადგენს $72,146
ამ ენის მცოდნე პროგრამისტების ხელფასები გლობალურ საშუალო ხელფასზე 32.3%-ით მაღალია.
სად შეიძლება მისი სწავლა: Codecademy შესანიშნავი კურსი აქვს დამწყებთათვის და FreeCodeCamp.org საკმაოდ კარგი YouTube გაკვეთილებით გამოირჩევა.
Go Bootcamp საშუალო გლობალური ხელფასი შეადგენს $72,691.30
ამ ენის მცოდნე პროგრამისტების ხელფასები გლობალურ საშუალო ხელფასზე 33.4% -ით მაღალია..
სად შეიძლება მისი სწავლა: ეს სასარგებლო ელექტრონული სახელმძღვანელო კარგი არჩევანია ისეთი ადამიანებისათვის, ვისაც გააჩნიათ პროგრამირების წინა გამოცდილება. დამწყებებისთვის კი ხელსაყრელი იქნება აღნიშნული ონლაინ კურსი, ან თუნდაც Udemy-ს $12 გაკვეთილების სერია.
Scala საშუალო გლობალური ხელფასი შეადგენს $77,159.60
ამ ენის მცოდნე პროგრამისტების ხელფასები გლობალურ საშუალო ხელფასზე 41.6%-ით მაღალია.
სად შეიძლება მისი სწავლა: CognitiveClass.ai დიდებულ დამწყების დონის ტუტორიალებს გვთავაზობს. აგრეთვე შეგიძლიათ გადახედოთ ამ ინტერაქტიულ კურსს.
Perl საშუალო გლობალური ხელფასი შეადგენს $84,025.50
ამ ენის მცოდნე პროგრამისტების ხელფასები გლობალურ საშუალო ხელფასზე 54.2%-ით მაღალია.
სად შეიძლება მისი სწავლა: Perl-ის ონლაინ კურსთა უმრავლესობა მოითხოვს პროგრამირების ზოგად ცოდნას. სხვა შემთხვევაში შეგიძლიათ გადახედოთ “Perl for Newbies” კურსს ან მხედველობაში მიიღოთ უფასო, შესავალი კურსის გავლა რომელიმე გავრცელებულ ენაში, მაგალითად Python an JavaScript. იმ შემთხვევაში კი, თუკი გაგაჩნიათ პროგრამირების ზოგადი ცოდნა, გადახედეთ TutorialsPoint.com ან LearnPerl.org-ს.
